Nikɔn ne kɛ Phaal 7:3 - ɛWee ne ìTsɛm iHywas

³ Ɛ bo, “Sɔng ɛ ku shii bees ɛn ivel ba nɛ niling nga, nɛ nihon na nang, shɛɛ ɛn yak te njwi kyi yaak nikpuru ɛTaanggbey njwɛɛn na ne ɛlamba ne icwiri nibhɛ nyɛɛn.”

Nikɔn ne kɛ Phaal 7:3 ပူးပေါင်းရင်းမြစ်များ

ɛMacu 24:22

Sɛ́ sang yɔng ɛTaanggbey ya kɛ tɛ nituk kɛnaa nggyɛ wo, sɔng ɛnyi ne sonɛ ne ɛ saa ne shɛɛ ɛken nang. ɛTaanggbey ya kɛ ne ku tɛ nituk kɛ nibhɛ te ncɛt ɛlɔ ninyi na ne kɛ kasa wo.

ɛMacu 24:31

Sɛ ne wuute ɛntuntuung, ne ɛ tom nimalɛka ɛbhɛ ndɔ ne ibap naas ɛzay de. Nibhɛ sɛ ne bhɛ tumɛ ninyi ɛbhɛ ne ɛ kɛ ku kasa wo ne ibap naas ɛzay de gbik. Nibhɛ sɛ ne tsa ne iwap ɛdak nibhɛ te ɛzay ya gyɔɔ gbik.

ɛYohana 12:26

ɛNyi gha ne ɛ sim aa mɔn me ɛtomɛ gha, iphɛ ne so nggbinggbing ɛ roos me; te ɛlɔ gha ne nzo nɛ, te ɛkpuru nge gha ne ma so ne ɛlɔ yɛ ne mang. ɛKyɛɛ nge gha sɛ ne nang ɛnyi gha ne ɛ mɔn me ɛtomɛ ne ndiinday.”

ɛYohana 3:33

Gbik ɛnyi gha ne ɛ kɛ ne say ibol ɛbhɛ de nang, ɛ kɛ ne sim ɛtsak wu ɛTaanggbey ya so ɛhaa ne itin nɛ.

iRooma 6:22

ɛLyilyɛghaa wo, kɛ ne tul nyini ndɔ ne ɛfɔt to, ɛ kɛ te ɛn nyini ne nikpuru ɛTaanggbey. ɛWɛng nga ne ɛ sɛ ɛn ndɔ ne ishwɛɛ yɛdaa daa wo ne i te ɛ shɛɛ ɛn iwɛwɛy, iphɛ sɛ ne ta nang nyini iken ne inat.

Nikɔn ne kɛ Phaal 13:16

iNyam ne ifaa yɛdee wo ne yɛk ngɛ nggbinggbing i yaak ninyi na ne ɛlamba ne iwɔ ne irwye nibhɛ, hang ne itiri yɔɔ. Wu te yaak ninyi na ne ɛlamba gha gbik, kaa ne yaak ngɛ ɛlɛ: ɛnyi ɛndiinday ne ɛshɛɛrɛng ngɛ, ɛnyi ne iryat ne ɛhala yɛ, ɛkpuru ne ɛngɔn ne ijwee.

Nikɔn ne kɛ Phaal 13:17

iHywɛ kɛ mɔn ɛlɛ wo te ring ɛnyi gha ne ɛ sang ɛlamba gha ne say ɛkɔn, ta ring ɛbhɛ ne rɛp pɛ. ɛLamba yɛghaa nggyɛ wo ɛbhɛ ɛ soye irywɛɛk ne inyam ɛyisɛ wo, hang ne ɛlamba ne irywɛɛk ne ihywɛ yɔɔ.

Nikɔn ne kɛ Phaal 14:1

Ne nyɛɛn ne n yaang ɛNgɔn ne Pharak kɛ kyinak daa ne ɛWarang ne iSihiyɔɔna, nɛ ninyi na ninom ikɔl idaan ne nzuwubɔ nwaas nɛ nibhɛ nwaas, (144,000) na ne kɛ haa irywɛɛk ɛbhɛ ne ihoo ɛKyɛɛ ɛbhɛ wo ne icwiri nibhɛ da.

Nikɔn ne kɛ Phaal 14:9

ɛMalɛka ne itwat tɛ ne kungke nibhɛ. Ɛ boote ne ɛgbaang ne izɔlɔs ɛ yɔngɔ, “Gbik ɛnyi gha ne ɛ kɛ re inyam igywebhe de ntsong ngga, ɛ ta say ɛlamba ne ihywɛ gha ne itiri ɛbhɛ de hang ne iwɔ ɛbhɛ yɔɔ,

Nikɔn ne kɛ Phaal 19:2

ɛShara gha ne ɛTaanggbey ya kɛ bol ɛ so itin nɛ, ɛ so cik. Ɛ kɛ hyɛ ɛgbaang ɛkuk ne re shwaa gha ɛshara, ɛkuk ka ne ɛbhɛ kɛ bees ɛzay ya ne ishwɛɛ ne nzangas ɛbhɛ da. ɛTaanggbey ya kɛ hyɛ ɛbhɛ ɛshara gha, ɛ kɛ yɛk ɛbhɛ nɛ ɛ tal neyi nikpuru ɛTaanggbey ya.”

Nikɔn ne kɛ Phaal 20:4

ɛTsim mɛ ɛlɛy ne n yaang nicuruu ne igbɔm nɛ ninyi kɛ sooset nɛ, kɛ nang nibhɛ ito ne bol ɛshara. Ne n da yaang ikpen ninyi da ne kaa phobho nibhɛ ɛlɔ ne ishɛɛda de nɛ nibhɛ nang daa ɛYɛso gha, ne bol ɛTaanggbey de. Sɔng nibhɛ kaa re inyam igywebhe de ntsong nang, sɔng nibhɛ ne say ɛlamba ne ihywɛ gha ne icwiri nibhɛ nang, sɔng nibhɛ ne say ne ibɔ nibhɛ nang. Nibhɛ kaa kyi ta shɛɛ niken nibhɛ re igbɔm ne ɛKiriti gha ishay ɛnom ɛdaan.

Nikɔn ne kɛ Phaal 22:4

Nibhɛ sɛ yaang ɛyisɛ ɛTaanggbey ya, irywɛɛk ɛTaanggbey yo ne so ne icwiri nibhɛ.

Nikɔn ne kɛ Phaal 6:6

Ne n ji kyi ta phok ɛdɛ ɛkɔn na kɛ boote te izɔlɔs ɛceree nikɔn niken nwaas sa ɛ bo, “Sɛ́ bo ijam ɛtomɛ ɛtuk ɛdaan ɛlɛbura, ne say ne ɛgyuuru ɛlikama ɛdaan, ne bo ijam ɛtomɛ ɛtuk ɛdaan ɛlɛbura ne say nɛ nigyuuru itwat ne ibɔrɔk ne ibaali. Sɔng ne bees Niphaa na nɛ nihon ne inɛn ɛnap ba nang.”

Nikɔn ne kɛ Phaal 7:1

Ɛtsim nikɔn nɛnaa wo ne n ji yɛɛn, ne n yaang nimalɛka ɛTaanggbey nibhɛ nwaas nibhɛ kɛ kyinasek ne ibap naas ɛzay de, tɛ nibhɛ ring igbil lo ne ifɛ le ne ibap naas de ne tel ɛzay, nɛ niling gbik nɛ nihon.

Nikɔn ne kɛ Phaal 7:2

Ne n da yaang ɛdɛ ɛmalɛka gha ɛ le ne iwap ɛdak, ɛ bok ɛlamba ɛTaanggbey ne iKen. Ne ɛ boote nɛ nimalɛka nwaas sɛnaa nggyɛ wo ne kɛ nang nibhɛ ito ne bees ɛzay ya nɛ niling nga, ne ɛgbaang ne izɔlɔs.

Nikɔn ne kɛ Phaal 9:4

Ne yaak ᐩicobhol de wu hang ihywɛ ta idik, ne ivee, gbik nɛ nihon, wu te ihywɛ yang ku tabha ninyi na ne hame nibhɛ bok ɛlamba ɛTaanggbey ya ne itiri nibhɛ de.