Nikɔn ne kɛ Phaal 5:13 - ɛWee ne ìTsɛm iHywas

¹³ Ne n ji ta phok gbik nikɔn na ne ɛTaanggbey ya kɛ ryɔng wo, nɛ nibhɛ so daa ne irywa wo, ne ndɔ ɛzay ya, ne ndɔ ɛta ne ivel la, ne ndɔ ɛling nga. Gbik nɛ nikɔn na nɛ nibhɛ sonɛ ndɔ yɛwo, nibhɛ yaak ne iywel nibhɛ bo, “Te seng wu idɛp, ne igbom, ne ndiinday ne ihwet idee ne ishay-ishay, so idee ɛhaa ne ɛ kɛ soos ɛcuruu ne igbɔm ma, ne ɛNgɔn ne Pharak ka!”

Nikɔn ne kɛ Phaal 5:13 ပူးပေါင်းရင်းမြစ်များ

ɛMacu 6:13

Sɔng ɛ sim njwii ho ne itɛrɛk ga nang, yang kyɛngɛse njwii ndɔ ne ntsɛntsɛng igywebhe ɛShɛtan de.’

ɛLuka 2:14

“ito-ndiinday so idee ɛTaanggbey ɛdaa ne irywa! Te irway ne laal ne shɛɛ ɛzay ya, ndɔ ninaa ne ɛTaanggbey ya i phok iyɛnɛng nibhɛ de.”

ɛYohana 1:29

Kɛ ne cwiil ne ihwɛlɛ ɛYohana gha ne yaang ɛYɛso yegha ɛ yaaso ɛlɔ ɛbhɛ, ne ɛ yaak ninyi na, “Yaang ɛn ɛNgɔn ne ɛpharak ɛTaanggbey yɛghaa nggyɛ ne ɛ kɛ bo ɛfɔt ɛzay yo.

iRooma 11:36

Daa ɛli ne ɛTaanggbey ya ɛbhɛ kɛ ryɔng nikɔn na gbik, Nikɔn na gbik ne sonɛ lenɛ ne ɛTaanggbey ya, nibhɛ ne ta sonɛ daa ne phok iyɛnɛng ɛbhɛ. Te ne nang ɛTaanggbey yegha ne ndiinday ishay-ishay! Ɛɛy.

iRooma 16:27

Te nang ɛTaanggbey ye ne ndiinday lenɛ ne ɛYɛso ɛKiriti gha, ɛbhɛ zɔng ɛbhɛ bok ntsɛntsɛng! Ɛɛy.

iRooma 9:5

Nibhɛ so ihywee nikyɛɛ-nikyɛɛ niYahodawa na ne i yɛɛ nibhɛ gbom. ɛKiriti gha ne so ihywee nibhɛ ndɔ ne iyɛk ne ibek. Te ne dɛp ɛTaanggbey ye ne ɛbhɛ ɛ bok igbɔm nikɔn na gbik wɛlɛng ɛgak. Ɛɛy.

iFisus 3:21

Te nang ɛbhɛ ne ndiinday de ndɔ ne idira ninaa ne roos de gbik ne ndɔ ɛYɛso ɛKiriti gha ne ᐩizam be gbik, ne ishay-ishay! Ɛɛy.

iFilibi 2:10

Tɛ nikɔn na ne kɛ ryɔng ngo te nɛ ɛkuum daa ne irywɛɛk ɛYɛso wo. Nikɔn ɛdaa ne irywa na, nɛ ninaa ɛzay ya, nɛ ninaa ndɔ ɛta ne ivel.

iKɔlɔsi 1:23

iPhɛ so nggbinggbing ˆɛ re ɛn ɛnu ɛyisɛ ndɔ ne ìnang ne itin mon de te ˆɛ kyinak ɛn nting daa ne itin nɛdee wo. Sɔng ɛ sim ɛn i sungki nyini, ˆɛ hana ɛn iyɛk ne irway yɛdaa wo ne ˆɛ kaa sɛ ɛn nten de ne ˆɛ kaa phok ɛn ibol iyɛnɛng ngɛdee wo nang. iBol iyɛnɛng ngɛdee wo ne kɛ sanga ndɔ nikɔn na ne kɛ ryɔng ngo, ne mee ɛBulus sa nggɛ te me ɛhaa ɛtomɛ yɛwo.

1 ɛTimɔti 4:16

Wɛɛ ito mo yɛnɛng gbik ne ɛkɔn na ne ɛ mɛmɛ ninyi na nɛ wo. Kyinak gɛgɛy ndɔ nibhɛ, daa ɛli ne wu ˆɛ kɛ mɔn ɛlɛ wo, ˆaa ne phɔt ito mo gbik nɛ ninyi nɛ nibhɛ i phok kɛwo.

1 ɛBiturus 4:11

Gbik ɛnyi gha ne kɛ nang ɛbhɛ izɛɛng ne sanga ibol ɛTaanggbey de, te ne ɛ bol te ɛTaanggbey ya ne ito ɛbhɛ bhɛ bol. Gbik ɛnyi gha ne kɛ ne nang ɛbhɛ izɛɛng ne mɔn nigwaa ɛtomɛ, te ne ɛ mɔn gbik ne ihwet da ne ɛTaanggbey kɛ nang ɛbhɛ. Te mɔn ɛlɛ wo te nang ɛTaanggbey ye ne ndiinday ndɔ nikɔn na gbik lenɛ ne ɛYɛso ɛKiriti. Te sɛ yɔngɔ ɛTaanggbey ya bhɛ bok igbɔm ne ndiinday ne ishay-ishay. Ɛɛy.

1 ɛBiturus 5:11

ɛTaanggbey ya ɛbhɛ bok igbɔm ne ishay-ishay. Te iphɛ ne shɛɛ ɛlɛy.

ɛYahuza 1:25

Te ne dɛp ɛTaanggbey yegha ne ɛbhɛ ɛ soye ɛTaanggbey ya zɔng lenɛ ne ɛDaray njwɛɛn ɛYɛso ɛKiriti ɛhaa ne phɔt njwɛɛn. Te ndiinday, ne igbom, ne ito, ne igbɔm teye ivaa ɛbhɛ, lenɛ ne ɛtum ɛzay yo, ne ɛlyilyɛghaa, gbik ne ishay-ishay! Ɛɛy.

Nikɔn ne kɛ Phaal 1:6

Ɛ kɛ te njwɛɛn njwɛɛn teye ninaa ne re igbɔm, nɛ nibo ninaa ne mɔn ɛtomɛ ɛTaanggbey ne ɛbhɛ ɛ soye ɛKyɛɛ ɛbhɛ. iPhɛ ɛlɛy, te ne yɔng ɛYɛso ɛKiriti gha bok ndiinday ne igbɔm ne ishay-ishay. Ɛɛy.

Nikɔn ne kɛ Phaal 13:8

Gbik ninyi ɛzay ya sɛ́ ne re inyam be ntsong kang nɛ ninaa ne kaa ku haa irɛɛk nibhɛ de ndɔ ne ɛWee ne iKen no. ɛWee ne iKen no soye ɛwoo ɛNgɔn ne ɛpharak ko ne kaa phoo ɛbhɛ wo. Kaa ne ku haa irɛɛk nibhɛ de nten de ne kaa tang ryɔng ɛzay ya.

Nikɔn ne kɛ Phaal 5:1

Ne n yaang ɛwee ne ihuhu ne kɛ harap ne iwɔ ne irwye ɛnyi gha ne ɛ kɛ soos ɛcuruu ne igbɔm ma. Ɛbhɛ bok ivol ne kɛ haa nɛ ndɔ yɛ gbik ne ɛtsim mɛ, kɛ harap i baa ɛbhɛ nilɔ ɛniitaa i ji baa ne icwɛɛm.

Nikɔn ne kɛ Phaal 5:12

Nibhɛ ne i yaak ne iywel ne izɔlɔs nziinzay nibhɛ bo, “ɛNgɔn ne Pharak ka ne kaa hyɛ wo kɛ hɔn ɛlɔ yɛ ne ɛ sɛɛ say ito, ne iryat, ne ntsɛntsɛng, ne ihwet, ne igbɔm, ne ndiinday, ne idɛp.”

Nikɔn ne kɛ Phaal 5:3

Sɔng ne sɛ ɛnyi daa ne irywa, ne ndɔ ɛzay, gbik ne ndɔ ɛta ne ivel la ne ɛ kɛ hɔn aa yɛɛ ne phaal ɛwee ne ihuhu yɛwoo nggyɛ wo ɛ ta yɛɛ ne tɔng ngɛ nang.

Nikɔn ne kɛ Phaal 5:6

Ne n ji yaang ɛngɔn ne Pharak, ɛ so te kɛ hyɛ ɛbhɛ, ɛ kɛ kyinak ɛceree cɛcɛk ne ɛcuruu ne igbɔm ma, nikɔn niken na, nɛ ninu nikɔɔn na kɛ te ɛbhɛ gyɔɔ. ɛNgɔn ne Pharak ka bok igbumɛ ɛniitaa ne irwisɛ ɛniitaa ne ifɛ soye ikpabyik ɛniitaa ɛTaanggbey ba ne kɛ tom ifɛ ndɔ ɛzay ya gbik.

Nikɔn ne kɛ Phaal 5:9

Nibhɛ ne ji yaak ne iywel ifas, nibhɛ bo, “ˆƐ kɛ hɔn aa bo ɛwee ne ihuhu wo, ˆɛ ta bal icwɛɛm mɛ. Daa ɛli ne kaa phoo yɛ, ne lenɛ nɛ neyi mo na ɛ say ɛTaanggbey ye ninyi gbarang. Ninyi yɛ ne le ne itaang ɛzay de, gbik ne ilwem ɛzay de, ne ihywee ɛzay de gbik ne igbagha ɛzay yo.

Nikɔn ne kɛ Phaal 6:16

Nibhɛ ne salan nibhɛ yaak ibarang ngga ne ikpɛɛ da, “Hoghɛsɛ ɛn daa mos te ɛ cwaal ɛn njwii, ɛlɔ ne ɛhaa ne soos ɛcuruu ne igbɔm ma yaa yung yaang njwii, njenjek ɛNgɔn ne Pharak ge ta sɛ njwii.