Nikɔn ne kɛ Phaal 7:15 - ɛWee ne ìTsɛm iHywas

¹⁵ iPhɛ phɛ kɛ te, “Nibhɛ kyinasek ɛyisɛ ɛcuruu ne igbɔm ɛTaanggbey ya, nibhɛ mɔn ɛtomɛ ɛbhɛ gha ne ideng ge ne ɛtuk ne igbey. ɛHaa ɛcuruu ne igbɔm ma, yaa ne cwaal nibhɛ ndɔ ɛlɔ ɛsirim ɛbhɛ.

Nikɔn ne kɛ Phaal 7:15 ပူးပေါင်းရင်းမြစ်များ

ɛYohana 1:14

iBɔrɔk ne ibol de kaa ne teye ɛTen ɛsii ɛ shɛɛ ndɔ njwɛɛn, njwɛɛn ne yaang ndiinday ɛbhɛ, ndiinday de ne iphɛ so idee ɛNgɔn ɛDaan ɛKyɛɛ. Ɛ kaa ne so hyɔrɔ ne izɛɛng gbik ne itin ne ibol.

1 iKɔrɔntos 3:16

Ɛ doo ɛn ɛli ne nyinɛn no ne ito mon de ɛ so ɛn ideng ɛTaanggbey de ne iKabyik ɛTaanggbey de i shɛɛ ndɔ mon no naa?

2 iKɔrɔntos 6:16

ɛYakɔn ɛbhɛ kɛ byinki ideng ɛTaanggbey de ne ɛlɔ ne ikpii ghaa? Njwɛɛn soye ideng ɛTaanggbey ɛhaa ne iken, te ɛli ne ɛTaanggbey ya kɛ boote ɛ yɔngɔ, “Naa shɛɛ ndɔ nibhɛ, ne n hyel ndɔ nibhɛ. Naa te me ɛTaanggbey nibhɛ, nibhɛ ne teye ninyi nge.

iBirani 12:2

Nɛ njwɛɛn sit irwisɛ daa ɛYɛso gha ne ɛbhɛ ɛ kɛ phaal ɛnkiinɛ ne ìnang ne itin de, ɛ ta so ɛhaa ne te ìnang ne itin njwɛɛn de te hyɔrɔ wo. Kaa lenɛ ne irway ihwala da ne ifɛ hyep ɛbhɛ wo, ne ɛ rop iku daa ne ihon ne gangat to, sɔng ne ɛ bo ncwa yɛ te mpɛ ɛkɔn nang. Ɛ kɛ ne ji bhɛ soos ne iwɔ ne irwye ɛcuruu ne igbɔm ɛTaanggbey ya.

iBirani 8:1

ɛKɔn na ne njwii bol lo so ɛlɛ, njwɛɛn bok ɛGbaang ɛGɔm nibo ne ɛ shɛs ne ɛ kɛ soos ne iwɔ ne irwye ɛcuruu ne igbɔm ɛTaanggbey ɛHaa ne Ndiinday Gbik.

Nikɔn ne kɛ Phaal 11:19

Ne ji phaal ideng ɛTaanggbey de daa ne irywa wo, ne yaang ɛKwaati ne ìtsɛm mo ne ndɔ yɛ. ɛLɔ gha ne yaa tes derep, ɛɛ wunga, ɛɛ tɛɛ, ɛzay ya sungket, igbaang ne nkpaaling ne i hoghɛ.

Nikɔn ne kɛ Phaal 13:6

iNyam be ne tsa bol ivol ne bɛɛs ɛTaanggbey yegha, ihywɛ bɛɛs irywɛɛk ɛbhɛ, ne ɛlɔ ne shɛɛ ɛbhɛ gbik nɛ ninaa nɛ nibhɛ so daa ne irywa wo.

Nikɔn ne kɛ Phaal 20:10

Ne wum ɛShɛtan negha ne ɛ kɛ luk nibhɛ wo i cwaak ɛbhɛ ndɔ ne ɛling ne igboo ne isɔlifa wo ɛlɔ gha ne kɛ ku cwaak inyam igywebhe de gbik ne ɛnɛbi ne irywɛɛk ka nɛwo. Sɛ́ ne baasek nibhɛ nggbang ne igbey ne ɛtuk, ishay-ishay.

Nikɔn ne kɛ Phaal 21:22

Sɔng ne n yaang ideng ndɔ ɛgarang nga nang, daa ɛli ne ɛDaray ɛTaanggbey ne iTo Gbik ka ne ɛNgɔn ne ɛpharak ka bhɛ soye ideng ɛgarang ngɛ.

Nikɔn ne kɛ Phaal 22:3

Sɔng sɛ́ ne sɛ ɛkɔn ne ɛ so ndɔ ɛkawɛy ɛTaanggbey ndɔ ɛgarang ngɛghaa wo nang. ɛCuruu ne igbɔm ɛTaanggbey ne ɛhaa ɛNgɔn ne ɛpharak ka bhɛ sɛ́ so ndɔ ɛgarang nga. Nikpuru ɛbhɛ sɛ ne re ɛbhɛ ntsong.

Nikɔn ne kɛ Phaal 22:5

Sɔng ɛtuk sɛ ta sonɛ dɔng nang. Sɔng nibhɛ sɛ ne ta tɔk ɛpitila ne iroy ne ifɛ yaa tol nibhɛ nang daa ɛli ne ɛDaray ɛTaanggbey ya ɛbhɛ sɛ́ nang nibhɛ iwɛwɛy de. Nibhɛ sɛ́ ne re igbɔm ba ishay-ishay.

Nikɔn ne kɛ Phaal 4:4

Nidɛng nicuruu ne igbɔm ma nzuwubɔ ifaa nɛ nibhɛ nwaas ne so ɛnggyɛ wo nibhɛ kɛ te ɛcuruu ne igbɔm mɛghaa nggyɛ wo gyɔɔ. Ninu ne ikɔɔn nzuwubɔ ifaa nɛ nibhɛ nwaas kaa ne sooset daa nicuruu ne igbɔm ma, nibhɛ bok itsura ihwala, nɛ nikɔn ne ito ne igbɔm ne izinariya.

Nikɔn ne kɛ Phaal 4:8

ɛRɔngɔ ndɔ nikɔn niken nwaas sɛnaa nggyɛ wo ne bok ivaat ɛtaraa, nibhɛ ne bok irwisɛ ne ibek nibhɛ gbik ne ndɔ ɛta ne ivaat tɛ. Nibhɛ ne ku i yaak ne iywel ne igbey ne ɛtuk, sɔng nibhɛ kɔɔng nge nang. Nibhɛ ne yaak ne iywel lo nibhɛ bo, “ˆƐ so kang! ˆƐ so kang! ˆƐ so kang! ɛDaray ɛTaanggbey ne iTo Gbik ka so kang! Ɛbhɛ kaa ku sonɛ, ɛbhɛ ne ɛ sonɛ ɛlyilyɛghaa, ɛbhɛ sɛ ne ta yaaso.”

Nikɔn ne kɛ Phaal 4:9

Nikɔn niken nwaas sɛnaa nggyɛ wo ne i yaak ɛhaa ɛcuruu ne igbɔm ma ne iywel, nibhɛ i dɛp ɛbhɛ, nibhɛ naas ɛbhɛ ne ndiinday, nibhɛ tɔɔsel ɛbhɛ irway ihwala. Ne i sɛ nibhɛ kɛ yɛk ne iywel lo,

Nikɔn ne kɛ Phaal 7:9

Ɛtsim nikɔn nɛnaa wo, ne nyɛɛn, ne n yaang ɛgbaang ne idira ne hame ɛnyi sɛ yɛɛ ne tɔng ngɛ. Nibhɛ kaa les ne igbagha ɛzay yo, ne ihywee ɛzay de, ne itaang ɛzay de gbik ne ilwem ɛzay da gbik, nibhɛ kɛ kyinasek ɛnu ɛyisɛ ɛcuruu ne igbɔm ma ne ɛNgɔn ne Pharak ka. Nibhɛ so ndɔ ne itsura dɔrɔng ihwala yɛ, nibhɛ ne ji bok ivee ne izezeres ne bo nibhɛ.