Nikɔn ne kɛ Phaal 4:8 - ɛWee ne ìTsɛm iHywas

⁸ ɛRɔngɔ ndɔ nikɔn niken nwaas sɛnaa nggyɛ wo ne bok ivaat ɛtaraa, nibhɛ ne bok irwisɛ ne ibek nibhɛ gbik ne ndɔ ɛta ne ivaat tɛ. Nibhɛ ne ku i yaak ne iywel ne igbey ne ɛtuk, sɔng nibhɛ kɔɔng nge nang. Nibhɛ ne yaak ne iywel lo nibhɛ bo, “ˆƐ so kang! ˆƐ so kang! ˆƐ so kang! ɛDaray ɛTaanggbey ne iTo Gbik ka so kang! Ɛbhɛ kaa ku sonɛ, ɛbhɛ ne ɛ sonɛ ɛlyilyɛghaa, ɛbhɛ sɛ ne ta yaaso.”

Nikɔn ne kɛ Phaal 4:8 ပူးပေါင်းရင်းမြစ်များ

ɛTomɛ 20:31

iPhɛ ɛlɛy, ne ɛ shɛɛ ɛn ɛkanang! Tas ɛn, izenge wo kɛ hɔn ishay itat ne nzi kpɛng nyini wo. Sɔng nggɛ cwaal ɛnu nang, ne ɛtuk ne igbey nzi kpɛng nyini nɛ niyilis ne irwisɛ nge.

2 iKɔrɔntos 6:18

Naa ne te me ɛKyɛɛ mon, aa ne ma te nyini ninɔn nge, niras sɛ nɛ nikuk kɛ, n phok ɛDaray ne iGbom Gbik.”

1 iTasɔlɔnika 2:9

Nigwaa en, ɛtsak, nyinɛn no ˆɛ yɛɛ ɛn nggbang ngga ne ɛbung nga ne njwi kɛ sɔ wo. Njwi kɛ mɔn ɛtomɛ gha ne ɛtuk ne igbey gbik daa ɛli ne njwi yaa yung nang nyini irighitik nten de ne njwii sanga iBol iYɛnɛng ngge ne iphɛ le ɛlɔ ɛTaanggbey ya.

1 ɛTimɔti 4:16

Wɛɛ ito mo yɛnɛng gbik ne ɛkɔn na ne ɛ mɛmɛ ninyi na nɛ wo. Kyinak gɛgɛy ndɔ nibhɛ, daa ɛli ne wu ˆɛ kɛ mɔn ɛlɛ wo, ˆaa ne phɔt ito mo gbik nɛ ninyi nɛ nibhɛ i phok kɛwo.

2 ɛTimɔti 4:2

Nzi bok kɛ, hang nten sonɛ yɔɔ, hang iphɛ sang sonɛ yɔɔ, see ito ne sanga ibol ɛTaanggbey de. Hɔ ihywɛɛ ninyi de, te ɛ nep nibhɛ, ɛ te nibhɛ itsɔngɔl gɛgɛy ɛ mɛmɛ nibhɛ nɛ ndɔ ɛbɔk ne ɛ sang ɛgak.

iBirani 13:8

Sɔng ɛYɛso ɛKiriti gha i sunuuy nang. ɛLi ne ɛ kɛ so ne ɛryɛ, ɛlɛy ne ɛ so izenge, ɛlɛy ne aa ne ku i shɛɛ ishay-ishay.

Nikɔn ne kɛ Phaal 1:4

ɛWee yɛwoo le ɛlɔ ɛYohana, ɛbhɛ phɛɛs ɛlɔ ne ijwira ninaa ne roos ɛniitaa na nɛ nibhɛ so ne ivel ne iSiya. Te izɛɛng ne irway ne laal ne ifɛ le ɛlɔ ɛTaanggbey shɛɛ ne nyinɛn. iZɛɛng ne irway ne laal ɛTaanggbey ya ne ɛ sonɛ ɛlyilyɛghaa. ɛHaa ne ɛ kaa ku sonɛ wo, ne haa ne ɛ se ta yaaso. Ne izɛɛng ne irway ne laal de ne ifɛ le ɛlɔ ne ikpabyik ɛniitaa da ne ifɛ so ɛnu ɛyisɛ ɛcuruu ne igbɔm ɛTaanggbey ya.

Nikɔn ne kɛ Phaal 1:8

ɛDaray ɛTaanggbey ya bo, “Mee nzo me ɛHaa ɛYisɛ yɛ ne ɛHaa ɛTsim mɛ. Mee nzo ɛTaanggbey ya ne ɛ sonɛ ɛlyilyɛghaa, ɛhaa ne ɛ kaa ku sonɛ, ɛhaa ne ɛ sɛ ta yaaso, ɛHaa ne iGbɔm Gbik.”

Nikɔn ne kɛ Phaal 11:17

nibhɛ bo, “Njwi bok irway ihwala ne igyɛ, ɛDaray ɛTaanggbey ne iTo Gbik. ɛHaa ne ɛ sonɛ, ɛ kaa ne ku sonɛ, ˆɛ kɛ tɔɔrek ihwet mo gbom, ˆɛ kɛ tsa re igbɔm ba.

Nikɔn ne kɛ Phaal 14:11

Ngkoy ne igboo da ne i baasek nibhɛ ne nggbang ngga ne ku i waase daa ne irywa ishay-ishay. Ninyi na nɛ nibhɛ kɛ re inyam be ne izazurum ne ihywɛ da ntsong ngga, nibhɛ ta say ɛlamba ne irywɛɛk ne ihywɛ gha, sɔng iphyonka ne so nibhɛ nɛ nang, ne igbey ne ɛtuk.”

Nikɔn ne kɛ Phaal 14:3

Nibhɛ ne i yaak ne idɛ iywel lo ifas sɛ ɛnu ɛyisɛ ɛcuruu ne igbɔm ma nɛ nikɔn niken nwaas sa gbik nɛ ninu nikɔɔn na. Sɔng ɛnyi i ne yɛɛ ne mɛmɛ ne iywel lɛwoo nggyɛ wo kang nɛ ninyi ninom ikɔl ne nzuwubɔ nwaas nɛ nibhɛ nwaas (144,000) sa nang. Ninyi na ne kɛ ku say nibhɛ ndɔ ninaa ɛzay ya.

Nikɔn ne kɛ Phaal 15:3

Nibhɛ ne i yaak ne iywel ɛMuusaa ne ɛ soye ɛkpuru ɛTaanggbey gbik ne ihoo ɛNgɔn ne ɛpharak ko, nibhɛ bo, “ɛTomɛ mo gha so gbom, nibhɛ so ɛkɔn ne kparat, ɛDaray ɛTaanggbey ne iTo gbik ɔɔy. Nkpiinɛ mo da so cik, ifɛ so itin nɛ, ɛGɔm ne igbagha gbik.

Nikɔn ne kɛ Phaal 15:7

ɛDɛng ndɔ nikɔn niken inwaas sa ne nang nimalɛka ɛniitaa na ikpɛɛt ne izinariya ɛniitaa ne kɛ yɛk ne njenjek ɛTaanggbey de hyɔrɔ, ɛTaanggbey ne iken ne ishay-ishay.

Nikɔn ne kɛ Phaal 16:14

iKpabyik ivebhe yɛdaa nggyɛ wo so ikpabyik niphoo ne ifɛ tɔɔsel nyu nikɔn ne kparat. iFɛ ne wuru ifɛ phɛ ɛlɔ nigɔm ɛzay ya gbik te ifɛ bhɛ tumɛ nibhɛ ɛlɔ ne itsom ɛgbaang ɛtuk ɛTaanggbey ne iTo Gbik.

Nikɔn ne kɛ Phaal 16:7

Ne n ji phok izɔlɔs le ɛraa ne hap itsanga gha kɛ kyii nɛ ihywɛ yɔngɔ, ɛDaray ɛTaanggbey ne iTo Gbik, ɛshara mo gha soye itin nɛ, ɛ ta so cik.”

Nikɔn ne kɛ Phaal 19:15

iHywa ne ihywɛ re gbom ne wuru ɛnu ɛnyi gha. iHywa yɛdee nggyɛ wo ne sɛ ne bo ɛ re igbagha ɛzay yo ne itsom. Ɛ sɛ re igbɔm ba daa nibhɛ ne ɛntsɛng ne igyɔs. Ɛ sɛ ne pharak nibhɛ ne njenjek ɛTaanggbey ne iTo Gbik ɛli ne i pharak ikpam ɛnap ɛlɔ ne pharak kɛ.

Nikɔn ne kɛ Phaal 19:4

Ninu nikɔɔn nzuwubɔ ifaa nɛ nibhɛ nwaas sa, nɛ nikɔn niken nwaas sa ne hoghɛse ne ivel nibhɛ re ɛTaanggbey yegha ne ɛ kɛ soos ɛcuruu ne igbɔm ma ntsong. Nibhɛ ne yaak ne iywel nibhɛ bo, “Ɛɛy! Te dɛp ɛTaanggbey ye.”

Nikɔn ne kɛ Phaal 21:22

Sɔng ne n yaang ideng ndɔ ɛgarang nga nang, daa ɛli ne ɛDaray ɛTaanggbey ne iTo Gbik ka ne ɛNgɔn ne ɛpharak ka bhɛ soye ideng ɛgarang ngɛ.

Nikɔn ne kɛ Phaal 3:7

Haa ɛmalɛka ne idira ninaa ne roos ne iFiladafiya na nɛ te ɛ yaak nibhɛ, iBol lɛdee bɛ ne iphɛ le ɛlɔ ɛnyi gha ne ɛ kɛ tul le kang ɛ so ɛhaa ne itin na. ɛNyi gha ne ɛyaaya igbɔm ɛGɔm ɛDoda gha, ne i sɛ ɛ kɛ phaal ɛhak ɛnyi gha sang yɛɛ ne gangke wo, ne sɛ ɛ kɛ gangke wo ɛhak ɛnyi gha sang ta yɛɛ ne phaal lo.

Nikɔn ne kɛ Phaal 4:4

Nidɛng nicuruu ne igbɔm ma nzuwubɔ ifaa nɛ nibhɛ nwaas ne so ɛnggyɛ wo nibhɛ kɛ te ɛcuruu ne igbɔm mɛghaa nggyɛ wo gyɔɔ. Ninu ne ikɔɔn nzuwubɔ ifaa nɛ nibhɛ nwaas kaa ne sooset daa nicuruu ne igbɔm ma, nibhɛ bok itsura ihwala, nɛ nikɔn ne ito ne igbɔm ne izinariya.

Nikɔn ne kɛ Phaal 4:6

ɛNu ɛyisɛ ɛcuruu ne igbɔm ma dɔng, ɛdɛ ɛkɔn na ne ta sonɛ ne ɛ so te igyilas ɛ so bɛbhɛrɛng te ɛling, ɛɛ tol nggyɛnggyɛl te ɛmɔdɔbi. Nidɛng nikɔn niken na nwaas ne ɛTaanggbey kɛ ryɔng ne so ɛceree nibhɛ kɛ te ɛcuruu ne igbɔm ba gyɔɔ. Nikɔn niken nɛnaa nggyɛ wo bok irwisɛ ne ibek, ne ɛyisɛ, gbik ne ɛtsim.

Nikɔn ne kɛ Phaal 4:9

Nikɔn niken nwaas sɛnaa nggyɛ wo ne i yaak ɛhaa ɛcuruu ne igbɔm ma ne iywel, nibhɛ i dɛp ɛbhɛ, nibhɛ naas ɛbhɛ ne ndiinday, nibhɛ tɔɔsel ɛbhɛ irway ihwala. Ne i sɛ nibhɛ kɛ yɛk ne iywel lo,

Nikɔn ne kɛ Phaal 5:6

Ne n ji yaang ɛngɔn ne Pharak, ɛ so te kɛ hyɛ ɛbhɛ, ɛ kɛ kyinak ɛceree cɛcɛk ne ɛcuruu ne igbɔm ma, nikɔn niken na, nɛ ninu nikɔɔn na kɛ te ɛbhɛ gyɔɔ. ɛNgɔn ne Pharak ka bok igbumɛ ɛniitaa ne irwisɛ ɛniitaa ne ifɛ soye ikpabyik ɛniitaa ɛTaanggbey ba ne kɛ tom ifɛ ndɔ ɛzay ya gbik.

Nikɔn ne kɛ Phaal 6:1

Ne n yaang ɛli ne ɛNgɔn ne Pharak ka kɛ bala icwɛɛm ɛyisɛ yɛ ndɔ nibhɛ ɛniitaa na. Ne n bok ɛdaan ndɔ nikɔn niken nwaas sa kɛ boote te ɛlɔ ne ɛ kɛ wungare, ɛ bo, “Yɛɛs!”

Nikɔn ne kɛ Phaal 6:6

Ne n ji kyi ta phok ɛdɛ ɛkɔn na kɛ boote te izɔlɔs ɛceree nikɔn niken nwaas sa ɛ bo, “Sɛ́ bo ijam ɛtomɛ ɛtuk ɛdaan ɛlɛbura, ne say ne ɛgyuuru ɛlikama ɛdaan, ne bo ijam ɛtomɛ ɛtuk ɛdaan ɛlɛbura ne say nɛ nigyuuru itwat ne ibɔrɔk ne ibaali. Sɔng ne bees Niphaa na nɛ nihon ne inɛn ɛnap ba nang.”

Nikɔn ne kɛ Phaal 7:11

Gbik nimalɛka na ne te ɛcuruu ne igbɔm ma, nɛ ninu nikɔɔn na, nɛ nikɔn niken nwaas sa gyɔɔ, nibhɛ ne ji hoghɛse ne ivel nggbuk ɛnu ɛyisɛ ɛcuruu ne igbɔm ma, nibhɛ re ɛTaanggbey yegha ntsong.

Nikɔn ne kɛ Phaal 7:15

iPhɛ phɛ kɛ te, “Nibhɛ kyinasek ɛyisɛ ɛcuruu ne igbɔm ɛTaanggbey ya, nibhɛ mɔn ɛtomɛ ɛbhɛ gha ne ideng ge ne ɛtuk ne igbey. ɛHaa ɛcuruu ne igbɔm ma, yaa ne cwaal nibhɛ ndɔ ɛlɔ ɛsirim ɛbhɛ.