Nikɔn ne kɛ Phaal 5:5 - ɛWee ne ìTsɛm iHywas

⁵ ɛDaan ndɔ ninu nikɔɔn na ne yaak me, “Sɔng ɛ san no nang. Yaang! iZaa de ne ihywɛ le ne icwaang ɛYahoda wo, ne ijwee ɛDoda wo, kɛ ku re ɛwɛng. Ɛ kɛ ne hɔn aa phaal ɛwee ne ihuhu wo, ɛ ta bala icwɛɛm nilɔ ɛniitaa na gbik.”

Nikɔn ne kɛ Phaal 5:5 ပူးပေါင်းရင်းမြစ်များ

ɛLuka 23:28

ɛYɛso gha ne hyereey ɛ yaak, “Nikuk ne iYɛrushɛlɛm yɛɛy! Sɔng ɛ san ɛn mɛɛn no nang, san ɛn ishwin ne itso mon, ne ivaa ninɔn mon.”

ɛLuka 7:13

Kɛ ne sɛ ɛDaray ya kɛ yaang ɛkusang nga, ne ɛ yaa san iyɔm ɛbhɛ gbom. Ne ɛ ji yaak ɛbhɛ, “Sɔng ɛ san no nang.”

ɛLuka 8:52

ɛLɛy ninyi na gbik ne jung san ɛngɔn na, nibhɛ banga ikpun. ɛYɛso gha ne yaak nibhɛ, “Sɔng ɛ san ɛn no nang; sɔng ɛngɔn na kɛ ku nang, ɛ so nwa.”

ɛYohana 20:13

Nibhɛ ne phom ɛbhɛ nibhɛ yɔngɔ, “ɛGyinɛ ɛNgɔn, ikyee phɛ kɛ te ɛ san noo?” ɛMɛri gha ne kyii nɛ ɛ yɔngɔ, “Nibhɛ kɛ bo ɛDaray nge, sɔng nzi ne yɛɛ ɛlɔ gha nɛ nibhɛ kɛ bhɛ tek ne ɛbhɛ nang.”

iRooma 1:3

iBol iYɛnɛng ngge kaa ne so daa ɛNgɔn ɛbhɛ, ɛhaa ne ndɔ ne ibol ne ibek ɛten ɛsii, i kɛ yɛk ɛbhɛ ndɔ ne icwaang ɛDoda.

iRooma 15:12

ɛNɛbi ɛShaa gha kɛ ne ta kyi yɔng, “ɛDɛng ndɔ ne itsan ɛYɛsɛ sɛ wuru, ɛ sɛ ne re igbɔm daa ninyi na ne hame nibhɛ so niYahodawa. Ninyi na hame nibhɛ so niYahodawa na, sɛ ne sit irwisɛ daa ɛbhɛ.”

iBirani 7:14

I Yɛɛ iphɛ wɛsɛrɛk, ɛDaray njwɛɛn na kaa le ne icwaang ɛYahoda. Sɔng ɛMuusaa gha kaa ne boote ɛ yɔngɔ wu ɛdɛ ɛbo ɛTaanggbey ya sɛ le ne icwaang ngɛwoo nggyɛ wo nang.

Nikɔn ne kɛ Phaal 1:1

ɛWee yɛwoo wo so ɛwoo nikɔn ne ɛTaanggbey kɛ phaal ɛYɛso ɛKiriti ye, te ɛ tɔɔrek nikpuru ɛbhɛ nikɔn na nɛ nibhɛ yunga te. ɛYɛso gha kɛ ne phaal ɛkpuru ɛbhɛ ɛYohana ye ibol lɛdee wo lenɛ ne ɛmalɛka ɛbhɛ ne ɛYɛso gha kɛ tom ɛbhɛ ɛlɔ ɛYohana gha.

Nikɔn ne kɛ Phaal 22:16

“Mee ɛYɛso, nggɛ tom ɛmalɛka nge te ɛ yɛɛs ɛ tɔng nyini ivol lɛdaa wo ndɔ ne ijwira ninaa ne roos da. Mee nzo iling ne ijwee ɛDoda, n da so icwaang ɛbhɛ. Ne nzo ɛgbaang ɛyuyɔrɔ ɛraam ne ihwɛlɛ ne ɛ tol.”

Nikɔn ne kɛ Phaal 3:21

Gbik ɛnyi gha ne ɛ kɛ re ɛwɛng ndɔ ne itsom mɛdee wo, nzɛ ne nang ɛbhɛ ɛnkiinɛ ɛ soos ne mee ɛcuruu ne igbɔm nge gha te ɛli ne nggɛ ma re ɛwɛng nga nggɛ soos ne ɛKyɛɛ nge gha ɛcuruu ne igbɔm ɛbhɛ gha.

Nikɔn ne kɛ Phaal 4:10

ninu nikɔɔn nzuwubɔ ifaa nɛ nibhɛ nwaas sa, ne ma hoghɛse nggbuk ɛnu ɛyisɛ ɛhaa ɛcuruu ne igbɔm ma, ne ɛ so ɛken ne ishay-ishay de, nibhɛ re ɛbhɛ ntsong. Nibhɛ ne i teesek nikɔn ne ito ne igbɔm nibhɛ na ɛnu ɛyisɛ ɛcuruu ne igbɔm ma, nibhɛ yɔngɔ:

Nikɔn ne kɛ Phaal 4:4

Nidɛng nicuruu ne igbɔm ma nzuwubɔ ifaa nɛ nibhɛ nwaas ne so ɛnggyɛ wo nibhɛ kɛ te ɛcuruu ne igbɔm mɛghaa nggyɛ wo gyɔɔ. Ninu ne ikɔɔn nzuwubɔ ifaa nɛ nibhɛ nwaas kaa ne sooset daa nicuruu ne igbɔm ma, nibhɛ bok itsura ihwala, nɛ nikɔn ne ito ne igbɔm ne izinariya.

Nikɔn ne kɛ Phaal 5:4

Ne n san gbom, ɛlɔ ne hame kɛ sɛ ɛnyi gha ne ɛ kɛ hɔn ɛ sɛ phaal ɛwee ne ihuhu wo ɛ ta tɔng ngo.

Nikɔn ne kɛ Phaal 6:1

Ne n yaang ɛli ne ɛNgɔn ne Pharak ka kɛ bala icwɛɛm ɛyisɛ yɛ ndɔ nibhɛ ɛniitaa na. Ne n bok ɛdaan ndɔ nikɔn niken nwaas sa kɛ boote te ɛlɔ ne ɛ kɛ wungare, ɛ bo, “Yɛɛs!”

Nikɔn ne kɛ Phaal 7:13

ɛDɛng ndɔ ninu nikɔɔn na ne ji phom me ɛ yɔngɔ, “Ninay yaa wo nɛ nibhɛ so ndɔ ne itsura ihwala dɔrɔng ngɛdaa nggyɛ woo? Nibhɛ le ɛbii?”