Nikɔn ne kɛ Phaal 3:19 - ɛWee ne ìTsɛm iHywas

¹⁹ ɛNyi gha ne nzi sim, ɛbhɛ ne nzi ne nep n da i gbaat. iPhɛ ɛlɛy ne ɛ kyinak ndɔ ne itin, ɛ san ɛbɔk.

Nikɔn ne kɛ Phaal 3:19 ပူးပေါင်းရင်းမြစ်များ

1 iKɔrɔntos 11:32

ɛDaray ya ɛbhɛ ɛ ne bol njwɛɛn ɛshara gha, ɛ gbaat njwɛɛn ɛlɔ ne sɛ yung byinki njwɛɛn ne ɛzay ya hyɛ njwɛɛn ɛshara gha.

Nikɔn ne kɛ Phaal 2:5

Taate ne ɛlɔ gha ne ɛ kɛ tsa ɛ sonɛ nyɛɛn ɛ kyi ho wo. Nzi bok kɛ, hana ɛfɔt mo wo, te ɛ kyi yaa mɔn nikɔn na ne ɛ ka tsa ɛɛ mɔn no. Wu ɛ kɛ sang hana ɛfɔt to, naa ne yɛɛs ɛlɔ mo gha, n ba ɛntsɛng ne tek ɛpitila mo wo ɛlɔ gha ne ɛbhɛ sonɛ wo.

2 iKɔrɔntos 7:11

Yaang ɛn ɛkɔn na ne ibees irway da ne ɛTaanggbey ya i sim mo kɛ yɛk ndɔ ne irway mon da: Ifɛ kɛ te ɛ yɛk ɛn cwacwat ne hyere ishwɛɛ mon. Ifɛ kɛ te ɛ te ɛn njenjek, ɛ ta wum ɛn ɛnik. Ifɛ kɛ te ɛ yɛk ɛn ne irway, ɛ ta yel-le ɛn tsik ne ihwet. Ifɛ kɛ te ɛ yaa sim ɛn igbaat ne ifɛ kɛ jam. Daa nikɔn nɛnaa wo ɛtsak, ɛ kɛ ne tɔɔrek ɛn sɔng ɛ kɛ ben ɛn nang.

ɛYakub 1:12

ɛHaa ɛwɛng nga nggyɛ ne ɛ kɛ rop iku ndɔ ne itɛɛsek ga, daa ɛli ne yaa sɛ ɛ kɛ kyinak gɛy ndɔ ne itɛɛsek ga, ɛ sɛ ne say ɛkɔn ne ito ne igbɔm ne iken ne ɛTaanggbey ya kaa ku sim-mɛ aa nang ninaa nɛ nibhɛ sim ɛbhɛ wo.

ɛTitus 2:14

ɛYɛso ɛKiriti gha ɛbhɛ kɛ nang ito ɛbhɛ te ɛ phɔt njwɛɛn ndɔ ne ibebhe de, te ɛ kɛ ne kuus njwɛɛn, te njwɛɛn teye ninyi ɛbhɛ zɔng, niwɛwɛy yɛ, njwɛɛn has irway ne mɔn nikɔn niyɛnɛng.

iRooma 12:11

Sɔng ɛ yɛk ɛn itek ne mɔn ɛTaanggbey yegha ɛtomɛ gha nang, yang nang ɛn irway mon ɛ mɔn ɛn ɛTaanggbey yegha ɛtomɛ.

2 iKɔrɔntos 6:9

Kɛ bo te i doo njwii, gbik ne iphɛ ɛlɛy i ne yɛɛ njwii. Kɛ bo te njwi yaa kus, gbik ne iphɛ ɛlɛy njwi ne so niken. Kɛ baasek njwi nggbang, gbik ne iphɛ ɛlɛy sɔng kɛ ne phoo njwii nang,

ɛYohana 2:17

Ninɔn ne icwam ɛYɛso na ne taate ne ibol de ne kɛ haa ndɔ ne iWee ne ibol ɛTaanggbey yo i bo, “iShwim ba ne n bok daa ne ideng mo de i re me irway te igboo.”

iGalatiya 4:18

iPhɛ kɛ jam mɛ ɛnyi gha kyii ne ihywɛɛ ɛbhɛ de daa ɛkɔn na, wu ɛkɔn nɛ kɛ jam. Te ne mɔn ɛlɛy cɛcɛɛy, sɔng sɛ nzo nɛ nang.

ɛMacu 25:7

Ninɔn nilyilyap pa ne yiisitsik, ɛrɔngɔ ne hante ne ɛpitila ɛbhɛ wo.