Nikɔn ne kɛ Phaal 3:11 - ɛWee ne ìTsɛm iHywas

¹¹ N yaaso, sɔng ne bees nten nang. iPhɛ ɛlɛy ne ɛ wum ɛkɔn na ɛ bok ko gɛgɛy ɛlɔ ne ɛdɛ ɛnyi yaa yung phɔt ɛkɔn ne ito ne igbɔm ɛwɛng mo gha ne ɛ kɛ re wo.

Nikɔn ne kɛ Phaal 3:11 ပူးပေါင်းရင်းမြစ်များ

ɛYakub 1:12

ɛHaa ɛwɛng nga nggyɛ ne ɛ kɛ rop iku ndɔ ne itɛɛsek ga, daa ɛli ne yaa sɛ ɛ kɛ kyinak gɛy ndɔ ne itɛɛsek ga, ɛ sɛ ne say ɛkɔn ne ito ne igbɔm ne iken ne ɛTaanggbey ya kaa ku sim-mɛ aa nang ninaa nɛ nibhɛ sim ɛbhɛ wo.

Nikɔn ne kɛ Phaal 22:12

“Phok ɛn, n yek cɛcɛk ne yɛɛs! Nzɛ ne boos nikɔn na ne naa tal ɛrɔngɔ nɛ, nzɛ ne tal ɛrɔngɔ ɛkɔn na ne ɛ kɛ mɔn.

Nikɔn ne kɛ Phaal 2:10

Sɔng ɛ phok ɛnik ne nggbang ngga ne ɛ yungaa sɔ wo nang. Nzi tɔng ngɛ ɛShɛtan na yaa bo ɛbyin mon ɛbhɛ rop nibhɛ ndɔ ne ijwee ne nyang te ɛ sɛ ɛ phɔwɔ nyini, ne ɛ sɔ ɛn nggbang ngga nituk ɛnduwubɔ. Kyinak ndɔ ne ìnang ne itin mon de, kɛsim i phoo yɛ, naa ne nang ngɛ ɛkɔn ne ito ne igbɔm ne iken.

Nikɔn ne kɛ Phaal 2:25

ɛKɔn na ne nzi sim ne nyinɛn no so ɛlɛ, ku boos ɛn ibol de ne ɛ bok ɛn no n phyii yɛɛs.

2 ɛTimɔti 4:8

ɛLyilyɛghaa wo, kɛ ne tek me ɛkɔn ne ito ne igbɔm ne ihywel cik ne ɛbhɛ ɛ so ilong nge. ɛDaray ya ne soye ɛhaa ne bol ɛshara ne ɛcik ka sɛ nang me ɛkɔn ne ito yɛghaa nggyɛ wo ɛTuk ɛDaray ya. Sɔng nɛ some zɔng nang, gbik nɛ ninyi na nɛ nibhɛ hyep nibhɛ has irway tɛ nibhɛ yaang ɛli ne ɛDaray yaa tɔɔl le wo.

2 ɛTimɔti 2:5

ɛLɛy ne ɛhaa ne mat nggbiy da, sɔng i tal ɛbhɛ tang ɛ kɛ roos ikpii ne nggbiy da nang.

Nikɔn ne kɛ Phaal 22:20

ɛNyi gha ne ɛ kɛ nang ishɛɛda ne ivol lɛdaa wo i bo; “ɛTsak n yek cɛcɛk ne yɛɛs.” Ɛɛy! Ne ɛ yɛɛs ɛDaray ɛYɛso yɔɔy!

Nikɔn ne kɛ Phaal 1:3

ɛHaa ɛwɛng ngaa nggyɛy ne ɛ tɔng nihak ninyi ibol lɛdee wo ne iphɛ le ɛlɔ ɛTaanggbey ya, ɛhaa ɛwɛng ngaa nggyɛy ne ɛ ne tenes ibɔrɔk ne ibol lɛdee wo ɛ roos gbik nikɔn na ne kɛ haa ndɔ ne ɛWee yɛwoo wo. Daa ɛli ne nten nɛ nikɔn nɛnaa wo sɛ shwaak ghe yek cɛcɛk.

Nikɔn ne kɛ Phaal 4:10

ninu nikɔɔn nzuwubɔ ifaa nɛ nibhɛ nwaas sa, ne ma hoghɛse nggbuk ɛnu ɛyisɛ ɛhaa ɛcuruu ne igbɔm ma, ne ɛ so ɛken ne ishay-ishay de, nibhɛ re ɛbhɛ ntsong. Nibhɛ ne i teesek nikɔn ne ito ne igbɔm nibhɛ na ɛnu ɛyisɛ ɛcuruu ne igbɔm ma, nibhɛ yɔngɔ:

1 iKɔrɔntos 9:25

Ninaa ne tel nggbiy da ne bo nten nibhɛ gbaat ibek nibhɛ gbom. Nibhɛ mɔn ɛlɛ wo daa ɛli ne ɛrɔngɔ i tɔk te ɛbhɛ ne sɛ re ito yɛ ne ji tal ɛbhɛ ne ɛkɔn ne aa phyɔngɔle ɛ bees se, njwɛɛn no nang, sɛ ne tal njwɛɛn ne ɛkɔn ne so ɛhaa ne inat.

Nikɔn ne kɛ Phaal 3:3

iPhɛ ɛlɛy, ne ɛ taate nɛ nikɔn na ne kaa mɛmɛ yɛnɛ wo, ɛ say yo. San ɛbɔk te ɛ roos itin de. Wu ɛ kɛ ne sang seme wo, naa ne yɛɛs sɛ te ɛhaa ɛyi, sɔng ɛ sɛ ne yɛɛ nten de ne naa yɛɛs nɛ nang.

Nikɔn ne kɛ Phaal 4:4

Nidɛng nicuruu ne igbɔm ma nzuwubɔ ifaa nɛ nibhɛ nwaas ne so ɛnggyɛ wo nibhɛ kɛ te ɛcuruu ne igbɔm mɛghaa nggyɛ wo gyɔɔ. Ninu ne ikɔɔn nzuwubɔ ifaa nɛ nibhɛ nwaas kaa ne sooset daa nicuruu ne igbɔm ma, nibhɛ bok itsura ihwala, nɛ nikɔn ne ito ne igbɔm ne izinariya.

Nikɔn ne kɛ Phaal 2:13

Nzi yɛɛ ɛlɔ gha ne ɛ sonɛ wo soye ɛlɔ ne ɛShɛtan bok ne igbɔm. Gbik ne phɛ ɛlɛy, ɛ kɛ ne wum irywɛɛk nge gɛgɛy, sɔng ɛ kɛ hana ìnang ne itin mo da ne mee wo nang. Ɛ kaa ma yung mɔn ɛlɛy nten de ne kaa phoo ɛNtipas se ne ɛ kaa soye ɛshɛɛda nge gha ne sɛ say ibol ɛbhɛ ndɔ ɛgarang mon na ne ɛShɛtan na bok ne igbɔm ba.

Nikɔn ne kɛ Phaal 22:7

ɛYɛso gha ne yɔngɔ, “Phok ɛn! N yek cɛcɛk ne yɛɛs! Ninaa ɛwɛng ngaa nggyɛy nɛ nibhɛ kɛ hyep ivol da ne kɛ tɔng ndɔ ne ɛwee yɛwoo wo!”

ɛYakub 5:9

Nigwaa en, tek ɛn ivol mumuk ga ne ɛrɔngɔ i bol daa ɛrɔngɔ gha, daa ɛli ne sɛ yung hyɛ nyini ɛshara. iPhɛ dee ɛhaa ne hyɛ ɛshara gha yek cɛcɛk ne yɛɛs, ɛ ma yung so ɛnu ne izuk.

iFilibi 4:5

Te ilyaak mon de teye ɛkɔn ne yaang ɛlɔ ninyi gbik. Seng ɛn, ɛDaray ya yek cɛcɛk.

Nikɔn ne kɛ Phaal 16:15

Taate ɛn ɛli ne ɛKiriti gha bo, “Mee woo n yaaso te ɛhaa ɛyi! ɛHaa ɛwɛng ngaa nggyɛ ne ɛ so ɛkanang ɛ ta bok itsura ɛbhɛ, daa ɛli ne aa yung hyel nkywankywaang ɛ sɔ ncwa.”