Nikɔn ne kɛ Phaal 5:12 - ɛWee ne ìTsɛm iHywas

¹² Nibhɛ ne i yaak ne iywel ne izɔlɔs nziinzay nibhɛ bo, “ɛNgɔn ne Pharak ka ne kaa hyɛ wo kɛ hɔn ɛlɔ yɛ ne ɛ sɛɛ say ito, ne iryat, ne ntsɛntsɛng, ne ihwet, ne igbɔm, ne ndiinday, ne idɛp.”

Nikɔn ne kɛ Phaal 5:12 ပူးပေါင်းရင်းမြစ်များ

ɛMacu 28:18

ɛYɛso gha ne yɛɛs cɛcɛk, ne ɛ yaak nibhɛ, “Kɛ nang me igbɔm ɛdaa ne irywa da ne ivaa ndɔ ɛzay ya gbik.

ɛYohana 1:29

Kɛ ne cwiil ne ihwɛlɛ ɛYohana gha ne yaang ɛYɛso yegha ɛ yaaso ɛlɔ ɛbhɛ, ne ɛ yaak ninyi na, “Yaang ɛn ɛNgɔn ne ɛpharak ɛTaanggbey yɛghaa nggyɛ ne ɛ kɛ bo ɛfɔt ɛzay yo.

ɛYohana 17:2

Daa ɛli ne ɛ kɛ nang ɛbhɛ igbɔm daa ninyi na gbik, te ne ɛ nang gbik ninyi na ne ɛ kɛ nang ɛbhɛ wo iken ne inat.

2 iKɔrɔntos 8:9

Ɛ yɛɛ ɛn izɛɛng ɛDaray njwɛɛn ɛYɛso ɛKiriti de. Ɛ kɛ soye ɛhaa ne iryat, ɛ kɛ ne teye ɛhala daa ne igboo mon. iHala ɛbhɛ de kɛ ne te nyini ɛ te ɛn nyini ninaa ne iryat.

1 ɛTimɔti 1:17

Te ne nang ɛGɔm ne iNat ta ne ndiinday ne igbom cɛcɛɛy! ɛHaa ne ɛbhɛ ɛ soye ɛTaanggbey ya zɔng ngo, ɛhaa ne ɛ sang ɛgak ko, ɛhaa ne i sang yaang ɛbhɛ wo. Ɛɛy.

Nikɔn ne kɛ Phaal 1:6

Ɛ kɛ te njwɛɛn njwɛɛn teye ninaa ne re igbɔm, nɛ nibo ninaa ne mɔn ɛtomɛ ɛTaanggbey ne ɛbhɛ ɛ soye ɛKyɛɛ ɛbhɛ. iPhɛ ɛlɛy, te ne yɔng ɛYɛso ɛKiriti gha bok ndiinday ne igbɔm ne ishay-ishay. Ɛɛy.

Nikɔn ne kɛ Phaal 13:8

Gbik ninyi ɛzay ya sɛ́ ne re inyam be ntsong kang nɛ ninaa ne kaa ku haa irɛɛk nibhɛ de ndɔ ne ɛWee ne iKen no. ɛWee ne iKen no soye ɛwoo ɛNgɔn ne ɛpharak ko ne kaa phoo ɛbhɛ wo. Kaa ne ku haa irɛɛk nibhɛ de nten de ne kaa tang ryɔng ɛzay ya.

Nikɔn ne kɛ Phaal 15:3

Nibhɛ ne i yaak ne iywel ɛMuusaa ne ɛ soye ɛkpuru ɛTaanggbey gbik ne ihoo ɛNgɔn ne ɛpharak ko, nibhɛ bo, “ɛTomɛ mo gha so gbom, nibhɛ so ɛkɔn ne kparat, ɛDaray ɛTaanggbey ne iTo gbik ɔɔy. Nkpiinɛ mo da so cik, ifɛ so itin nɛ, ɛGɔm ne igbagha gbik.

Nikɔn ne kɛ Phaal 19:1

ɛTsim mɛ ɛlɛy, ne n phok ɛdɛ ɛkɔn na te izok ninyi maa nɛ nibhɛ yaak ne iywel ɛ le daa ne irywa, ɛ bo, “Te dɛp ɛTaanggbey ye! iPhɔrɔt ne ndiinday ne igbɔm so ivaa ɛTaanggbey njwɛɛn da.

Nikɔn ne kɛ Phaal 4:11

“ɛDaray ɛTaanggbey mos, ˆɛ kɛ hɔn ɛ sɛ say ndiinday, ne igbom, ne ito. Daa ɛli ne ˆɛ kɛ ryɔng nikɔn na gbik, kɛ lenɛ ne sim mo i ryɔng nibhɛ, nibhɛ sonɛ, nibhɛ so niken.”

Nikɔn ne kɛ Phaal 5:13

Ne n ji ta phok gbik nikɔn na ne ɛTaanggbey ya kɛ ryɔng wo, nɛ nibhɛ so daa ne irywa wo, ne ndɔ ɛzay ya, ne ndɔ ɛta ne ivel la, ne ndɔ ɛling nga. Gbik nɛ nikɔn na nɛ nibhɛ sonɛ ndɔ yɛwo, nibhɛ yaak ne iywel nibhɛ bo, “Te seng wu idɛp, ne igbom, ne ndiinday ne ihwet idee ne ishay-ishay, so idee ɛhaa ne ɛ kɛ soos ɛcuruu ne igbɔm ma, ne ɛNgɔn ne Pharak ka!”

Nikɔn ne kɛ Phaal 5:6

Ne n ji yaang ɛngɔn ne Pharak, ɛ so te kɛ hyɛ ɛbhɛ, ɛ kɛ kyinak ɛceree cɛcɛk ne ɛcuruu ne igbɔm ma, nikɔn niken na, nɛ ninu nikɔɔn na kɛ te ɛbhɛ gyɔɔ. ɛNgɔn ne Pharak ka bok igbumɛ ɛniitaa ne irwisɛ ɛniitaa ne ifɛ soye ikpabyik ɛniitaa ɛTaanggbey ba ne kɛ tom ifɛ ndɔ ɛzay ya gbik.

Nikɔn ne kɛ Phaal 5:8

Ne sɛ ɛNgɔn ne Pharak ka kɛ say ɛwee ne ihuhu wo, nikɔn niken nwaas sa, nɛ ninu nikɔɔn nzuwubɔ ifaa nɛ nibhɛ nwaas sa ne ji ho ɛnu ɛyisɛ ɛNgɔn ne Pharak ka. ɛRɔngɔ bok iguwu, ne ɛkpɛɛt ne izinariya i kɛ yɛk ne ɛturarɛ hyɔrɔ nɛ ne ndɔ yɛ. ɛTurarɛ yɛwo nggyɛ wo ɛbhɛ soye ɛroo ninyi ɛTaanggbey ya nɛ nibhɛ roro.

Nikɔn ne kɛ Phaal 5:9

Nibhɛ ne ji yaak ne iywel ifas, nibhɛ bo, “ˆƐ kɛ hɔn aa bo ɛwee ne ihuhu wo, ˆɛ ta bal icwɛɛm mɛ. Daa ɛli ne kaa phoo yɛ, ne lenɛ nɛ neyi mo na ɛ say ɛTaanggbey ye ninyi gbarang. Ninyi yɛ ne le ne itaang ɛzay de, gbik ne ilwem ɛzay de, ne ihywee ɛzay de gbik ne igbagha ɛzay yo.

Nikɔn ne kɛ Phaal 6:1

Ne n yaang ɛli ne ɛNgɔn ne Pharak ka kɛ bala icwɛɛm ɛyisɛ yɛ ndɔ nibhɛ ɛniitaa na. Ne n bok ɛdaan ndɔ nikɔn niken nwaas sa kɛ boote te ɛlɔ ne ɛ kɛ wungare, ɛ bo, “Yɛɛs!”

Nikɔn ne kɛ Phaal 7:12

Nibhɛ bo, “Ɛɛy! Te yɔngɔ idɛp, ne ndiinday, ne ntsɛntsɛng, ne irway ihwala, ne igbom, ne ito-ndiinday, ne ihwet, soye ivaa ɛTaanggbey njwɛɛn ne ishay-ishay. Ɛɛy!”