Nikɔn ne kɛ Phaal 3:1 - ɛWee ne ìTsɛm iHywas

¹ Haa ɛmalɛka ne idira ninaa ne roos ne iSadis sa nɛ te ɛ yaak nibhɛ, iBol lɛdee bɛ ne iphɛ le ɛlɔ ɛnyi gha ne ɛ bok iKpabyik ɛniitaa ɛTaanggbey da nɛ niYiyɔrɔ ɛniitaa na. Nzi yɛɛ nikɔn na ne ɛ mɔn no gbik, i wɛɛ yɛ te ɛ so ɛken kaabi ɛ so ikom.

Nikɔn ne kɛ Phaal 3:1 ပူးပေါင်းရင်းမြစ်များ

ɛLuka 15:24

Daa ɛli ne ɛNgɔn ngeghaa wo kaa ku, ɛ kɛ ne bhɛ kyii dɔng. Ɛ kaa birit, kɛ ne ta sɛ ɛbhɛ.” Nibhɛ ho ne ijɔwɔ de.

ɛLuka 15:32

iPhɛ kɛ ne jam mɛ njwɛɛn tɔɔl irway ihwala ba, daa ɛli ne ɛgwaa mo gha kaa ku ɛ kɛ ne bhɛ kyii, ɛ kaa birit kɛ ne sɛ ɛbhɛ.’ ”

ɛYohana 1:16

Kɛ lenɛ ne izɛɛng ɛbhɛ ihyɔrɔ, ɛ nang njwɛɛn niwɛng nga daa ɛco niwɛng.

ɛYohana 1:33

Sɔng nggaa ma yɛɛ ɛbhɛ nang, ɛTaanggbey ya ne ɛ kaa ne tom me wu te n yaak ninyi na ibatisima de ne inɛn da ne yaak me, ‘Aa yaang iKabyik ge kɛ tɔm iphɛ shɛɛ daa ɛnyi, ɛbhɛ ne ɛ soye ɛhaa ne aa yaak ninyi na ne ibatisima ne iKabyik ɛTaanggbey de.’

ɛYohana 20:22

Ne ɛ lenɛ ɛlɛ wo, ɛ ji pheel nibhɛ ne ifɔng, ɛ yɔngɔ, “Say ɛn iKabyik ɛTaanggbey de.

ɛYohana 3:34

ɛNyi gha ne ɛTaanggbey ya kɛ tom mo nang, ɛ ne bol ivol ɛTaanggbey daa ɛli ne ɛTaanggbey ya kɛ nang ɛbhɛ iKabyik wɛlɛng ɛgak.

ɛTomɛ 2:33

Kɛ nang ɛYɛso yegha ne ndiinday, ɛbhɛ so ne iwɔ ne irwye ɛTaanggbey. Ɛ kɛ ne say iKabyik ɛTaanggbey de ne ɛlɔ ɛKyɛɛ gha ɛli ne ku sim-mɛ wo, iphɛ ne ɛ kɛ ne ji sit daa ninyi yɛnaa wo ne ɛ yaang ɛn no, ɛ ta phok ɛn no.

iFisus 2:1

Ne ile de, ˆɛ kaa so ɛn ikpom ndɔ ne ikabyik lenɛ ne ˆɛ kɛ ben ɛn ikpii ɛTaanggbey da nɛ ɛ mɔn ɛn ɛfɔt.

iFisus 2:5

Nten de ne njwɛɛn kaa so te ikpom ba lenɛ ne ɛfɔt njwɛɛn no, ɛTaanggbey ya yiisik njwɛɛn niken nɛ ndɔ ɛKiriti gha. Kaa lenɛ ne izɛɛng ɛbhɛ i phɔt nyini wo.

iKɔlɔsi 2:13

ˆƐ kaa so ɛn nyini ikpom ɛlɔ ne ɛfɔt mon no gbik ne iyɔm ne hyɛ itee ne tul nyini ndɔ ne ishwɛɛ ne ibek ge, ɛTaanggbey ya ne yiisik nyini niken nɛ ndɔ ɛKiriti gha, ɛtsim mɛ ne ɛ kɛ hana njwɛɛn ne ɛfɔt njwɛɛn no.

1 ɛTimɔti 5:6

ɛKusang nga ne ɛ ne roos ɛnggɔnggɔɔt ɛzay yo zɔng ngo nang, ne ɛ ku soye ikom gbik ɛli ne ɛ kyi so ɛken na.

ɛYakub 2:26

iPhɛ ɛlɛy, ɛli ne ibek ge ne iphɛ sang ikabyik ge so ikom be, ɛlɛy ne ìnang ne itin de ne iphɛ sang nitomɛ na ne ma so ikom.

1 ɛBiturus 1:11

Nibhɛ kaa sim tɛ nibhɛ sɛɛ seng nten nɛ, gbik ɛli ne iphɛ sɛ yɛɛs. Nten de ne iKabyik ɛKiriti de ne iphɛ so ndɔ nibhɛ kaa tɔng nibhɛ wo. iKabyik ge kaa tɔng nibhɛ ibol ne nggbang ngga ne ɛKiriti gha sɛ sɔ wo, ne ndiinday de ne iphɛ sɛ roos ɛtsim mɛ wo.

ɛYahuza 1:12

Ninyi yɛnaa nggyɛ wo ne soye ishis ndɔ ìtsɛm mon de, nibhɛ i re nibhɛ i sɔ tang ncwa. Nibhɛ so tɛ ninaa ne hyep ᐩigyol nɛ nibhɛ sal itso nibhɛ zɔng, nibhɛ so te inɔp ne iphɛ i tumɛy igbil kyii te iphɛ shwaa, sɔng inɛn nɛ kyii reey nang. Nibhɛ so tɛ nihon ne ilwing ngɛ kɛ howoso en nibhɛ kus tang yɛk ikpam.

Nikɔn ne kɛ Phaal 1:11

iZɔlɔs de ne yaak me, “Haa ɛkɔn na ne ɛ yaang ngo ndɔ ne ɛwee te ɛ tom ijwira ninaa ne roos de nɛ nibhɛ so nilɔ ɛniitaa na. Tom idira ninaa ne roos ne iFisus nɛ, nɛ ninaa ne iSimirina nɛ, nɛ ninaa ne iBirigamu nɛ, nɛ ninaa ne iTiyatira, ne iSadis, ne iFiladafiya gbik ne iLɔdakiya nɛ.”

Nikɔn ne kɛ Phaal 1:16

Ne ɛ wum niyuyɔrɔ ɛniitaa ne iwɔ irwye ɛbhɛ, ɛwal ninu ifaa ne ɛbhɛ re gbom ne i wuusi ɛnu ɛbhɛ, ɛyisɛ ɛbhɛ gha ne ji tol te iroy ne iphɛ kɛ hɔn ɛceree.

Nikɔn ne kɛ Phaal 1:20

ɛDuk Niyuyɔrɔ ɛniitaa na nɛ ɛ yaang ne iwɔ ne irwye nge wo, nɛ ɛduk ne ncwɛng ne izinariya ɛniitaa da ne i tes ne ifitila da shak ko so ɛlɛ: Niyuyɔrɔ ɛniitaa na so nimalɛka ne ijwira ɛniitaa ninaa ne roos sa, ncwɛng ɛniitaa ne ji so ijwɛng ɛniitaa yɛ.

Nikɔn ne kɛ Phaal 1:4

ɛWee yɛwoo le ɛlɔ ɛYohana, ɛbhɛ phɛɛs ɛlɔ ne ijwira ninaa ne roos ɛniitaa na nɛ nibhɛ so ne ivel ne iSiya. Te izɛɛng ne irway ne laal ne ifɛ le ɛlɔ ɛTaanggbey shɛɛ ne nyinɛn. iZɛɛng ne irway ne laal ɛTaanggbey ya ne ɛ sonɛ ɛlyilyɛghaa. ɛHaa ne ɛ kaa ku sonɛ wo, ne haa ne ɛ se ta yaaso. Ne izɛɛng ne irway ne laal de ne ifɛ le ɛlɔ ne ikpabyik ɛniitaa da ne ifɛ so ɛnu ɛyisɛ ɛcuruu ne igbɔm ɛTaanggbey ya.

Nikɔn ne kɛ Phaal 2:13

Nzi yɛɛ ɛlɔ gha ne ɛ sonɛ wo soye ɛlɔ ne ɛShɛtan bok ne igbɔm. Gbik ne phɛ ɛlɛy, ɛ kɛ ne wum irywɛɛk nge gɛgɛy, sɔng ɛ kɛ hana ìnang ne itin mo da ne mee wo nang. Ɛ kaa ma yung mɔn ɛlɛy nten de ne kaa phoo ɛNtipas se ne ɛ kaa soye ɛshɛɛda nge gha ne sɛ say ibol ɛbhɛ ndɔ ɛgarang mon na ne ɛShɛtan na bok ne igbɔm ba.

Nikɔn ne kɛ Phaal 2:19

Nzi yɛɛ nitomɛ mo ne ishwim mo gbik ne ìnang ne itin mo. Nzi ne yɛɛ ɛtomɛ mo gha ne ɛ phyighis nigwaa mo na nɛwo, gbik ne ɛbɔk mo gha. Nzi yɛɛ wu ɛtomɛ mo gha ɛlyilyɛghaa phyin ɛhaa ɛyisɛ mo gha.

Nikɔn ne kɛ Phaal 2:2

Nzi yɛɛ nikɔn na ne ɛ kɛ mɔn, nzi yɛɛ ɛtomɛ gha ne ɛ kɛ kyangase nɛ, ne ɛbɔk ka ne ɛ bok. Nzi yɛɛ ɛli ne hame ɛ bok ɛbɔk ka nɛ nibebhe ninyi na, nzi ne yɛɛ ɛli ne ɛ kɛ tɛrɛk ninyi na nibhɛ bo wu i soye ninɔn ne tom ma, kaabi nibhɛ sang kyii soye nɛ wo, ɛ ji seng wu nibhɛ soye ne nibo ne irywɛɛk ka.

Nikɔn ne kɛ Phaal 2:9

Nzi yɛɛ nggbang ngga ne ɛ sonɛ wo, nzi ne ta yɛɛ ihala mo de, gbik ne iphɛ ɛlɛy, ne ɛ bok iryat ne iKabyik. Nzi yɛɛ ivol ba ne i bees sɛ nɛ wo, ninyi na nɛ nibhɛ i bok itso nibhɛ da wu i soye niYahodawa na kaabi nibhɛ sang kyi soye nɛ wo. Nibhɛ soye ɛguu ninyi ɛShɛtan.

Nikɔn ne kɛ Phaal 3:15

Nzi yɛɛ nikɔn na ne ɛ mɔn no gbik. Sɔng ɛ so ntsentseng nang, sɔng ne ɛ kyi ta so kpikpiy nang. Sɛ ma yung yɔng ɛ soyɛ ɛkɔn ɛdaan ndɔ nikɔn nɛ́naa wo.

Nikɔn ne kɛ Phaal 3:2

Seme! Te ɛ ryɔng ɛbyin ɛkɔn na ne ɛ kɛ mak ndɔ ne ihywel ne roos mo da ne ɛ yunga ku wo, daa ɛli ne nzi yaang sɔng ihywel ne roos mo da so hyɔrɔ ɛnu ɛyisɛ ɛTaanggbey nge gha nang.

Nikɔn ne kɛ Phaal 3:8

Nzi yɛɛ nikɔn na ne ɛɛ mɔn no gbik. Nzi yɛɛ ihwet mo da so ncɛt, gbik ne iphɛ ɛlɛy ɛ kɛ roos imɛmɛ nge da gbik, sɔng ɛ kɛ ton irywɛɛk nge wo nang. Nggɛ ne phaal ɛnu ne izuk ɛnu ɛyisɛ mo ne hame ɛnyi ya yɛɛ ne gangke yɛ.

Nikɔn ne kɛ Phaal 4:5

ɛLɔ ne te derep ne irywa ne wunga ne ɛgbaang ne izɔlɔs ne i wuusi ɛcuruu ne igbɔm ma. ɛNu ɛyisɛ ɛ ɛcuruu ne igbɔm ma, ifitila ɛniitaa ne i re gbom. iFɛ ifɛ soye iKpabyik ɛniitaa ɛTaanggbey da.

Nikɔn ne kɛ Phaal 5:6

Ne n ji yaang ɛngɔn ne Pharak, ɛ so te kɛ hyɛ ɛbhɛ, ɛ kɛ kyinak ɛceree cɛcɛk ne ɛcuruu ne igbɔm ma, nikɔn niken na, nɛ ninu nikɔɔn na kɛ te ɛbhɛ gyɔɔ. ɛNgɔn ne Pharak ka bok igbumɛ ɛniitaa ne irwisɛ ɛniitaa ne ifɛ soye ikpabyik ɛniitaa ɛTaanggbey ba ne kɛ tom ifɛ ndɔ ɛzay ya gbik.