Nikɔn ne kɛ Phaal 6:4 - ɛWee ne ìTsɛm iHywas

⁴ iDɛ inantse de ne ihywɛ so isheng ngɛ ne wuru. Ne nang ɛsaa yɛ ito ne aa ba irway ne laal ndɔ ɛzay ya ɛ te ninyi na yaa hal en nibhɛ hyɛghɛ en. Kaa ne nang ɛbhɛ ɛgbaang ɛwal.

Nikɔn ne kɛ Phaal 6:4 ပူးပေါင်းရင်းမြစ်များ

ɛMacu 10:34

“Sɔng ɛ shɛɛ wɛɛ ɛn te nggɛ yɛɛs ne irway ne laal ɛzay ya nang. Sɔng irway ne laal ne nggɛ yɛɛs nɛ nang, itsom ne nggɛ yɛɛs nɛ.

ɛMacu 24:6

Ɛ sɛ ne phok ɛn ngka ne itsom ne i ta cɛcɛk, ne ɛ phok ɛn ngka ne izee ne i ta kyakyak. Sɔng ne ɛ sap ɛn nang, iphɛ so ngbingbing nikɔn nɛnaa tes, itaal ɛzay da sɛ ne kyi tɔ.

ɛYohana 19:11

ɛYɛso gha ne kyii nɛ ɛ yaak ɛbhɛ, “Sɛɛ yɔng ɛTaanggbey kɛ sang nang ngɛ igbɔm ba daa me wo, sɔng ɛ sɛɛ ne bok kang. ɛNyi gha ne ɛ kɛ nang me ne igyɛ wo nang, ɛ kɛ ne mɔn ɛfɔt ne ɛbhɛ phyin ɛwoo mo wo.”

Nikɔn ne kɛ Phaal 12:3

Ne ta yaang ɛdɛ ɛkɔn ne kparat ta daa ne irywa wo; ɛgbaang ne izɔ igywebhe isheng ngɛ. iHywɛ bok itso ɛniitaa, ne igbumɛ ɛnduwubɔ gbik nɛ nikɔn ne ito ne igbɔm ɛniitaa ne itso da.

Nikɔn ne kɛ Phaal 13:10

Wu kɛ ku ryɔng ngɛ sɛ́ rop pɛ, sɛ ne rop pɛ wo. Wu kɛ ku ryɔng ngɛ sɛ́ phoo yɛ ne ihywa, sɛ́ ne phoo yɛ ne ihywa de. ɛKɔn nɛghaa wo i tɔk ɛbɔk ndɔ ne rop iku, ne ìnang ne itin ɛlɔ ninyi ɛTaanggbey ya.

Nikɔn ne kɛ Phaal 17:3

iKabyik ne lel ndɔ mee, ɛmalɛka gha ne bo me ɛ phɛ ne me ndɔ ɛhay. ɛNggyɛ wo ne n yaang ɛdɛ ɛkuk ka ɛ kɛ soos daa ne inyam ìgywebhe isheng ngɛ. iNyam mɛdee nggyɛ wo bok itso ɛniitaa, ne igbumɛ ɛnduwubɔ, kɛ ne haa irɛɛk ne bɛɛs ɛTaanggbey yegha ne ibek ne ihywɛ gbik.

Nikɔn ne kɛ Phaal 17:6

Ne n yaang ɛkuk ka kɛ te ziizii nɛ neyi ninyi ɛTaanggbey ne kɛ tul kang gbik nɛ ninyi na ne kɛ phobho lenɛ ne ishɛɛda nibhɛ daa ɛYɛso. Ne sɛ nggɛ yaang ɛbhɛ wo ne n wum me zii.