Nikɔn ne kɛ Phaal 3:18 - ɛWee ne ìTsɛm iHywas

¹⁸ iPhɛ ɛlɛy, nzi ne kpɛng ngɛ, yɛɛs ɛ say izinariya de ɛlɔ nge, izinariya de ne kɛ halang i tul ishoo yɛ, te ɛ sɛ iryat de. Yɛɛs te ɛ say itsura ihwala da ɛlɔ nge dɔng te ɛ cwaal ne nkywankywaang mo de ne iphɛ soye ɛkɔn ncwa gha. Te ɛ ta say ihwal ne irwisɛ ne aa yɛk ne irwisɛ mo da te ɛ yaa wɛɛ yɛnɛng.

Nikɔn ne kɛ Phaal 3:18 ပူးပေါင်းရင်းမြစ်များ

ɛMacu 13:44

“Yaa ten igbɔm ɛdaa ne irywa da ne iryat ne kɛ rɛɛ ndɔ ne ihwap, ɛdɛ ɛnyi gha ne bhɛ sɛ ihywɛ ɛ kyii hante ne rɛɛ yɛ yɛnɛnng. iRway ihwala yɛ ne ji te ɛbhɛ ɛ lɛbhɛl nikɔn na ne ɛ bok gbik, ɛ bo ijam mɛ ɛ say ne ihwap pɛdaa nggyɛ wo.”

ɛMacu 25:9

“Ninaa ne ntsɛntsɛng nga ne kyii nɛ nibhɛ yɔngɔ, ‘Sɔng mpɛ yaa hɔn njwi gbik ne nyinɛn no nang, cwi ɛn ɛlɔ ninaa ne lɛbhɛl lɛ, te ɛbhɛ say ɛn mbaa mon.’

ɛLuka 12:21

ɛYɛso gha ne ji taal ivol ɛbhɛ ba, ɛ yɔngɔ, “Ɛlɛy ne iphɛ sɛ ne te daa ninyi na nɛ nibhɛ tumɛ itso nibhɛ nikɔn ɛzay ya gbik ko, nibhɛ ji kyii sang iryat de ɛlɔ ɛTaanggbey ya.”

2 iKɔrɔntos 5:3

Daa ɛli ne sɛ bhɛ yɛk njwɛɛn ne ivek ɛdaa ne irywa, sɔng njwɛɛn sɛ so te ikpabyik ne ifɛ hɔnɔ tang ivek nang.

2 iKɔrɔntos 8:9

Ɛ yɛɛ ɛn izɛɛng ɛDaray njwɛɛn ɛYɛso ɛKiriti de. Ɛ kɛ soye ɛhaa ne iryat, ɛ kɛ ne teye ɛhala daa ne igboo mon. iHala ɛbhɛ de kɛ ne te nyini ɛ te ɛn nyini ninaa ne iryat.

1 ɛTimɔti 6:18

Yaak nibhɛ tɛ nibhɛ mɔn nikɔn niyɛnɛng, tɛ nibhɛ hɔn gbom ndɔ ne mɔn nikɔn niyɛnɛng nga, tɛ nibhɛ phyik ninyi na ne irway walala, nibhɛ yɛk irway ne nang.

ɛYakub 2:5

Phok ɛn nigwaa nge ne nzi sim, ɛDaray ya kɛ sang kasa nihala ɛzay yɛnaa wo tɛ nibhɛ teye ninaa ne iryat ndɔ ne ìnang ne itin ne i? Nibhɛ bhɛ sang soye ninaa nɛ nibhɛ sɛ re isha ne igbɔm ba ne ɛ kɛ ku sim-mɛ daa ninaa nɛ nibhɛ i sim ɛbhɛ woo?

1 ɛBiturus 1:7

Nggbang ngga kɛ yɛɛs nyini te mpɛ tɔɔrek iwɛwɛy ne ìnang ne itin mon da. I tɛɛsek iwɛwɛy ne izinariya de ne iphɛ so ɛkɔn na ne iphɛ yaa phyɔngɔle iphɛ taal le wo ne igboo. ɛLɛy ne i ne ma tɛɛsek iwɛwɛy ne ìnang ne itin mon de ne iphɛ phyin izinariya de ne ndiinday. ɛLɛ wo ne ìnang ne itin mon nɛdaa wo sɛ ne yɛɛs nyini ne idɛp, ne ndiinday, gbik ne igbom ɛtuk ka ne sɛ phaal ɛYɛso ɛKiriti yegha te igbagha ɛzay yo gbik yaang ɛbhɛ.

Nikɔn ne kɛ Phaal 16:15

Taate ɛn ɛli ne ɛKiriti gha bo, “Mee woo n yaaso te ɛhaa ɛyi! ɛHaa ɛwɛng ngaa nggyɛ ne ɛ so ɛkanang ɛ ta bok itsura ɛbhɛ, daa ɛli ne aa yung hyel nkywankywaang ɛ sɔ ncwa.”

Nikɔn ne kɛ Phaal 19:8

Kɛ nang ɛbhɛ ɛtura ne ililing ɛwɛwɛy yɛ kyɔsɔk te ɛ sɔɔl le.” ɛTura ne ililing ngo ɛbhɛ so tɛ nitomɛ niyɛnɛng ninyi ɛTaanggbey ya.

Nikɔn ne kɛ Phaal 2:9

Nzi yɛɛ nggbang ngga ne ɛ sonɛ wo, nzi ne ta yɛɛ ihala mo de, gbik ne iphɛ ɛlɛy, ne ɛ bok iryat ne iKabyik. Nzi yɛɛ ivol ba ne i bees sɛ nɛ wo, ninyi na nɛ nibhɛ i bok itso nibhɛ da wu i soye niYahodawa na kaabi nibhɛ sang kyi soye nɛ wo. Nibhɛ soye ɛguu ninyi ɛShɛtan.

Nikɔn ne kɛ Phaal 3:17

iPhɛ dee ɛ bo, “N bok iryat, sɔng nzi ta sim ɛkɔn nang,” kaabi ɛ soyɛ ɛhala yɛ, ɛkɔn ne san iyɔm. Ɛ so ɛkɔn ncwa, ɛhaa ne iwil, ɛ so nkywankywaang.

Nikɔn ne kɛ Phaal 4:4

Nidɛng nicuruu ne igbɔm ma nzuwubɔ ifaa nɛ nibhɛ nwaas ne so ɛnggyɛ wo nibhɛ kɛ te ɛcuruu ne igbɔm mɛghaa nggyɛ wo gyɔɔ. Ninu ne ikɔɔn nzuwubɔ ifaa nɛ nibhɛ nwaas kaa ne sooset daa nicuruu ne igbɔm ma, nibhɛ bok itsura ihwala, nɛ nikɔn ne ito ne igbɔm ne izinariya.

Nikɔn ne kɛ Phaal 7:13

ɛDɛng ndɔ ninu nikɔɔn na ne ji phom me ɛ yɔngɔ, “Ninay yaa wo nɛ nibhɛ so ndɔ ne itsura ihwala dɔrɔng ngɛdaa nggyɛ woo? Nibhɛ le ɛbii?”