Nikɔn ne kɛ Phaal 4:1 - ɛWee ne ìTsɛm iHywas

¹ Ɛtsim nikɔn nɛnaa wo ne n ji yɛɛn, ne n yaang ɛnu ne izuk phere daa ne irywa. iZɔlɔs de ne nggɛ i phok ihywɛ kɛɛ wungare te ɛntuntuung ngo ɛyisɛ gha ne yaak me, “Wara ɛ yɛɛs daa ɛbɛ, te n tɔɔrek kɛ ɛkɔn na ne iphɛ so nggbinggbing nibhɛ te ɛtsim ne ninaa na.”

Nikɔn ne kɛ Phaal 4:1 ပူးပေါင်းရင်းမြစ်များ

ɛMacu 3:16

Ne sɛ kɛ shii yɛk ɛYɛso yegha ne ibatisima, ɛ kɛ wuru ne ndɔ inɛn da, nɛ nten nɛ irywa wo ne phaal le, ne ɛ ji yaang iKabyik ɛTaanggbey de kɛ tɔm daa ɛbhɛ te ihywihywaa.

ɛMarakus 1:10

Kɛ ne sɛ ɛli ɛYɛso gha wuusi ndɔ inɛn da nang, ne ɛ yaang irywa kɛ phaal le. iKabyik ɛTaanggbey de, ne iphɛ so te ihywihywaa, ne shii le daa ne irywa wo iphɛ soos ɛbhɛ ɛgoy.

ɛLuka 3:21

Kaa ne sɛ ɛtsim mɛ ne kɛ yaak ninyi na ne ibatisima de gbik, ne ma ji yɛk ɛYɛso yegha nɛ. ɛYɛso gha ne ji yaa roro ne ɛTaanggbey, irywa wo ne phaal le,

ɛYohana 16:13

Sɛ́ ne sɛ iKabyik ntin de kɛ yɛɛs sang, iphɛ sɛ ne hyel nɛ nyinɛn ndɔ itin de. Sɔng iphɛ sɛ bol ivol ne ito ne iphɛ nang, iphɛ sɛ bol ɛkɔn na ne iphɛ kɛ phok zɔng, iphɛ ne tɔng nyini nikɔn na nɛ nibhɛ tɔ tang yɛɛs.

ɛTomɛ 10:11

Ndɔ ne iyuwa de, ne ɛ yaang irywa kɛ phaal le ɛdɛ ɛkɔn na le ne ɛdak kɛ te ɛgbaang ɛzene ɛ tɔmɔs te kɛ wum ninu nwaas sɛ i tɔmɔs nɛ ndɔ ɛzay ya.

ɛTomɛ 7:56

ɛSitivin na ne yɔngɔ, “Yaang ɛn! Nzi yaang ɛdaa ne irywa wo so phere, ɛNgɔn ɛNyi gha kɛ ne kyinak ne iwɔ ne irwye ɛTaanggbey.”

Nikɔn ne kɛ Phaal 1:10

Kaa ne sɛ ɛdɛ ɛTuk ɛTaanggbey ya, iKabyik ge ne bo me, ne n bok ɛgbaang ne izɔlɔs i bol ne mee te ɛntuntuung ɛtsim nge.

Nikɔn ne kɛ Phaal 1:12

Ne n hyere me te n yaang ɛnyi gha ne ɛɛ bol ne me wo. Ne sɛ nggɛ hyere me wo, ne n yaang ncwɛng ne izinariya ɛniitaa ne i tes ne ifitila shak.

Nikɔn ne kɛ Phaal 1:19

iPhɛ ɛlɛy, ne ɛhaa nikɔn na ne ɛ kɛ yaang ngo, nɛ ninaa nɛ nibhɛ sonɛ ɛlyilyɛghaa wo gbik nɛ ninaa nɛ nibhɛ sɛ́ tes gɔɔ ɛnu ɛyisɛ gha.

Nikɔn ne kɛ Phaal 11:12

niShɛɛda ifaa yɛnaa nggyɛ wo ne ji phok idɛ izɔlɔs de ihywɛ le daa ne irywa, ihywɛ bok nibhɛ, “Wara ɛn nyini te ɛ yɛɛs ɛn ɛbɛ!” iPhɛ ɛlɛy, nishɛɛda ifaa na ne roos inɔp nibhɛ wara en daa ne irywa wo, ninaa ne iphup nibhɛ na ne sit nibhɛ ne irwisɛ nibhɛ wɛɛ nibhɛ.

Nikɔn ne kɛ Phaal 11:19

Ne ji phaal ideng ɛTaanggbey de daa ne irywa wo, ne yaang ɛKwaati ne ìtsɛm mo ne ndɔ yɛ. ɛLɔ gha ne yaa tes derep, ɛɛ wunga, ɛɛ tɛɛ, ɛzay ya sungket, igbaang ne nkpaaling ne i hoghɛ.

Nikɔn ne kɛ Phaal 16:17

ɛMalɛka ɛniitaa yɛ ne bhɛ sit ɛkɔn na ne ɛ so ne ɛkpɛɛt ɛbhɛ wo ne igbil. ɛDɛ ɛgbaang ne izɔlɔs so ne ji le ɛcuruu ne igbɔm ma ndɔ ne ideng ngge ihywɛ yɔngɔ, “Kɛ taal!”

Nikɔn ne kɛ Phaal 19:11

Ne n yaang irywa wo phere, ɛrɔghɔ sonɛ. I bok ɛsaa yɛ ɛHaa ne sɛ Kyinak ne iBol ɛbhɛ ne ɛHaa ne iTin. Ɛ ne bol ɛshara ɛbhɛ gha ne itsom ɛbhɛ de cik.

Nikɔn ne kɛ Phaal 22:6

ɛMalɛka gha ne yaak me, “iVol lɛdee wo so itin nɛ, ifɛ ne so sɛ kyinak daa ne ifɛ. ɛDaray ɛTaanggbey ya ne ɛbhɛ ɛ kɛ nang ninabawa na ikabyik ɛbhɛ de ɛbhɛ kɛ tom ɛmalɛka ɛbhɛ te ɛ tɔɔrek nikpuru ɛbhɛ nikɔn na ne iphɛ so nggbinggbing nibhɛ yaa phyɔngɔle nibhɛ tes.”