Nikɔn ne kɛ Phaal 3:10 - ɛWee ne ìTsɛm iHywas

¹⁰ Daa ɛli ne ɛ kɛ bo ɛbɔk ka ɛ hyep ibol nge de, nzɛ ne ma hyep pɛ nten ne nggbang ngɛdee nggyɛ wo ne mpɛ sɛ yɛɛs ninaa ɛzay ya gbik ko te phɔwɔ nibhɛ wo.

Nikɔn ne kɛ Phaal 3:10 ပူးပေါင်းရင်းမြစ်များ

ɛMacu 24:14

Sɛ ne sanga iBol iYɛnɛng ne iGbɔm ɛTaanggbey da ɛzay ya gbik, tɛ igbagha ɛzay yo phok nyɛɛn, ɛzay ya ne ji kyi taal le.

ɛMacu 26:41

Shɛɛ ɛn seme, te ˆɛ roo ɛn, ˆaa yung ho ɛn itɛrɛk ga. iKabyik mon de i sim, ibek mon de phɛ ne so kyɔkyɔt.”

ɛMacu 6:13

Sɔng ɛ sim njwii ho ne itɛrɛk ga nang, yang kyɛngɛse njwii ndɔ ne ntsɛntsɛng igywebhe ɛShɛtan de.’

ɛMarakus 14:9

ɛTsak! Gbik ɛlɔ gha ne sɛ bhɛ sanga ne ɛnu ne ibol iyɛnɛng nge gha ndɔ ɛzay ya, sɛ ne ma phyii dat ngka ɛkuk kɛdee wo, da ɛkɔn na ne ɛ kɛ mɔn me nɛ wo. Ninyi na sɛ ne i maa tas ne ɛbhɛ.

ɛLuka 2:1

Ndɔ nituk kɛnaa nggyɛ wo nang, ɛGɔsitus sa bhɛ kaa ne soyɛ ɛgbaang ɛgɔm ne ivel iRooma. Ɛ kaa ne yɛk ngɛ wu te haa ye ninyi ne na te tɔng nibhɛ gbik ndɔ nigarang nga ne ɛ re ne igbɔm ba.

ɛYohana 17:6

“Nggɛ ku tɔɔrek ninyi na ne ɛ kɛ nang me nibhɛ ndɔ ɛzay yɛghaa wo ɛli ne ɛ so. Nibhɛ kaa so ninaa mo, ɛ kɛ ne nang me nibhɛ. Nibhɛ kɛ ne roos ibol mo de.

iRooma 1:8

Naa tsa n tɔɔrek ɛTaanggbey irway ihwala lenɛ ne ɛYɛso ɛKiriti gha daa mon no gbik, daa ɛli ne i tɔng ngka ne ìnang ne itin de mɔn ndɔ ɛzay ya gbik.

1 iKɔrɔntos 10:13

Sɔng idɛ tɛɛsek ga kɛ ku sɛ nyini ivaa ne hame i sang ku tɛɛsek ɛten nɛ nang. ɛTaanggbey ya ne so sɛ kyinak daa ne ibol ɛbhɛ, sɔng aa tek i tɛɛsek nyini ɛli ne ifɛ yaa phyin ihwet mon nang, yaa ne sɛ kɛ tɛɛsek nyini wo, aa ne tɔɔrek nyini ɛli ne aa wuru ɛn te ɛ kyinak ɛn gɛgɛy.

iFisus 6:13

iPhɛ ɛlɛy, ne ˆɛ yɛk ɛn nɛ igbum ba ne ɛTaanggbey ya kɛ nang ngo gbik, te sɛ́ ne sɛ ɛtuk ɛbebhe gha kɛ yɛɛs, ne ˆɛ yɛɛ ne kyinak ɛn gɛgɛy. Te ne sɛ ɛtsim mɛ ne ˆɛ kɛ taal ɛn gbik, ne ˆɛ jung kyinak ɛn nting.

2 ɛTimɔti 2:12

Wu njwɛɛn kɛ ne rop iku, njwɛɛn sɛ ne re igbɔm ne ɛbhɛ. Wu njwɛɛn kɛ ne yɔng wu hang i yɛɛ ɛbhɛ, ɛ sɛ ne ma yɔng wu hang i yɛɛ njwɛɛn.

ɛYakub 3:12

Nigwaa en, ɛpharang sɛ yɛɛ ne yɛk ifaa bɛ? ɛHon ɛnap sɛ ne yɛɛ ne yɛk ikpam ɛpharang bɛ? ɛLɛy, sɔng ɛyek inɛn ne mpɛ bok ngkal i ne yɛɛ ne nang inɛn inyɛnɛng nang.

1 ɛBiturus 4:12

Nigwaa nge ne nzi sim, sɔng ɛ yaang ɛn ɛkɔn ne kparat daa ne nggbang gbom ba ne i tɛɛsek nyini nɛ wo nang. Sɔng ɛ wɛɛ ɛn te ɛkɔn ɛphas ɛbhɛ kɛ sɛ nyini nang.

2 ɛBiturus 2:9

iPhɛ ɛlɛy, nikɔn nɛnaa wo kɛ ne tɔɔrek njwɛɛn wu te njwɛɛn seng wu ɛTaanggbey ya i yɛɛ ne phɔt ninaa ne tel ɛnik ɛbhɛ na nɛ nibhɛ so ndɔ ne tɛrɛk ga ihywee-ihywee de. ɛTaanggbey ya ne ta yɛɛ ɛli ne aa hyep nibebhe na phyii bhɛ hɔn ɛtuk ne hyɛ ɛshara gha.

Nikɔn ne kɛ Phaal 1:9

Mee ɛYohana ɛgwaa mon ne ɛtaay mon ndɔ ne sɔ nggbang, ɛtaay mon ndɔ ne igbɔm ɛTaanggbey gbik ne ɛbɔk ne rop iku ne ɛYɛso gha kɛ yel-le njwɛɛn nɛ. Kaa bo me bhɛ hana me ne idɛ ikop inɛn de ne i bok iphɛ iBatamos daa ɛli ne nggɛ tɔng ibol ɛTaanggbey de n da nang ishɛɛda ɛYɛso de.

Nikɔn ne kɛ Phaal 11:10

Ninyi ɛzay ya gbik sɛ ne bok irway ihwala ɛlɔ nɛ ninyi ifaa yɛnaa nggyɛ wo kɛ kus so. Nibhɛ sɛ ne yel isham, nibhɛ naas en ire, daa ɛli nɛ nishɛɛda ifaa yɛnaa nggyɛ wo kɛ baasek ninyi ɛzay ya nggbang gbom.

Nikɔn ne kɛ Phaal 13:10

Wu kɛ ku ryɔng ngɛ sɛ́ rop pɛ, sɛ ne rop pɛ wo. Wu kɛ ku ryɔng ngɛ sɛ́ phoo yɛ ne ihywa, sɛ́ ne phoo yɛ ne ihywa de. ɛKɔn nɛghaa wo i tɔk ɛbɔk ndɔ ne rop iku, ne ìnang ne itin ɛlɔ ninyi ɛTaanggbey ya.

Nikɔn ne kɛ Phaal 13:14

iHywɛ ne luk ninyi ɛzay ya lenɛ nɛ nikɔn ne kparat ta ne kɛ nang ihywɛ ɛnkiinɛ yɛ ihywɛ mɔn ɛnu ɛyisɛ ne inyam ɛyisɛ de. iHywɛ ne yaak ninyi na wu tɛ nibhɛ ryɔng izazurum te i nang inyam ɛyisɛ de ne ndiinday. iNyam be ne kaa phok ihywɛ ikpom ba ihywɛ jung shɛɛ ɛken na.

Nikɔn ne kɛ Phaal 13:8

Gbik ninyi ɛzay ya sɛ́ ne re inyam be ntsong kang nɛ ninaa ne kaa ku haa irɛɛk nibhɛ de ndɔ ne ɛWee ne iKen no. ɛWee ne iKen no soye ɛwoo ɛNgɔn ne ɛpharak ko ne kaa phoo ɛbhɛ wo. Kaa ne ku haa irɛɛk nibhɛ de nten de ne kaa tang ryɔng ɛzay ya.

Nikɔn ne kɛ Phaal 14:12

iBol lɛdee wo i sim irop iku ɛlɔ ninyi na ne kɛ tul kang ngo nibhɛ roos ibol ɛTaanggbey de. Ninyi na nɛ nibhɛ so sɛɛ say ibol nibhɛ ndɔ ìnang ne itin nibhɛ de ne ɛYɛso gha.

Nikɔn ne kɛ Phaal 14:6

Ne n da yaang ɛdɛ ɛmalɛka gha dɔng, ɛɛ tel ɛceree ne irywa ne ivel, ɛ bok iBol iYɛnɛng ne inat ne aa tɔng ninaa ɛzay ya. Aa tɔng igbagha ɛzay yo, ne itaang ɛzay de, ilwem ɛzay da, ne ihywee ɛzay de gbik.

Nikɔn ne kɛ Phaal 16:14

iKpabyik ivebhe yɛdaa nggyɛ wo so ikpabyik niphoo ne ifɛ tɔɔsel nyu nikɔn ne kparat. iFɛ ne wuru ifɛ phɛ ɛlɔ nigɔm ɛzay ya gbik te ifɛ bhɛ tumɛ nibhɛ ɛlɔ ne itsom ɛgbaang ɛtuk ɛTaanggbey ne iTo Gbik.

Nikɔn ne kɛ Phaal 17:2

niGɔm ɛzay ya kɛ ku ra ne ɛbhɛ, ninyi ɛzay ya i ne tes ziizii daa ne sɔ inɛn ɛnap ne nzangas ɛbhɛ de.”

Nikɔn ne kɛ Phaal 17:8

iNyam igywebhe de ne ˆɛ kɛ yaang ngo, ihywɛ kaa ku sonɛ itsen nɛ, sɔng ihywɛ ne sonɛ ɛlyilyɛghaa wo itsen nɛ nang. iHywɛ ne yungaa wuru ndɔ ne iBong kyukyum be ihywɛ phɛ ɛlɔ gha ne yaa bhɛ phoo ihywɛ nɛ. Ninyi ɛzay ya ne hame kɛ ku haa irɛɛk nibhɛ de ndɔ ne ɛWee ne iKen no ne ile ne ɛtum ɛzay yo sɛ́ ne wum en zii. Nibhɛ sɛ́ wum en zii nten de nɛ nibhɛ kɛ yaang inyam igywebhe de, daa ɛli ne ihywɛ kaa ku sonɛ itsen nɛ, sɔng ihywɛ ne sonɛ itsen nɛ ɛlyilyɛghaa wo nang, ihywɛ sɛ́ ne ta bhɛ kyii dɔng.”

Nikɔn ne kɛ Phaal 2:10

Sɔng ɛ phok ɛnik ne nggbang ngga ne ɛ yungaa sɔ wo nang. Nzi tɔng ngɛ ɛShɛtan na yaa bo ɛbyin mon ɛbhɛ rop nibhɛ ndɔ ne ijwee ne nyang te ɛ sɛ ɛ phɔwɔ nyini, ne ɛ sɔ ɛn nggbang ngga nituk ɛnduwubɔ. Kyinak ndɔ ne ìnang ne itin mon de, kɛsim i phoo yɛ, naa ne nang ngɛ ɛkɔn ne ito ne igbɔm ne iken.

Nikɔn ne kɛ Phaal 3:8

Nzi yɛɛ nikɔn na ne ɛɛ mɔn no gbik. Nzi yɛɛ ihwet mo da so ncɛt, gbik ne iphɛ ɛlɛy ɛ kɛ roos imɛmɛ nge da gbik, sɔng ɛ kɛ ton irywɛɛk nge wo nang. Nggɛ ne phaal ɛnu ne izuk ɛnu ɛyisɛ mo ne hame ɛnyi ya yɛɛ ne gangke yɛ.

Nikɔn ne kɛ Phaal 6:10

Nibhɛ yeres ne izɔlɔs nziinzay nibhɛ bo, “ɛDaray ne iTo Gbik, ne ɛ so kang, ɛhaa ne itin, ne nggyibhii ne ɛ sɛ bol ninaa ɛzay ya ɛshara gha, ɛ bak nibhɛ nggbang daa ɛli nɛ nibhɛ kɛ lok neyi mos saa?”

Nikɔn ne kɛ Phaal 8:13

Ne sɛ nggɛ yɛɛn, ne n bok ika ne ɛ so ɛceree ne irywa ne ivel i bol ne ɛgbaang ne izɔlɔs, ɛ bo, “ɛKɔn ne ɛnik! ɛKɔn ne ɛnik! ɛKɔn ne ɛnik yaa sɛ nyini ndɔ ɛzay ya ɛtsim mɛ ne kɛ wuute ntsuntsuung itwat da nɛ nimalɛka itwat da kɛ ryɔng en nibhɛ yaa wuute wo!”