Nikɔn ne kɛ Phaal 3:5 - ɛWee ne ìTsɛm iHywas

⁵ Gbik ɛnyi gha ne ɛ kɛ re ɛwɛng ne itsom mɛghaa wo, sɛ́ ne ma sɔɔl ɛbhɛ ɛtura ɛhala wo tɛ ninyi yɛnaa nggyɛ wo. Sɔng naa ne tul irywɛɛk ɛbhɛ ndɔ ɛwee ne iken no nang. Nzɛ ne kyinak ɛnu ɛyisɛ ɛKyɛɛ nge gha, gbik nɛ nimalɛka n yaak n yɔng wu ɛ soye ɛhaa nge.

Nikɔn ne kɛ Phaal 3:5 ပူးပေါင်းရင်းမြစ်များ

ɛMacu 10:32

“ɛHiha ɛnyi ne ɛ kɛ tɔɔl wu i soye ɛhaa nge gha ɛnu ɛyisɛ ninyi na, nzɛ ne ma bhɛ tɔɔl wu nzo ɛhaa ɛbhɛ ɛnu ɛyisɛ ɛKyɛɛ nge gha daa ne irywa wo.

ɛLuka 10:20

Gbik ne phɛ ɛlɛy, sɔng irway ihwala mon ba ne teye ivaa nɛ niphoo na kɛ roos nyini nɛ nang; te ifɛ teye ivaa ne kɛ haa irɛɛk mon daa ne irywa.

ɛLuka 12:8

“Nzi ta tɔng nyini dɔng, ɛnyi gha ne ɛ kɛ kyinak kpas ɛ yaak ninyi na wu i so ɛhaa nge gha, mee ne ɛNgɔn ɛNyi wo nzɛ ne ma yaak ɛbhɛ ɛhaa nge ɛnu ɛyisɛ nimalɛka ɛTaanggbey.

iFilibi 4:3

iGyɛ ne ɛtaay ɛtomɛ nge gha, nzi roro ne igyɛ, phyik nikuk kɛnaa wo daa ɛli ne nɛ nibhɛ kɛ tak iyɔm ɛtomɛ ne mee ndɔ sanga ibol iyɛnɛng ngge. ɛLɛy ne ɛKɛlɛmɛn ne ɛbyin nitaay ɛtomɛ nge gha ninaa ne irɛɛk nibhɛ so ndɔ ne ɛWee ne iKen no.

ɛYahuza 1:24

Te ne dɛp ɛTaanggbey yegha ne ɛbhɛ ɛ bok ihwet ne aa phyik njwɛɛn ɛlɔ ne njwɛɛn yaa yung ho wo, ɛ yɛɛs ne njwɛɛn ɛlɔ ɛbhɛ gha, wɛlɛng ɛkɔn ne tok ka, ɛnu ɛyisɛ ne ito-ndiinday ɛbhɛ de ne irway ihwala da gbom mo.

Nikɔn ne kɛ Phaal 13:8

Gbik ninyi ɛzay ya sɛ́ ne re inyam be ntsong kang nɛ ninaa ne kaa ku haa irɛɛk nibhɛ de ndɔ ne ɛWee ne iKen no. ɛWee ne iKen no soye ɛwoo ɛNgɔn ne ɛpharak ko ne kaa phoo ɛbhɛ wo. Kaa ne ku haa irɛɛk nibhɛ de nten de ne kaa tang ryɔng ɛzay ya.

Nikɔn ne kɛ Phaal 17:8

iNyam igywebhe de ne ˆɛ kɛ yaang ngo, ihywɛ kaa ku sonɛ itsen nɛ, sɔng ihywɛ ne sonɛ ɛlyilyɛghaa wo itsen nɛ nang. iHywɛ ne yungaa wuru ndɔ ne iBong kyukyum be ihywɛ phɛ ɛlɔ gha ne yaa bhɛ phoo ihywɛ nɛ. Ninyi ɛzay ya ne hame kɛ ku haa irɛɛk nibhɛ de ndɔ ne ɛWee ne iKen no ne ile ne ɛtum ɛzay yo sɛ́ ne wum en zii. Nibhɛ sɛ́ wum en zii nten de nɛ nibhɛ kɛ yaang inyam igywebhe de, daa ɛli ne ihywɛ kaa ku sonɛ itsen nɛ, sɔng ihywɛ ne sonɛ itsen nɛ ɛlyilyɛghaa wo nang, ihywɛ sɛ́ ne ta bhɛ kyii dɔng.”

Nikɔn ne kɛ Phaal 19:8

Kɛ nang ɛbhɛ ɛtura ne ililing ɛwɛwɛy yɛ kyɔsɔk te ɛ sɔɔl le.” ɛTura ne ililing ngo ɛbhɛ so tɛ nitomɛ niyɛnɛng ninyi ɛTaanggbey ya.

Nikɔn ne kɛ Phaal 2:11

Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ninaa ne roos de. Gbik ɛnyi gha ne ɛ kɛ ne re ɛwɛng daa ne itsom mɛdee wo, sɔng iku ne ifaa de sɛ ne dat nibhɛ nang.

Nikɔn ne kɛ Phaal 2:7

‘Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ninaa ne roos de. Gbik ɛnyi gha ne ɛ kɛ ne re ɛwɛng daa ne itsom mɛdee wo, nzɛ ne nang ɛbhɛ ɛnkiinɛ ne ɛ re ikpam ɛHon ne Nang iKen de ne ɛ so ndɔ ne ihwap ɛTaanggbey da.’ ”

Nikɔn ne kɛ Phaal 20:12

Ne n ji yaang ninaa nɛ nibhɛ kɛ kus so, nitaasek kɛ nɛ nindiinday yɛ, ne ji phaasel iwee da gbik. Ne ji phaal ɛdɛ ɛwee wo ne ɛbhɛ ɛbhɛ so ɛWee ne iKen. Ne bol ninaa nɛ nibhɛ kɛ kus so ɛshara kancɛng ne ɛkɔn na ne kɛ haa ndɔ ne iwee da.

Nikɔn ne kɛ Phaal 20:15

Gbik ɛnyi gha ne kɛ sang sɛ irywɛɛk ɛbhɛ ndɔ ne ɛWee ne iKen no, ne cwaak ɛbhɛ ndɔ ne ɛling ne igboo gha.

Nikɔn ne kɛ Phaal 21:27

Sɔng ɛkɔn ne ishis, ne ɛnyi ne mɔn nikɔn ne ishis gbik ne ɛhaa ne irywɛɛk sɛ́ ne lel ɛgarang ngɛ nang. Ninyi na ne irɛɛk nibhɛ so ndɔ ne ɛWee ne iKen ɛNgɔn ne ɛpharak ka zɔng, nibhɛ bhɛ sɛ lel ndɔ ɛgarang nga.

Nikɔn ne kɛ Phaal 22:19

Wu ɛdɛ ɛnyi gha kɛ ne tɛ idɛ ibol de ne kɛ haa ndɔ ne ɛwee yɛwoo wo, ɛTaanggbey ya yaa ne tul ihop ɛbhɛ ndɔ ɛHon ne iKen na gbik ne ndɔ ɛgarang nga ne kɛ tul kang ngo, ne kɛ kpɛl ibol lɛ ndɔ ne ɛwee yɛwoo wo.

Nikɔn ne kɛ Phaal 3:12

Gbik ɛnyi gha ne ɛ kɛ re ɛwɛng, naa ne te ɛbhɛ ɛ teye ɛkangashi ne ideng ɛTaanggbey nge de, sɔng ne ɛ tang wuru ne ideng nge de nang. Naa ne haa irywɛɛk ɛTaanggbey nge wo gbik ne irywɛɛk ɛgarang ɛTaanggbey nge wo daa ɛbhɛ. ɛGarang nga ne ɛbhɛ soye iYɛrushɛlɛm iphas de ne iphɛ le daa ne irywa ɛTaanggbey nge wo. Nzɛ ne ta haa irywɛɛk ifas nge wo daa ɛbhɛ dɔng.

Nikɔn ne kɛ Phaal 3:4

Gbik ne phɛ ɛlɛy, nidɛng ne sonɛ ncɛt ndɔ iSadis de nɛ nibhɛ hyel wɛwɛy, sɔng nibhɛ kɛ kpɔtɔk ghe ne ɛfɔt to nang. Nibhɛ sɛ hyel ne mee ne itsura ihwala ne ibek nibhɛ daa ɛli nɛ nibhɛ kɛ hɔn ɛlɔ yɛ.

Nikɔn ne kɛ Phaal 6:11

Ne nang ɛrɔngɔ ɛtura ɛdɔrɔng ɛhala yɛ, ne ji yaak nibhɛ te nibhɛ kyi shɛɛ yak te kyi shwaak ɛnu nitaay ɛtomɛ nibhɛ na nɛ nigwaa nibhɛ na ne yaa ma phobho ɛli ne kaa ma phobho nibhɛ wo.