Nikɔn ne kɛ Phaal 4:4 - ɛWee ne ìTsɛm iHywas

⁴ Nidɛng nicuruu ne igbɔm ma nzuwubɔ ifaa nɛ nibhɛ nwaas ne so ɛnggyɛ wo nibhɛ kɛ te ɛcuruu ne igbɔm mɛghaa nggyɛ wo gyɔɔ. Ninu ne ikɔɔn nzuwubɔ ifaa nɛ nibhɛ nwaas kaa ne sooset daa nicuruu ne igbɔm ma, nibhɛ bok itsura ihwala, nɛ nikɔn ne ito ne igbɔm ne izinariya.

Nikɔn ne kɛ Phaal 4:4 ပူးပေါင်းရင်းမြစ်များ

ɛMacu 19:28

ɛYɛso gha ne yaak nibhɛ, “Nzi tɔng nyini itin nɛ, ɛzay ɛphas sa, nten de ɛNgɔn ɛNyi gha sɛ bhɛ soos ɛlɔ ne soos ɛndiinday ne igbɔm ɛbhɛ da, nyinɛn no ne ɛ kɛ roos ɛn mɛɛn no, ɛ sɛ ne ma sooset en daa nicuruu ne igbɔm ɛnduwubɔ nɛ nibhɛ ifaa, ɛ bol ɛn itaang ɛnduwubɔ nɛ nibhɛ ifaa niSɛrɛla de ɛshara.

ɛLuka 22:30

Ɛ sɛ re ɛn ɛ ta sɔ ɛn ɛlɔ ne re ire nge gha daa ne igbɔm da, ɛ sooset ɛn nilɔ ne soos ne igbɔm ɛ bol itaang nzuwubɔ ne iphɛ ifaa niSɛrɛla de ɛshara.

2 ɛTimɔti 4:8

ɛLyilyɛghaa wo, kɛ ne tek me ɛkɔn ne ito ne igbɔm ne ihywel cik ne ɛbhɛ ɛ so ilong nge. ɛDaray ya ne soye ɛhaa ne bol ɛshara ne ɛcik ka sɛ nang me ɛkɔn ne ito yɛghaa nggyɛ wo ɛTuk ɛDaray ya. Sɔng nɛ some zɔng nang, gbik nɛ ninyi na nɛ nibhɛ hyep nibhɛ has irway tɛ nibhɛ yaang ɛli ne ɛDaray yaa tɔɔl le wo.

Nikɔn ne kɛ Phaal 11:16

Ninu nikɔɔn nzuwubɔ ifaa nɛ nibhɛ nwaas sa nɛ nibhɛ kɛ sooset nicuruu ne igbɔm nibhɛ na ɛnu ɛyisɛ ɛTaanggbey ya ne hoghɛse gup nibhɛ re ɛTaanggbey yegha ntsong,

Nikɔn ne kɛ Phaal 14:3

Nibhɛ ne i yaak ne idɛ iywel lo ifas sɛ ɛnu ɛyisɛ ɛcuruu ne igbɔm ma nɛ nikɔn niken nwaas sa gbik nɛ ninu nikɔɔn na. Sɔng ɛnyi i ne yɛɛ ne mɛmɛ ne iywel lɛwoo nggyɛ wo kang nɛ ninyi ninom ikɔl ne nzuwubɔ nwaas nɛ nibhɛ nwaas (144,000) sa nang. Ninyi na ne kɛ ku say nibhɛ ndɔ ninaa ɛzay ya.

Nikɔn ne kɛ Phaal 19:14

iDira nisooja ɛdaa ne irywa na ne i kungus ɛbhɛ, nibhɛ sos daa ne ɛrɔwɔ, nibhɛ bok itsura ne ililing ihwala yɛ wɛwɛy.

Nikɔn ne kɛ Phaal 19:4

Ninu nikɔɔn nzuwubɔ ifaa nɛ nibhɛ nwaas sa, nɛ nikɔn niken nwaas sa ne hoghɛse ne ivel nibhɛ re ɛTaanggbey yegha ne ɛ kɛ soos ɛcuruu ne igbɔm ma ntsong. Nibhɛ ne yaak ne iywel nibhɛ bo, “Ɛɛy! Te dɛp ɛTaanggbey ye.”

Nikɔn ne kɛ Phaal 2:10

Sɔng ɛ phok ɛnik ne nggbang ngga ne ɛ yungaa sɔ wo nang. Nzi tɔng ngɛ ɛShɛtan na yaa bo ɛbyin mon ɛbhɛ rop nibhɛ ndɔ ne ijwee ne nyang te ɛ sɛ ɛ phɔwɔ nyini, ne ɛ sɔ ɛn nggbang ngga nituk ɛnduwubɔ. Kyinak ndɔ ne ìnang ne itin mon de, kɛsim i phoo yɛ, naa ne nang ngɛ ɛkɔn ne ito ne igbɔm ne iken.

Nikɔn ne kɛ Phaal 20:4

ɛTsim mɛ ɛlɛy ne n yaang nicuruu ne igbɔm nɛ ninyi kɛ sooset nɛ, kɛ nang nibhɛ ito ne bol ɛshara. Ne n da yaang ikpen ninyi da ne kaa phobho nibhɛ ɛlɔ ne ishɛɛda de nɛ nibhɛ nang daa ɛYɛso gha, ne bol ɛTaanggbey de. Sɔng nibhɛ kaa re inyam igywebhe de ntsong nang, sɔng nibhɛ ne say ɛlamba ne ihywɛ gha ne icwiri nibhɛ nang, sɔng nibhɛ ne say ne ibɔ nibhɛ nang. Nibhɛ kaa kyi ta shɛɛ niken nibhɛ re igbɔm ne ɛKiriti gha ishay ɛnom ɛdaan.

Nikɔn ne kɛ Phaal 3:18

iPhɛ ɛlɛy, nzi ne kpɛng ngɛ, yɛɛs ɛ say izinariya de ɛlɔ nge, izinariya de ne kɛ halang i tul ishoo yɛ, te ɛ sɛ iryat de. Yɛɛs te ɛ say itsura ihwala da ɛlɔ nge dɔng te ɛ cwaal ne nkywankywaang mo de ne iphɛ soye ɛkɔn ncwa gha. Te ɛ ta say ihwal ne irwisɛ ne aa yɛk ne irwisɛ mo da te ɛ yaa wɛɛ yɛnɛng.

Nikɔn ne kɛ Phaal 4:10

ninu nikɔɔn nzuwubɔ ifaa nɛ nibhɛ nwaas sa, ne ma hoghɛse nggbuk ɛnu ɛyisɛ ɛhaa ɛcuruu ne igbɔm ma, ne ɛ so ɛken ne ishay-ishay de, nibhɛ re ɛbhɛ ntsong. Nibhɛ ne i teesek nikɔn ne ito ne igbɔm nibhɛ na ɛnu ɛyisɛ ɛcuruu ne igbɔm ma, nibhɛ yɔngɔ:

Nikɔn ne kɛ Phaal 4:6

ɛNu ɛyisɛ ɛcuruu ne igbɔm ma dɔng, ɛdɛ ɛkɔn na ne ta sonɛ ne ɛ so te igyilas ɛ so bɛbhɛrɛng te ɛling, ɛɛ tol nggyɛnggyɛl te ɛmɔdɔbi. Nidɛng nikɔn niken na nwaas ne ɛTaanggbey kɛ ryɔng ne so ɛceree nibhɛ kɛ te ɛcuruu ne igbɔm ba gyɔɔ. Nikɔn niken nɛnaa nggyɛ wo bok irwisɛ ne ibek, ne ɛyisɛ, gbik ne ɛtsim.

Nikɔn ne kɛ Phaal 5:11

Ne sɛ nggɛ yɛɛn ne n bok ᐩizɔlɔs ne nimalɛka nɛ nibhɛ kɛ ne hɔn ninom ma daa ɛco ninom nɛ nibhɛ kɛ hɔn ᐩishin daa ɛco ne ᐩishin gbarang. Nibhɛ kɛ te ɛcuruu ne igbɔm ma nɛ nikɔn niken nwaas sa, nɛ ninu nikɔɔn nzuwubɔ ifaa nɛ nibhɛ nwaas sa gyɔɔ gbik.

Nikɔn ne kɛ Phaal 5:14

Nikɔn niken nwaas sa ne kyii nɛ nibhɛ yɔngɔ, “Ɛɛy!” Ninu nikɔɔn na ne ji ho ne ivel nibhɛ re ɛTaanggbey ye ntsong.

Nikɔn ne kɛ Phaal 5:6

Ne n ji yaang ɛngɔn ne Pharak, ɛ so te kɛ hyɛ ɛbhɛ, ɛ kɛ kyinak ɛceree cɛcɛk ne ɛcuruu ne igbɔm ma, nikɔn niken na, nɛ ninu nikɔɔn na kɛ te ɛbhɛ gyɔɔ. ɛNgɔn ne Pharak ka bok igbumɛ ɛniitaa ne irwisɛ ɛniitaa ne ifɛ soye ikpabyik ɛniitaa ɛTaanggbey ba ne kɛ tom ifɛ ndɔ ɛzay ya gbik.

Nikɔn ne kɛ Phaal 5:8

Ne sɛ ɛNgɔn ne Pharak ka kɛ say ɛwee ne ihuhu wo, nikɔn niken nwaas sa, nɛ ninu nikɔɔn nzuwubɔ ifaa nɛ nibhɛ nwaas sa ne ji ho ɛnu ɛyisɛ ɛNgɔn ne Pharak ka. ɛRɔngɔ bok iguwu, ne ɛkpɛɛt ne izinariya i kɛ yɛk ne ɛturarɛ hyɔrɔ nɛ ne ndɔ yɛ. ɛTurarɛ yɛwo nggyɛ wo ɛbhɛ soye ɛroo ninyi ɛTaanggbey ya nɛ nibhɛ roro.

Nikɔn ne kɛ Phaal 6:11

Ne nang ɛrɔngɔ ɛtura ɛdɔrɔng ɛhala yɛ, ne ji yaak nibhɛ te nibhɛ kyi shɛɛ yak te kyi shwaak ɛnu nitaay ɛtomɛ nibhɛ na nɛ nigwaa nibhɛ na ne yaa ma phobho ɛli ne kaa ma phobho nibhɛ wo.

Nikɔn ne kɛ Phaal 7:11

Gbik nimalɛka na ne te ɛcuruu ne igbɔm ma, nɛ ninu nikɔɔn na, nɛ nikɔn niken nwaas sa gyɔɔ, nibhɛ ne ji hoghɛse ne ivel nggbuk ɛnu ɛyisɛ ɛcuruu ne igbɔm ma, nibhɛ re ɛTaanggbey yegha ntsong.

Nikɔn ne kɛ Phaal 7:9

Ɛtsim nikɔn nɛnaa wo, ne nyɛɛn, ne n yaang ɛgbaang ne idira ne hame ɛnyi sɛ yɛɛ ne tɔng ngɛ. Nibhɛ kaa les ne igbagha ɛzay yo, ne ihywee ɛzay de, ne itaang ɛzay de gbik ne ilwem ɛzay da gbik, nibhɛ kɛ kyinasek ɛnu ɛyisɛ ɛcuruu ne igbɔm ma ne ɛNgɔn ne Pharak ka. Nibhɛ so ndɔ ne itsura dɔrɔng ihwala yɛ, nibhɛ ne ji bok ivee ne izezeres ne bo nibhɛ.

Nikɔn ne kɛ Phaal 9:7

ᐩiCobhol lɛdee nggyɛ wo kaa so te ᐩinantse ne kɛ gyura i phɛɛs nɛ ne itsom, nidɛng nikɔn na kaa ne so daa ne itso nibhɛ nɛ nibhɛ so tɛ nikɔn ne ito ne igbɔm ne izinariya, niyisɛ yɛ kaa ne so tɛ niyisɛ niten nisii.