Nikɔn ne kɛ Phaal 8:2 - ɛWee ne ìTsɛm iHywas

² Ne n yaang kɛ nang nimalɛka ɛniitaa na nɛ nibhɛ kɛ kyinasek ɛnu ɛyisɛ ɛTaanggbey ya ntsuntsuung ɛniitaa.

Nikɔn ne kɛ Phaal 8:2 ပူးပေါင်းရင်းမြစ်များ

ɛMacu 18:10

“Wɛɛ ɛn nyini, sɔng ɛ bɛɛs ɛn ɛdɛng ndɔ ne ninɔn nishɛɛrɛng ngɛnaa wo nang. Nzi tɔng nyini, nimalɛka nibhɛ na i shɛɛ ɛlɔ ɛKyɛɛ nge daa ne irywa wo.”

ɛMacu 24:31

Sɛ ne wuute ɛntuntuung, ne ɛ tom nimalɛka ɛbhɛ ndɔ ne ibap naas ɛzay de. Nibhɛ sɛ ne bhɛ tumɛ ninyi ɛbhɛ ne ɛ kɛ ku kasa wo ne ibap naas ɛzay de gbik. Nibhɛ sɛ ne tsa ne iwap ɛdak nibhɛ te ɛzay ya gyɔɔ gbik.

ɛLuka 1:19

ɛMalɛka gha ne kyii nɛ, ɛ yaak ɛbhɛ, “I bok me ɛGyɛbɛrɛl. Nzi shɛɛ ɛnu ɛyisɛ ɛTaanggbey. ɛTaanggbey ya ɛbhɛ kɛ tom me ɛlɔ mo te n tɔng ngɛ ibol iyɛnɛng ngɛdee wo.

ɛLuka 21:36

Maa ku kyinak ɛn ɛkanang nga te ɛ roro ɛn cɛcɛɛy, te ɛTaanggbey ya nang nyini ito ne phee ndɔ nikɔn nɛnaa wo nɛ nibhɛ sɛ tes, ɛ ji sɛ ɛ kyinak ɛn ɛnu ɛyisɛ ɛNgɔn ɛNyi gha.”

1 iKɔrɔntos 15:52

nten idaan, te irwisɛ ne te zebhet, nten de ne kɛ wuute igba ɛtsim mo. Sɛ wuute igba wo, ne yiisik ninyi na nɛ nibhɛ kɛ kus so ndɔ ne ibek ne sang sa de, ne ji sunusi ibek njwɛɛn gbik.

1 iTasɔlɔnika 4:16

Daa ɛli ne ɛDaray ya ne ito ɛbhɛ sɛ le daa ne irywa wo ɛ tɔm ne yel-le ne ɛgbaang ne izɔlɔs, ne izɔlɔs ɛndiinday nimalɛka gbik ne ɛntuntuung ɛTaanggbey. Ninaa nɛ nibhɛ kɛ ne kus ndɔ ɛKiriti gha ne ji tsa nibhɛ yilitsik.

Nikɔn ne kɛ Phaal 1:4

ɛWee yɛwoo le ɛlɔ ɛYohana, ɛbhɛ phɛɛs ɛlɔ ne ijwira ninaa ne roos ɛniitaa na nɛ nibhɛ so ne ivel ne iSiya. Te izɛɛng ne irway ne laal ne ifɛ le ɛlɔ ɛTaanggbey shɛɛ ne nyinɛn. iZɛɛng ne irway ne laal ɛTaanggbey ya ne ɛ sonɛ ɛlyilyɛghaa. ɛHaa ne ɛ kaa ku sonɛ wo, ne haa ne ɛ se ta yaaso. Ne izɛɛng ne irway ne laal de ne ifɛ le ɛlɔ ne ikpabyik ɛniitaa da ne ifɛ so ɛnu ɛyisɛ ɛcuruu ne igbɔm ɛTaanggbey ya.

Nikɔn ne kɛ Phaal 11:15

ɛMalɛka ɛniitaa yɛ ne wuuti ɛntuntuung ɛbhɛ wo, ne n phok idɛ ᐩizɔlɔs nziinzay ihywɛ le daa ne irywa ihywɛ bo, “iGbɔm ɛzay da gbik kɛ teye ivaa ɛDaray mos ne ivaa ɛKiriti ɛbhɛ, ɛbhɛ ne ɛ so ɛhaa ne re igbɔm ne ishay-ishay!”

Nikɔn ne kɛ Phaal 15:1

ɛTsim mɛ ɛlɛy ne n da yaang inyu ɛdɛ ɛgbaang ɛkɔn ne kparat ta daa ne irywa wo dɔng. niMalɛka ɛniitaa nɛ nibhɛ bok nggbang ɛniitaa ivaa ne taal ɛzay, daa ɛli yaa lenɛ nibhɛ wo i shwaak njenjek ɛTaanggbey de.

Nikɔn ne kɛ Phaal 16:1

Ne n phok idɛ izɔlɔs nziinzay de le ndɔ ne ideng ngge ihywɛ boote nɛ nimalɛka ɛniitaa na ihywɛ yɔngɔ, “Cwi te ɛbhɛ sit ɛn njenjek ɛTaanggbey de ne mpɛ so ne ikpɛɛt ɛniitaa da ndɔ ɛzay ya.”

Nikɔn ne kɛ Phaal 8:13

Ne sɛ nggɛ yɛɛn, ne n bok ika ne ɛ so ɛceree ne irywa ne ivel i bol ne ɛgbaang ne izɔlɔs, ɛ bo, “ɛKɔn ne ɛnik! ɛKɔn ne ɛnik! ɛKɔn ne ɛnik yaa sɛ nyini ndɔ ɛzay ya ɛtsim mɛ ne kɛ wuute ntsuntsuung itwat da nɛ nimalɛka itwat da kɛ ryɔng en nibhɛ yaa wuute wo!”

Nikɔn ne kɛ Phaal 8:6

niMalɛka ɛniitaa na nɛ nibhɛ bok ntsuntsuung ɛniitaa da ne ryɔng en ɛli ne ɛrɔngɔ yaa wuuti ɛwoo ɛbhɛ.

Nikɔn ne kɛ Phaal 9:1

ɛMalɛka ne iwii yɛ ne wuuti ɛntuntuung ɛbhɛ wo, ne n yaang ɛyuyɔrɔ le dak ne irywa wo ɛ ho ndɔ ɛzay ya, ne nang ɛbhɛ ɛyaya ne ibong kyukyum be.