Nikɔn ne kɛ Phaal 6:16 - ɛWee ne ìTsɛm iHywas

¹⁶ Nibhɛ ne salan nibhɛ yaak ibarang ngga ne ikpɛɛ da, “Hoghɛsɛ ɛn daa mos te ɛ cwaal ɛn njwii, ɛlɔ ne ɛhaa ne soos ɛcuruu ne igbɔm ma yaa yung yaang njwii, njenjek ɛNgɔn ne Pharak ge ta sɛ njwii.

Nikɔn ne kɛ Phaal 6:16 ပူးပေါင်းရင်းမြစ်များ

ɛMacu 26:64

ɛYɛso gha ne yaak ɛbhɛ, “Ɛ kɛ mɔng ɛlɛy. Nzi ne tɔng nyini, yaa tsa izenge wo aa yaang ɛNgɔn ɛNyi gha kɛ soos ne iwɔ ne irwye ɛHaa ne iTo Gbik ka ne ɛ yaaso ndɔ ne inɔp ɛdaa ne irywa.”

ɛMarakus 3:5

ɛYɛso gha ne yɛɛn nibhɛ ne irway njɛt. Ne ɛ kyii ta bees irway nɛ nibhɛ daa ne ihywee ne irway ikpɛɛ ba nɛ nibhɛ bok ko. Ne ɛ ji yɛɛn ɛnyi gha ne ɛ kɛ baghat iwɔ wo ɛ yaak ɛbhɛ, “Tɔɔl iwɔ mo wo.” ɛNyi gha ne tɔɔl iwɔ ɛbhɛ wo. iFɛ ne shii te ikpen byirik.

ɛLuka 23:30

Nten nɛdee nggyɛ wo nɛ ninyi na sɛ yaak ibarang ngge: “Hoghɛse ɛn daa mos!” Nibhɛ ne yaak igbol ba, “Cwamas ɛn njwii.”

Nikɔn ne kɛ Phaal 10:6

Ne ɛ lɛlɛm ihywa ne irywɛɛk ɛTaanggbey ne ɛ so ɛken ne ishay-ishay, ne ɛbhɛ kɛ ryɔng irywa wo nɛ nikɔn na nɛ nibhɛ sonɛ ɛdak kɛ gbik, ne ɛzay nɛ nikɔn na nɛ nibhɛ sonɛ ne ndɔ yɛ gbik. ɛMalɛka gha ne yɔngɔ: “Sɔng ya ta bese nten dɔng nang!

Nikɔn ne kɛ Phaal 19:15

iHywa ne ihywɛ re gbom ne wuru ɛnu ɛnyi gha. iHywa yɛdee nggyɛ wo ne sɛ ne bo ɛ re igbagha ɛzay yo ne itsom. Ɛ sɛ re igbɔm ba daa nibhɛ ne ɛntsɛng ne igyɔs. Ɛ sɛ ne pharak nibhɛ ne njenjek ɛTaanggbey ne iTo Gbik ɛli ne i pharak ikpam ɛnap ɛlɔ ne pharak kɛ.

Nikɔn ne kɛ Phaal 20:11

ɛTsim mɛ ɛlɛy, ne n yaang ɛgbaang ɛcuruu ne igbɔm ɛhala yɛ gbik ne ɛnyi yɛ ne ɛ kɛ soos nɛ. ɛZay ya ne irywa wo ne tel ɛnu ɛyisɛ ɛbhɛ sɔng ne tang yaang nibhɛ nang.

Nikɔn ne kɛ Phaal 4:2

Nɛ nten nɛ, iKabyik ne lel ndɔ mee, ne n yaang ɛcuruu ne igbɔm daa ne irywa, ɛdɛ ɛnyi gha kɛ soos nɛ.

Nikɔn ne kɛ Phaal 4:5

ɛLɔ ne te derep ne irywa ne wunga ne ɛgbaang ne izɔlɔs ne i wuusi ɛcuruu ne igbɔm ma. ɛNu ɛyisɛ ɛ ɛcuruu ne igbɔm ma, ifitila ɛniitaa ne i re gbom. iFɛ ifɛ soye iKpabyik ɛniitaa ɛTaanggbey da.

Nikɔn ne kɛ Phaal 4:9

Nikɔn niken nwaas sɛnaa nggyɛ wo ne i yaak ɛhaa ɛcuruu ne igbɔm ma ne iywel, nibhɛ i dɛp ɛbhɛ, nibhɛ naas ɛbhɛ ne ndiinday, nibhɛ tɔɔsel ɛbhɛ irway ihwala. Ne i sɛ nibhɛ kɛ yɛk ne iywel lo,

Nikɔn ne kɛ Phaal 5:1

Ne n yaang ɛwee ne ihuhu ne kɛ harap ne iwɔ ne irwye ɛnyi gha ne ɛ kɛ soos ɛcuruu ne igbɔm ma. Ɛbhɛ bok ivol ne kɛ haa nɛ ndɔ yɛ gbik ne ɛtsim mɛ, kɛ harap i baa ɛbhɛ nilɔ ɛniitaa i ji baa ne icwɛɛm.

Nikɔn ne kɛ Phaal 6:10

Nibhɛ yeres ne izɔlɔs nziinzay nibhɛ bo, “ɛDaray ne iTo Gbik, ne ɛ so kang, ɛhaa ne itin, ne nggyibhii ne ɛ sɛ bol ninaa ɛzay ya ɛshara gha, ɛ bak nibhɛ nggbang daa ɛli nɛ nibhɛ kɛ lok neyi mos saa?”

Nikɔn ne kɛ Phaal 9:6

Ndɔ ne iphɛl iwii yɛdee nggyɛ wo, ninyi na sɛ ne tɔk iku de ne irwisɛ gbyik, sɔng nibhɛ ne sɛ nang. Nibhɛ sɛ sim te sɛɛ yɔng nibhɛ yaa shii ku, iku de sɛ ne tel nibhɛ.