Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Nikɔn ne kɛ Phaal 6:11 - ɛWee ne ìTsɛm iHywas

11 Ne nang ɛrɔngɔ ɛtura ɛdɔrɔng ɛhala yɛ, ne ji yaak nibhɛ te nibhɛ kyi shɛɛ yak te kyi shwaak ɛnu nitaay ɛtomɛ nibhɛ na nɛ nigwaa nibhɛ na ne yaa ma phobho ɛli ne kaa ma phobho nibhɛ wo.

အခန်းကိုကြည့်ပါ။ ကော်ပီ




Nikɔn ne kɛ Phaal 6:11
19 ပူးပေါင်းရင်းမြစ်များ  

“Ɛgwaa sɛ nang ɛgwaa ɛbhɛ i phoo ɛbhɛ, ɛKyɛɛ ne nang ɛngɔn ɛbhɛ, ninɔn na sɛ ne bɛɛs nikyɛɛ, nibhɛ te phobho nibhɛ.


“ɛKyɛɛ gha ne yel-le nikpuru ɛbhɛ, ɛ yaak nibhɛ, ‘Yɔngɔ ɛn ɛhywarat ɛbhɛ tɔk ɛn ɛtura ne ɛbhɛ kɛ jam ɛbhɛ shɛs, ɛ yɛk ɛn ɛbhɛ nɛ, te ne ɛ yɛk ɛn ɛbhɛ ne ikpikpangat ne isu ne ikɛn ne iwɔ.


Sɛ́ kas nyini ndɔ ne itsɔɔy mon da; nten yaaso nɛ ninyi na sɛ jii wɛɛ tɛ nibhɛ mɔn ɛTaanggbey ye ɛtomɛ daa ne phobho nyini wo.


Gbik ne iphɛ ɛlɛy, sɔng nggɛ ne bo iken nge ɛnu ɛkɔn nang wu naa yang yɛɛ ne taal ɛtomɛ gha ne ɛDaray ɛYɛso gha kɛ yɛk me nɛ wo, ɛtomɛ ne tɔng ninyi na ibol iyɛnɛng ne izɛɛng ɛTaanggbey de.


Nyinɛn no ne ɛɛ sɔ ɛn nggbang ngga ɛlyilyɛghaa ɛ sɛ́ ne phɔng ne nyinɛn gbik ne njwit to ne mang. ɛKɔn nɛghaa wo sɛ ne te ɛtuk ka ne ɛDaray ɛYɛso gha sɛ le daa ne irywa wo ɛ tɔɔl le gbik ne igbaang nimalɛka ɛbhɛ ndɔ ne ilem ne igboo.


Nggɛ ta itsom be yɛnɛng, nggɛ taal nggbiy da, nggɛ boos ìnang ne itin de byirik.


daa ɛli ne ɛTaanggbey ya kɛ ku ryɔng njwɛɛn ɛdɛ ɛkɔn ɛyɛnɛng nga, te njwɛɛn no nɛ nibhɛ wo sɛ te hyɔrɔ nten idaan nɛ.


ˆƐ kɛ yɛɛs ɛn ɛlɔ ne idira ninaa ne roos nɛ nibhɛ so te ɛngɔn ɛkɔɔn ɛTaanggbey, ne kɛ haa irɛɛk nibhɛ de daa ne irywa. ˆƐ kɛ yɛɛs ɛn ɛlɔ ɛTaanggbey, ne ɛbhɛ ɛ so ɛhaa ne bol ninyi na gbik ɛshara, gbik ne ɛlɔ ne ikpabyik ninyi ne icik ne kɛ te nibhɛ hyɔrɔ.


Daa ɛli ne gbik ɛnyi gha ne ɛ kɛ lel ndɔ ne ìfɔng ɛTaanggbey da, aa ne ma phɔng daa ɛtomɛ ɛbhɛ ɛli ne ɛTaanggbey ya kaa ma phɔng da ɛtomɛ daa ɛbhɛ gha.


Ne ɛ lɛlɛm ihywa ne irywɛɛk ɛTaanggbey ne ɛ so ɛken ne ishay-ishay, ne ɛbhɛ kɛ ryɔng irywa wo nɛ nikɔn na nɛ nibhɛ sonɛ ɛdak kɛ gbik, ne ɛzay nɛ nikɔn na nɛ nibhɛ sonɛ ne ndɔ yɛ gbik. ɛMalɛka gha ne yɔngɔ: “Sɔng ya ta bese nten dɔng nang!


Ne nang inyam ne ifaa de ɛnkiinɛ te ihywɛ yɛk izazurum ne inyam ɛyisɛ ne ifɔng, te izazurum be yaa bol. iHywɛ ne yaa bol ihywɛ yɛk ngɛ i phobho ninyi na nɛ nibhɛ mbaray tang re ihywɛ ntsong ngga.


Ne n phok idɛ izɔlɔs de le daa ne irywa ihywɛ bo, “Haal ɛbɛ, yaa tsa ɛlyilyɛghaa wo, ɛhaa ɛwɛng ngaa nggyɛ ne aa ku ɛ bok ìnang ne itin de ndɔ ɛDaray ya.” iKabyik ge ne i bo, “ɛTsak! Nibhɛ sɛ́ phɔng ndɔ ne nggbang nibhɛ da daa ɛli ne ɛtomɛ nibhɛ gha sɛ́ roos nibhɛ.”


Ne n yaang ɛkuk ka kɛ te ziizii nɛ neyi ninyi ɛTaanggbey ne kɛ tul kang gbik nɛ ninyi na ne kɛ phobho lenɛ ne ishɛɛda nibhɛ daa ɛYɛso. Ne sɛ nggɛ yaang ɛbhɛ wo ne n wum me zii.


Ne nggyii ɛbhɛ nɛ, n yaak ɛbhɛ, “Ɛndiinday, ɛ yɛɛ.” Ne ɛ ji yɔngɔ, “Ninyi yɛnaa wo nibhɛ bhɛ kɛ wuru ndɔ ne ɛgbaang ne nggbang ngo. Nibhɛ kɛ ne kuus itsura nibhɛ da nɛ neyi ɛNgɔn ne pharak ka, neyi na kɛ ne ji te ifɛ ifɛ te ihwala da.”


Ɛtsim nikɔn nɛnaa wo, ne nyɛɛn, ne n yaang ɛgbaang ne idira ne hame ɛnyi sɛ yɛɛ ne tɔng ngɛ. Nibhɛ kaa les ne igbagha ɛzay yo, ne ihywee ɛzay de, ne itaang ɛzay de gbik ne ilwem ɛzay da gbik, nibhɛ kɛ kyinasek ɛnu ɛyisɛ ɛcuruu ne igbɔm ma ne ɛNgɔn ne Pharak ka. Nibhɛ so ndɔ ne itsura dɔrɔng ihwala yɛ, nibhɛ ne ji bok ivee ne izezeres ne bo nibhɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ