Nikɔn ne kɛ Phaal 7:14 - ɛWee ne ìTsɛm iHywas

¹⁴ Ne nggyii ɛbhɛ nɛ, n yaak ɛbhɛ, “Ɛndiinday, ɛ yɛɛ.” Ne ɛ ji yɔngɔ, “Ninyi yɛnaa wo nibhɛ bhɛ kɛ wuru ndɔ ne ɛgbaang ne nggbang ngo. Nibhɛ kɛ ne kuus itsura nibhɛ da nɛ neyi ɛNgɔn ne pharak ka, neyi na kɛ ne ji te ifɛ ifɛ te ihwala da.”

Nikɔn ne kɛ Phaal 7:14 ပူးပေါင်းရင်းမြစ်များ

1 ɛYohana 1:7

Wu njwɛɛn i ne hyel ndɔ ne iwɛwɛy de ɛli ne ɛTaanggbey ya so iwɛwɛy de, njwɛɛn i ne byingis ìtsɛm be nɛ nigwaa. Neyi ɛNgɔn ɛbhɛ ɛYɛso ɛKiriti na i ne kuus ɛfɔt njwɛɛn no gbik.

Nikɔn ne kɛ Phaal 22:14

“Ninaa ɛwɛng ngaa nggyɛy nɛ nibhɛ kɛ kuus itsura nibhɛ, sɛ ne nang nibhɛ ɛnkiinɛ ne re iKpam ɛHon ne iKen da, nibhɛ ta roos ninu ne iduk nibhɛ lel ndɔ ɛgarang nga.

iBirani 13:12

ɛLɛy ne ɛYɛso gha kaa ne ma bhɛ sɔ nggbang ngga ɛtsim ɛgarang nga, te ɛ te ninyi na iwɛwɛy nɛ neyi ɛbhɛ.

Nikɔn ne kɛ Phaal 1:5

Ne izɛɛng ne irway ne laal ne ifɛ le ɛlɔ ɛYɛso ɛKiriti ne ɛbhɛ soye ɛshɛɛda ne sɛ kyinak daa ne ibol ɛbhɛ. Ne ɛ soye ɛngɔn ɛkɔɔn ndɔ ninaa ne yiisitsik ne ikpuu da. Ne ɛbhɛ ɛ soye ɛgɔm nigɔm ɛzay ya. Te nang ɛbhɛ ne ndiinday ne ɛbhɛ ɛ sim njwɛɛn, ɛ kɛ sɔnɔ njwɛɛn ndɔ ne ɛfɔt njwɛɛn no lenɛ nɛ neyi ɛbhɛ ne ɛ kɛ lok.

Nikɔn ne kɛ Phaal 12:11

Nibhɛ kɛ re ɛwɛng nga ne ɛhaa ne banga ikun njwɛɛn na, lenɛ nɛ neyi ɛNgɔn ne ɛpharak ka, gbik ne ishɛɛda nɛ nibhɛ kɛ nang. Gbik ɛli ne kɛ tɔk te yaa phoo nibhɛ wo, nibhɛ ne jung nang iken nibhɛ, kɛ sim nibhɛ ku.

iBirani 9:14

Neyi ɛKiriti na ne phyin neyi nikɔn nɛnaa nggyɛ wo gbom. Kɛ lenɛ ne iKabyik ne inat tɛdee nggyɛ wo ɛKiriti gha ne ɛ sang ɛkɔn ne tok ka ne nang ɛTaanggbey yegha ito ɛbhɛ gbik. ˆƐ kɛ mɔn ɛlɛ wo te ɛ kuus icwas ne irway njwɛɛn, te njwɛɛn tek nikɔn na nɛ nibhɛ aa sang phyik njwɛɛn no, njwɛɛn yaa re ɛTaanggbey ne iken na ntsong.

1 ɛBiturus 1:19

Kɛ yang say nyini nɛ neyi ɛYɛso ɛKiriti na nɛ nibhɛ ku phyin ne ndiinday gbik. ɛYɛso ɛKiriti gha ne so te ɛngɔn ne pharak ne hap itsanga, byirik, wɛlɛng ɛkɔn ne tok.

1 iKɔrɔntos 6:11

ɛLɛy nɛ nidɛng ndɔ mon ka ne ma so ne ile de, ɛlyilyɛghaa wo kɛ ne kuus nyini, i tek nyini ɛ so ɛn ninaa ɛTaanggbey, kɛ ne say nyini wu ɛ so ɛn cik ɛnu ɛyisɛ ɛTaanggbey ndɔ ne irywɛɛk ɛDaray ɛYɛso ɛKiriti, gbik ne ikabyik ɛTaanggbey njwɛɛn.

Nikɔn ne kɛ Phaal 5:9

Nibhɛ ne ji yaak ne iywel ifas, nibhɛ bo, “ˆƐ kɛ hɔn aa bo ɛwee ne ihuhu wo, ˆɛ ta bal icwɛɛm mɛ. Daa ɛli ne kaa phoo yɛ, ne lenɛ nɛ neyi mo na ɛ say ɛTaanggbey ye ninyi gbarang. Ninyi yɛ ne le ne itaang ɛzay de, gbik ne ilwem ɛzay de, ne ihywee ɛzay de gbik ne igbagha ɛzay yo.

ɛMacu 24:21

Daa ɛli ne nggbang ne nten nɛdee nggyɛ wo sɛ kat gbom, sɔng kɛ ku yaang ihywee mpɛ ne ile ne tum ɛzay de nang, sɔng sɛ ne tang ta yaang ihywee mpɛ dɔng nang.

ɛYohana 16:33

“Nggɛ tɔng nyini nikɔn nɛnaa wo te ɛ bok ɛn irway ne laal ndɔ me wo. Aa sɔ ɛn nggbang ndɔ ɛzay ya. Nzi ne bok, te ɛn irway nviit daa ɛli ne nggɛ ku phoo ɛzay ya nɛ.”

Nikɔn ne kɛ Phaal 17:6

Ne n yaang ɛkuk ka kɛ te ziizii nɛ neyi ninyi ɛTaanggbey ne kɛ tul kang gbik nɛ ninyi na ne kɛ phobho lenɛ ne ishɛɛda nibhɛ daa ɛYɛso. Ne sɛ nggɛ yaang ɛbhɛ wo ne n wum me zii.

iRooma 5:3

Sɔng ɛlɛ wo zɔng nang, njwɛɛn bok irway ihwala ndɔ ne nggbang ngga ne njwɛɛn i sɔ wo daa ɛli ne njwɛɛn i yɛɛ wu nggbang ngga i yɛɛs ne irway nviit.

ɛTomɛ 14:22

Nibhɛ ne kpɛng ninaa ne roos sa nibhɛ te nibhɛ itsɔngɔl gɛgɛy wu tɛ nibhɛ ma boos ìnang ne itin de gɛgɛy. Nibhɛ bok nibhɛ, “iPhɛ so sɔ nggbinggbing njwɛɛn sɔ nggbang gbom nyɛɛn njwɛɛn kyi bhɛ lel ne igbɔm ɛTaanggbey ba.”

Nikɔn ne kɛ Phaal 15:2

Ne n yaang ɛdɛ ɛkɔn na ɛ so te ɛling ne kɛ ryɔng ne igyilas i kyɛrɛ ne igboo. Ne n da yaang ninyi na nibhɛ kɛ re ɛwɛng nga ne inyam igywebhe de ne izazurum ihywɛ de gbik ne ɛlamba ne irywɛɛk ne ihywɛ gha. Ninyi yɛnaa nggyɛ wo kɛ kyinasek ɛnu ɛling ne igyilas sa nibhɛ bok ᐩnzom ɛkyee ne ɛTaanggbey kɛ nang nibhɛ.

Nikɔn ne kɛ Phaal 2:9

Nzi yɛɛ nggbang ngga ne ɛ sonɛ wo, nzi ne ta yɛɛ ihala mo de, gbik ne iphɛ ɛlɛy, ne ɛ bok iryat ne iKabyik. Nzi yɛɛ ivol ba ne i bees sɛ nɛ wo, ninyi na nɛ nibhɛ i bok itso nibhɛ da wu i soye niYahodawa na kaabi nibhɛ sang kyi soye nɛ wo. Nibhɛ soye ɛguu ninyi ɛShɛtan.

2 iTasɔlɔnika 1:4

iPhɛ ɛlɛy njwii hal ɛgyɛy ne nyinɛn ndɔ ne ijwira ninaa ne roos ɛTaanggbey yede daa irop iku mon de gbik ne ìnang ne itin mon de ndɔ ne ɛnyɛs so ne i mɔn nyini nɛ wo gbik ne ɛmpyep pa ne ɛ so ɛn nɛ wo.

ɛMarakus 13:19

Nggbang ngɛdaa nggyɛ wo sɛ kat gbogbom. Ɛli ne ɛTaanggbey ya kɛ maa ryɔng ɛzay ya, sɔng kɛ ku sɛ idɛ nggbang ngga ne mpɛ so te mbimbaa nggyɛ wo nang. Sɔng sɛ ne tang ta sɛ nidɛng ne mpɛ sɛ so te mpɛ nang.

Nikɔn ne kɛ Phaal 7:9

Ɛtsim nikɔn nɛnaa wo, ne nyɛɛn, ne n yaang ɛgbaang ne idira ne hame ɛnyi sɛ yɛɛ ne tɔng ngɛ. Nibhɛ kaa les ne igbagha ɛzay yo, ne ihywee ɛzay de, ne itaang ɛzay de gbik ne ilwem ɛzay da gbik, nibhɛ kɛ kyinasek ɛnu ɛyisɛ ɛcuruu ne igbɔm ma ne ɛNgɔn ne Pharak ka. Nibhɛ so ndɔ ne itsura dɔrɔng ihwala yɛ, nibhɛ ne ji bok ivee ne izezeres ne bo nibhɛ.