Nikɔn ne kɛ Phaal 5:9 - ɛWee ne ìTsɛm iHywas

⁹ Nibhɛ ne ji yaak ne iywel ifas, nibhɛ bo, “ˆƐ kɛ hɔn aa bo ɛwee ne ihuhu wo, ˆɛ ta bal icwɛɛm mɛ. Daa ɛli ne kaa phoo yɛ, ne lenɛ nɛ neyi mo na ɛ say ɛTaanggbey ye ninyi gbarang. Ninyi yɛ ne le ne itaang ɛzay de, gbik ne ilwem ɛzay de, ne ihywee ɛzay de gbik ne igbagha ɛzay yo.

Nikɔn ne kɛ Phaal 5:9 ပူးပေါင်းရင်းမြစ်များ

ɛMacu 20:28

ɛLɛy ne ɛNgɔn ɛNyi gha ne mang, sɔng ɛ kɛ yɛɛs tɛ ninyi na mɔn ɛbhɛ nitomɛ nang, ɛ kɛ yang yɛɛs te ɛ mɔn ninyi na nitomɛ na, ɛ phyii nang iken ɛbhɛ ɛ phɔt nɛ ninyi gbom.”

ɛMacu 26:28

Neyi nge naa wo ne kɛ lok tɛ nibhɛ yaa shwaak ìtsɛm ihywas daa ninyi na gbom.

ɛTomɛ 20:28

Wɛɛ ɛn nyini yɛnɛng, tɛ nɛ ta wɛɛ ɛn ᐩigyol ɛTaanggbey de ne iKabyik ɛTaanggbey de kɛ yɛk nyini nɛ te ɛ wɛɛ ɛn no. Hyep ɛn ninaa ne roos ɛTaanggbey ya ne ɛ kɛ say nibhɛ nɛ neyi ɛNgɔn ɛbhɛ na.

1 iKɔrɔntos 6:20

Kɛ say nyini i tal. iPhɛ ɛlɛy ne ɛ nang ɛn ɛTaanggbey ye ne ndiinday ne ibek mon de.

1 iKɔrɔntos 7:23

ɛKiriti gha kɛ say nyini ɛ tal, sɔng ne ɛ tes ɛn nyini nikpuru niten nisii na nang.

iFisus 1:7

Kɛ lenɛ nɛ neyi ɛKiriti na ne ɛ kɛ lok ne i say njwɛɛn, kaabi i hana ɛfɔt njwɛɛn no lenɛ ne izɛɛng ɛbhɛ ne ihywɛ so gbogbom.

iFisus 5:19

Bol ɛn ndɔ mon ndɔ ne ighel, ne ighel ne dɛp ɛTaanggbey ye gbik ne ighel ikabyik. Yaak ɛn ne ighel te ˆɛ dɛp ɛn ɛTaanggbey ye ndɔ ne irway mon.

iKɔlɔsi 1:14

ɛNgɔn na ne kɛ lenɛ ne ɛbhɛ i say njwɛɛn, njwɛɛn sɛ iphɔrɔt, kaabi kɛ hana njwɛɛn ne ɛfɔt njwɛɛn no.

iKɔlɔsi 1:23

iPhɛ so nggbinggbing ˆɛ re ɛn ɛnu ɛyisɛ ndɔ ne ìnang ne itin mon de te ˆɛ kyinak ɛn nting daa ne itin nɛdee wo. Sɔng ɛ sim ɛn i sungki nyini, ˆɛ hana ɛn iyɛk ne irway yɛdaa wo ne ˆɛ kaa sɛ ɛn nten de ne ˆɛ kaa phok ɛn ibol iyɛnɛng ngɛdee wo nang. iBol iyɛnɛng ngɛdee wo ne kɛ sanga ndɔ nikɔn na ne kɛ ryɔng ngo, ne mee ɛBulus sa nggɛ te me ɛhaa ɛtomɛ yɛwo.

ɛTitus 2:14

ɛYɛso ɛKiriti gha ɛbhɛ kɛ nang ito ɛbhɛ te ɛ phɔt njwɛɛn ndɔ ne ibebhe de, te ɛ kɛ ne kuus njwɛɛn, te njwɛɛn teye ninyi ɛbhɛ zɔng, niwɛwɛy yɛ, njwɛɛn has irway ne mɔn nikɔn niyɛnɛng.

iBirani 11:14

Ninyi na nɛ nibhɛ bol ihywee ne ivol lɛdaa wo, iphɛ kɛ ne tɔɔrek ncɛncɛng wu nibhɛ tɔk ɛgarang ne ito nibhɛ.

2 ɛBiturus 2:1

Ninabawa ne irywɛɛk kaa ne le ndɔ ninyi ɛTaanggbey ya, ɛlɛy nɛ nikyɛɛ ne icwam ne irywɛɛk ka sɛ ne ma le ndɔ mon. Nibhɛ sɛ mɛmɛ ninyi na ne ivol ne irywɛɛk ne ifɛ labhe, ne ifɛ yaa bees ninyi na. Nibhɛ sɛ ma yung yɛɛs ne ivol ne mbaray ɛDaray ye ne ɛ kɛ phɔt nibhɛ, nibhɛ mɛmɛ ninyi na nɛ gying, ɛli ne iphɛ sɛ hɔ nibhɛ ɛkɔn ne bees itso nibhɛ.

1 ɛYohana 1:7

Wu njwɛɛn i ne hyel ndɔ ne iwɛwɛy de ɛli ne ɛTaanggbey ya so iwɛwɛy de, njwɛɛn i ne byingis ìtsɛm be nɛ nigwaa. Neyi ɛNgɔn ɛbhɛ ɛYɛso ɛKiriti na i ne kuus ɛfɔt njwɛɛn no gbik.

1 ɛYohana 2:2

ɛYɛso ɛKiriti gha ɛbhɛ ɛ soye itsanga de ne kɛ hap mɛ te ɛTaanggbey ya hana njwɛɛn ne ɛfɔt njwɛɛn no, sɔng ma yung so ɛfɔt njwɛɛn zɔng nang, gbik ne ɛfɔt ninaa ɛzay yo.

Nikɔn ne kɛ Phaal 10:11

Ne i ji yaak me, “iPhɛ so ngbingbing ɛ tɔng ibol ɛTaanggbey de daa ɛkɔn na ne ɛ sɛ sɛ̀ ihywee ɛzay de, igbagha wo, ne ilwem ba, nɛ nigɔm ma.”

Nikɔn ne kɛ Phaal 11:9

iKpom nibhɛ da sɛ ne shɛɛ nituk itwat ne ngguk, ihywee ɛzay de, itaang ɛzay de, ne ilwem ɛzay da gbik ne igbagha ɛzay yo i wɛɛ ifɛ, nibhɛ ring ne rɛrɛs ifɛ.

Nikɔn ne kɛ Phaal 13:7

Kɛ nang ihywɛ ihwet ne ta itsom nɛ ninyi ɛTaanggbey ya te ihywɛ re nibhɛ. Kɛ ne ta nang ihywɛ igbɔm daa ne icwaang ɛzay, ne ihywee ɛzay de, ne ilwem ɛzay da gbik ne igbagha ɛzay yo.

Nikɔn ne kɛ Phaal 13:8

Gbik ninyi ɛzay ya sɛ́ ne re inyam be ntsong kang nɛ ninaa ne kaa ku haa irɛɛk nibhɛ de ndɔ ne ɛWee ne iKen no. ɛWee ne iKen no soye ɛwoo ɛNgɔn ne ɛpharak ko ne kaa phoo ɛbhɛ wo. Kaa ne ku haa irɛɛk nibhɛ de nten de ne kaa tang ryɔng ɛzay ya.

Nikɔn ne kɛ Phaal 14:6

Ne n da yaang ɛdɛ ɛmalɛka gha dɔng, ɛɛ tel ɛceree ne irywa ne ivel, ɛ bok iBol iYɛnɛng ne inat ne aa tɔng ninaa ɛzay ya. Aa tɔng igbagha ɛzay yo, ne itaang ɛzay de, ilwem ɛzay da, ne ihywee ɛzay de gbik.

Nikɔn ne kɛ Phaal 15:3

Nibhɛ ne i yaak ne iywel ɛMuusaa ne ɛ soye ɛkpuru ɛTaanggbey gbik ne ihoo ɛNgɔn ne ɛpharak ko, nibhɛ bo, “ɛTomɛ mo gha so gbom, nibhɛ so ɛkɔn ne kparat, ɛDaray ɛTaanggbey ne iTo gbik ɔɔy. Nkpiinɛ mo da so cik, ifɛ so itin nɛ, ɛGɔm ne igbagha gbik.

Nikɔn ne kɛ Phaal 17:15

ɛMalɛka gha ne ta yaak me, “iNɛn da ne ˆɛ kɛ yaang ɛkuk ne re shwaa gha kɛ soos nɛ wo ne soye igbagha ɛzay, ninyi ɛzay, ihywee ɛzay ne ilwem ɛzay da gbik.

Nikɔn ne kɛ Phaal 4:11

“ɛDaray ɛTaanggbey mos, ˆɛ kɛ hɔn ɛ sɛ say ndiinday, ne igbom, ne ito. Daa ɛli ne ˆɛ kɛ ryɔng nikɔn na gbik, kɛ lenɛ ne sim mo i ryɔng nibhɛ, nibhɛ sonɛ, nibhɛ so niken.”

Nikɔn ne kɛ Phaal 5:12

Nibhɛ ne i yaak ne iywel ne izɔlɔs nziinzay nibhɛ bo, “ɛNgɔn ne Pharak ka ne kaa hyɛ wo kɛ hɔn ɛlɔ yɛ ne ɛ sɛɛ say ito, ne iryat, ne ntsɛntsɛng, ne ihwet, ne igbɔm, ne ndiinday, ne idɛp.”

Nikɔn ne kɛ Phaal 5:6

Ne n ji yaang ɛngɔn ne Pharak, ɛ so te kɛ hyɛ ɛbhɛ, ɛ kɛ kyinak ɛceree cɛcɛk ne ɛcuruu ne igbɔm ma, nikɔn niken na, nɛ ninu nikɔɔn na kɛ te ɛbhɛ gyɔɔ. ɛNgɔn ne Pharak ka bok igbumɛ ɛniitaa ne irwisɛ ɛniitaa ne ifɛ soye ikpabyik ɛniitaa ɛTaanggbey ba ne kɛ tom ifɛ ndɔ ɛzay ya gbik.