Nikɔn ne kɛ Phaal 3:2 - ɛWee ne ìTsɛm iHywas

² Seme! Te ɛ ryɔng ɛbyin ɛkɔn na ne ɛ kɛ mak ndɔ ne ihywel ne roos mo da ne ɛ yunga ku wo, daa ɛli ne nzi yaang sɔng ihywel ne roos mo da so hyɔrɔ ɛnu ɛyisɛ ɛTaanggbey nge gha nang.

Nikɔn ne kɛ Phaal 3:2 ပူးပေါင်းရင်းမြစ်များ

ɛMacu 23:5

“Nibhɛ mɔn nikɔn nibhɛ na tɛ ninyi yaang. Nibhɛ haa ikpɛn ne ɛWee ne iBol ɛTaanggbey de nibhɛ robhose ne icwiri gbik ne ibɔ wɛsɛrɛk. Nibhɛ ne hanas ne iwusang ne itsura nibhɛ ifɛ tes dɔrɔng.

ɛMacu 25:13

iPhɛ ɛlɛy, ne ɛ shɛɛ ɛn ɛkanang ngɛdaa ɛli ne sɔng ɛ yɛɛ ɛn ɛtuk kɛ ne nten nɛ nang.

ɛMacu 25:7

Ninɔn nilyilyap pa ne yiisitsik, ɛrɔngɔ ne hante ne ɛpitila ɛbhɛ wo.

ɛTomɛ 18:23

Kɛ ne sɛ ɛ kɛ phyɔngɔle ne iNtakiya de, ne ɛ roos nigarang nga nɛ nibhɛ so ne ivel ne iGalatiya gbik nɛ ninaa nɛ nibhɛ so ne ivel ne iFirijiya ɛɛ tes ninaa ne roos sa itsɔngɔl gɛgɛy.

1 ɛBiturus 4:7

Nten ne taal ɛzay de yek cɛcɛk. iPhɛ ɛlɛy, ne ɛ wum ɛn ihywɛɛ mon ɛlɔ ɛdaan, ɛ shɛɛ ɛn ɛkanang, daa ɛli ne ɛkɔn yaa yung ring nyini ne bol ne ɛTaanggbey ya.

1 ɛBiturus 5:8

Wum ɛn itso mon ɛ shɛɛ ɛn ɛkanang. ɛHaa ne iphup mon na, ne ɛ so ɛShɛtan na i kaan, ɛɛ bunga ikun te ɛkuramanza, ɛɛ tɔk ɛnyi ne aa kpɛɛ, ɛ re.

Nikɔn ne kɛ Phaal 16:15

Taate ɛn ɛli ne ɛKiriti gha bo, “Mee woo n yaaso te ɛhaa ɛyi! ɛHaa ɛwɛng ngaa nggyɛ ne ɛ so ɛkanang ɛ ta bok itsura ɛbhɛ, daa ɛli ne aa yung hyel nkywankywaang ɛ sɔ ncwa.”

Nikɔn ne kɛ Phaal 2:4

Gbik ne iphɛ ɛlɛy, ne so ibol lɛdee bɛ ne n bok ne igyɛ, ɛ kɛ kyi hana ishwim ba ne ɛ kaa tsa ɛ bok ko.

Nikɔn ne kɛ Phaal 3:1

Haa ɛmalɛka ne idira ninaa ne roos ne iSadis sa nɛ te ɛ yaak nibhɛ, iBol lɛdee bɛ ne iphɛ le ɛlɔ ɛnyi gha ne ɛ bok iKpabyik ɛniitaa ɛTaanggbey da nɛ niYiyɔrɔ ɛniitaa na. Nzi yɛɛ nikɔn na ne ɛ mɔn no gbik, i wɛɛ yɛ te ɛ so ɛken kaabi ɛ so ikom.

Nikɔn ne kɛ Phaal 3:3

iPhɛ ɛlɛy, ne ɛ taate nɛ nikɔn na ne kaa mɛmɛ yɛnɛ wo, ɛ say yo. San ɛbɔk te ɛ roos itin de. Wu ɛ kɛ ne sang seme wo, naa ne yɛɛs sɛ te ɛhaa ɛyi, sɔng ɛ sɛ ne yɛɛ nten de ne naa yɛɛs nɛ nang.