Nikɔn ne kɛ Phaal 8:10 - ɛWee ne ìTsɛm iHywas

¹⁰ ɛMalɛka ne itwat tɛ ne wuuti ɛntuntuung ɛbhɛ wo, ɛgbaang ɛyuyɔrɔ ne ɛ re igboo te igboo ne ikingit ne le daa ne irywa ɛ ho ne ihop idaan ndɔ ne iphɛ itwat ne ihel gbik ne irong inɛn.

Nikɔn ne kɛ Phaal 8:10 ပူးပေါင်းရင်းမြစ်များ

ɛMacu 25:1

“Nten nɛdee nggyɛ wo, igbɔm ɛdaa ne irywa da sɛ ne so te ibol ninɔn nilyilyap ɛnduwubɔ nɛ nibhɛ kaa bo ifitila nibhɛ, nibhɛ phɛɛs ne say ne ɛyiyaa ne yɛl.

ɛLuka 10:18

ɛYɛso gha ne kyii nibhɛ nɛ ɛ yɔngɔ, “Nggɛ yaang ɛShɛtan negha, ɛ kɛ ho te irywa ne te derep.”

ɛYahuza 1:13

Nibhɛ sos te igbugbung inɛn, nikɔn ncwa nibhɛ na ne so te ifurum mɛ ne ifɛ i phele ifɛ kyi ifɛ phu, ifɛ birit. Nibhɛ so tɛ niyuyɔrɔ nɛ nibhɛ kaan shwaa, ninaa ne kɛ ku tul ɛlɔ gbyighilik ne inat kang i tek nibhɛ nɛ.

Nikɔn ne kɛ Phaal 1:20

ɛDuk Niyuyɔrɔ ɛniitaa na nɛ ɛ yaang ne iwɔ ne irwye nge wo, nɛ ɛduk ne ncwɛng ne izinariya ɛniitaa da ne i tes ne ifitila da shak ko so ɛlɛ: Niyuyɔrɔ ɛniitaa na so nimalɛka ne ijwira ɛniitaa ninaa ne roos sa, ncwɛng ɛniitaa ne ji so ijwɛng ɛniitaa yɛ.

Nikɔn ne kɛ Phaal 12:4

iHywɛ ne bo ihwel ihywɛ yese ne ihop idaan ndɔ ne iphɛ itwat niyuyɔrɔ de ihywɛ sit ne ivel. ɛGbaang ne izɔ igywebhe de ne ji kyinak ɛnu ɛyisɛ ɛkuk ka ne aa yɛk ko te yaa sɛ ɛngɔn na wuusi ihywɛ wum ɛbhɛ ihywɛ reke.

Nikɔn ne kɛ Phaal 14:7

Ne ɛ boote ne ɛgbaang ne izɔlɔs, ɛ yɔngɔ, “Phok ɛn ɛnik ɛTaanggbey yo, te ɛ nang ɛn ɛbhɛ ne ndiinday, daa ɛli ne nten ne bol ɛshara ɛbhɛ de kɛ tuu. Re ɛn ɛbhɛ ntsong, ɛbhɛ wo ne ɛ kɛ ryɔng irywa wo, ne ɛzay ya, ne ɛling nga, ne irong inɛn da.”

Nikɔn ne kɛ Phaal 16:4

ɛMalɛka ne itwat tɛ ne bhɛ sit ɛkɔn na ne ɛ so ndɔ ne ɛkpɛɛt ɛbhɛ wo ndɔ ne ihel gbik ne irwong, inɛn nɛ ne hyereey mpɛ teye neyi.

Nikɔn ne kɛ Phaal 6:13

Niyiyɔrɔ na ne ji les daa ne irywa wo nibhɛ hoghɛse ndɔ ɛzay ya te ɛli ne ikpam iven ɛpharang ne ɛgbaang ne igbil i suun.

Nikɔn ne kɛ Phaal 8:7

ɛMalɛka ɛyisɛ yɛ ne wuuti ɛntuntuung ɛbhɛ, nkpaaling ne igboo ne ifɛ kɛ byinket nɛ neyi ne wuru, ifɛ sirit te ndɔ ɛzay ya. iGboo yɛ ne re ihop idaan ndɔ iphɛ itwat ɛzay de, ne ihop idaan ndɔ ne iphɛ itwat nihon, ne idik gbik.

Nikɔn ne kɛ Phaal 9:1

ɛMalɛka ne iwii yɛ ne wuuti ɛntuntuung ɛbhɛ wo, ne n yaang ɛyuyɔrɔ le dak ne irywa wo ɛ ho ndɔ ɛzay ya, ne nang ɛbhɛ ɛyaya ne ibong kyukyum be.

Nikɔn ne kɛ Phaal 9:15

niMalɛka nwaas sɛnaa nggyɛ wo ne kɛ ku ryɔng nibhɛ i hyep ne ishay yɛdee wo, ne ifɛl lɛwoo wo, ne igbey yɛwoo wo, ne nten nɛdee wo te ji biri nibhɛ nibhɛ bhɛ phobho ihop idaan ndɔ ne iphɛ itwat ninyi ɛzay ya.

Nikɔn ne kɛ Phaal 9:18

Nikɔn itwat tɛnaa nggyɛ wo nɛ nibhɛ wuusi ɛnu ne ᐩinantse gha, igboo wo ne ngkoy da ne isɔlifa de ne phoo ihop idaan ndɔ ne iphɛ itwat ninyi ɛzay de.