Nikɔn ne kɛ Phaal 7:10 - ɛWee ne ìTsɛm iHywas

¹⁰ Nibhɛ ne ji kyangkey nibhɛ boote ne ɛgbaang ne izɔlɔs nibhɛ bo, “iPhɔrɔt da le ɛlɔ ɛTaanggbey mos ne ɛ kɛ soos ɛcuruu ne igbɔm, ne ɛNgɔn ne Pharak ka.”

Nikɔn ne kɛ Phaal 7:10 ပူးပေါင်းရင်းမြစ်များ

ɛLuka 3:6

Gbik ninyi ɛzay ya sɛ ne yaang ɛli ne ɛTaanggbey ya kɛ phɔt nibhɛ!”

ɛYohana 1:29

Kɛ ne cwiil ne ihwɛlɛ ɛYohana gha ne yaang ɛYɛso yegha ɛ yaaso ɛlɔ ɛbhɛ, ne ɛ yaak ninyi na, “Yaang ɛn ɛNgɔn ne ɛpharak ɛTaanggbey yɛghaa nggyɛ ne ɛ kɛ bo ɛfɔt ɛzay yo.

ɛYohana 1:36

Ne sɛ ɛ yaang ɛYɛso yegha ɛ phebhe, ne ɛ yɔngɔ, “Yaang ɛn! ɛNgɔn ne ɛpharak ɛTaanggbey ya!”

ɛYohana 4:22

Nyinɛn ninyi ne iSamariya na, ɛ re ɛn ɛkɔn na ne ɛ doo ɛn ntsong ngga, njwit niYahodawa na nang njwii ne yɛɛ ɛnyi gha ne njwii re ɛbhɛ nɛ, daa ɛli ne ɛTaanggbey ya sɛ lenɛ nɛ niYahodawa na ɛ phɔt ɛzay ya.

iFisus 2:8

Nzo kɛ lenɛ ne izɛɛng ɛTaanggbey de i phɔt nyini lenɛ ne ìnang ne itin. Sɔng kɛ phɔt nyini daa ɛdɛ ɛkɔn ɛyɛnɛng nga ne ɛ kɛ mɔn ɛn nang, iphɛ so ìnang ɛbhɛ.

Nikɔn ne kɛ Phaal 12:10

Ne n ji phok ɛgbaang ne izɔlɔs daa ne irywa wo, ihywɛ bo, “Nten nɛdee wo ne iphɔrɔt ɛTaanggbey njwɛɛn da, ne ito ɛbhɛ de ne igbɔm ɛbhɛ, ne ito ɛKiriti ɛbhɛ de kɛ shwaak ghe. Daa ɛli ne kɛ top ɛhaa ne banga ikun na, ikun nigwaa njwɛɛn na ndɔ ɛzay ya. Ɛbhɛ ɛ banga ikun nigwaa njwɛɛn de ɛnu ɛyisɛ ɛTaanggbey njwɛɛn na, ne igbey ne ɛtuk gbik.

Nikɔn ne kɛ Phaal 19:1

ɛTsim mɛ ɛlɛy, ne n phok ɛdɛ ɛkɔn na te izok ninyi maa nɛ nibhɛ yaak ne iywel ɛ le daa ne irywa, ɛ bo, “Te dɛp ɛTaanggbey ye! iPhɔrɔt ne ndiinday ne igbɔm so ivaa ɛTaanggbey njwɛɛn da.

Nikɔn ne kɛ Phaal 21:5

ɛNyi gha ne ɛ kɛ soos ɛcuruu ne igbɔm ma ne ɛ ji yɔngɔ, “ɛLyilyɛghaa wo nzi ryɔng nikɔn na niphas sɛ gbik!” Ne ɛ ta yaak me, “Haa ɛkɔn nɛghaa wo, daa ɛli ne ibol lɛdee wo so i sɛ kyinak daa ne iphɛ, iphɛ ne ta so itin nɛ.”

Nikɔn ne kɛ Phaal 22:3

Sɔng sɛ́ ne sɛ ɛkɔn ne ɛ so ndɔ ɛkawɛy ɛTaanggbey ndɔ ɛgarang ngɛghaa wo nang. ɛCuruu ne igbɔm ɛTaanggbey ne ɛhaa ɛNgɔn ne ɛpharak ka bhɛ sɛ́ so ndɔ ɛgarang nga. Nikpuru ɛbhɛ sɛ ne re ɛbhɛ ntsong.

Nikɔn ne kɛ Phaal 4:6

ɛNu ɛyisɛ ɛcuruu ne igbɔm ma dɔng, ɛdɛ ɛkɔn na ne ta sonɛ ne ɛ so te igyilas ɛ so bɛbhɛrɛng te ɛling, ɛɛ tol nggyɛnggyɛl te ɛmɔdɔbi. Nidɛng nikɔn niken na nwaas ne ɛTaanggbey kɛ ryɔng ne so ɛceree nibhɛ kɛ te ɛcuruu ne igbɔm ba gyɔɔ. Nikɔn niken nɛnaa nggyɛ wo bok irwisɛ ne ibek, ne ɛyisɛ, gbik ne ɛtsim.

Nikɔn ne kɛ Phaal 5:7

ɛNgɔn ne Pharak ka ne yɛɛs ɛ say ɛwee ne ihuhu wo ne ɛbhɛ so ne iwɔ ne irwye ɛhaa ɛcuruu ne igbɔm ma.