Nikɔn ne kɛ Phaal 22:6 - ɛWee ne ìTsɛm iHywas

⁶ ɛMalɛka gha ne yaak me, “iVol lɛdee wo so itin nɛ, ifɛ ne so sɛ kyinak daa ne ifɛ. ɛDaray ɛTaanggbey ya ne ɛbhɛ ɛ kɛ nang ninabawa na ikabyik ɛbhɛ de ɛbhɛ kɛ tom ɛmalɛka ɛbhɛ te ɛ tɔɔrek nikpuru ɛbhɛ nikɔn na ne iphɛ so nggbinggbing nibhɛ yaa phyɔngɔle nibhɛ tes.”

Nikɔn ne kɛ Phaal 22:6 ပူးပေါင်းရင်းမြစ်များ

ɛMacu 13:41

ɛNgɔn ɛNyi gha sɛ tom nimalɛka ɛbhɛ, nibhɛ sɛ ne bhɛ tumɛ ninyi na nɛ nibhɛ tes ninyi ɛbhɛ na mɔn ɛfɔt to, gbik nɛ ninaa nɛ nibhɛ kɛ mɔn ibebhe, nibhɛ tuul nibhɛ ndɔ ne igbɔm ɛbhɛ da.

ɛLuka 1:70

ɛLi ne ɛTaanggbey ya kaa ku sim-mɛ, ɛnu ninabawa ne ile na,

ɛLuka 16:16

“Kaa ne sanga ibol ɛShara ɛMuusaa de ne idee niNabawa de phyii bhɛ hɔn nten ɛYohana, ne ji le ɛnggyɛ wo, ne yaa tɔng ibol iyɛnɛng ne iGbɔm ɛTaanggbey da, ɛrɔngɔ ne yɛk ne ɛhyɛhyɛk ne lel nɛ ndɔ yɛ.

ɛTomɛ 12:11

ɛLɛy ɛBiturus sa ne ji seng nge, ne ɛ yɔngɔ, “ɛLyilyɛghaa ne nggɛ ne ji seng! ɛDaray ɛbhɛ kɛ tom ɛmalɛka ɛbhɛ ɛ kɛ yɛɛs ɛ kɛ phɔt me ne iwɔ ɛHyiridus so ɛ ta phɔt me daa ɛkɔn na nɛ niYahodawa na kɛɛ sim nibhɛ yaa mɔn me nɛ wo.”

ɛTomɛ 3:18

iPhɛ kɛ ne shwaasek ibol de ne ɛTaanggbey ya kaa ku bol ɛnu ninabawa na gbik, ɛ yɔngɔ wu iphɛ so nggbinggbing ɛKiriti ɛbhɛ gha sɛ sɔ nggbang ngga.

iRooma 1:2

ɛTaanggbey ya kaa ku sim-mɛ ne ile daa ne iBol iYɛnɛng ngɛdee wo lenɛ nɛ ninabawa ɛbhɛ nɛ nibhɛ kɛ haa ndɔ ne ɛWee ne iBol ɛTaanggbey yo.

1 iKɔrɔntos 14:32

Seng ɛn, ɛnyi gha ne ɛ tɔng ibol ɛTaanggbey de te ɛnɛbi ɛ bok ito ne ɛ sɛɛ wum ito ɛbhɛ te ɛhak ɛgwaa ɛbhɛ ma bol.

1 iKɔrɔntos 7:29

ɛKɔn na ne nzi bol lo ɛbhɛ ghaa lɛ nigwaa en; nten de kɛ mak ncɛt, sɔng ninaa nikuk ka ne kyii ne ihywɛɛ nibhɛ de daa nikuk nibhɛ na zɔng ngo nang.

2 iTasɔlɔnika 1:7

Nyinɛn no ne ɛɛ sɔ ɛn nggbang ngga ɛlyilyɛghaa ɛ sɛ́ ne phɔng ne nyinɛn gbik ne njwit to ne mang. ɛKɔn nɛghaa wo sɛ ne te ɛtuk ka ne ɛDaray ɛYɛso gha sɛ le daa ne irywa wo ɛ tɔɔl le gbik ne igbaang nimalɛka ɛbhɛ ndɔ ne ilem ne igboo.

iBirani 12:9

Nzo njwɛɛn bok nikyɛɛ na ndɔ ɛzay nɛ nibhɛ gbaat njwɛɛn, njwɛɛn i ne naas nibhɛ ne ndiinday. Yaa ne ji mɔn ɛli njwɛɛn sang say igbaat da ne ɛKyɛɛ ne iKabyik njwɛɛn na i gbaat njwɛɛn no te shɛɛ niken naa?

2 ɛBiturus 1:21

Daa ɛli ne sɔng ivol ɛnɛbi da i le ne icwas ɛten ɛsii nang, ninyi na kaa yang bol ivol ɛTaanggbey da lenɛ ne iKabyik ɛTaanggbey ne iphɛ kaa so ndɔ nibhɛ.

2 ɛBiturus 3:2

Nzi sim te ɛ sɛ taate ɛn ne ivol da nɛ ninabawa ne ile ɛTaanggbey ya kaa tɔng nyini wo gbik ne ikpii ɛDaray da ne ɛ so ɛHaa ne Phɔt ta kaa bol ɛnu ninɔn ne tom ma ne ɛ kaa tom nyini nɛ wo.

Nikɔn ne kɛ Phaal 1:1

ɛWee yɛwoo wo so ɛwoo nikɔn ne ɛTaanggbey kɛ phaal ɛYɛso ɛKiriti ye, te ɛ tɔɔrek nikpuru ɛbhɛ nikɔn na nɛ nibhɛ yunga te. ɛYɛso gha kɛ ne phaal ɛkpuru ɛbhɛ ɛYohana ye ibol lɛdee wo lenɛ ne ɛmalɛka ɛbhɛ ne ɛYɛso gha kɛ tom ɛbhɛ ɛlɔ ɛYohana gha.

Nikɔn ne kɛ Phaal 18:20

Yɛk ɛn irway ihwala daa ɛbhɛ, nyinɛn ninyi ɛdaa ne irywa! Yɛk ɛn irway ihwala daa ɛbhɛ nyinɛn ne kɛ tul nyini kang, nɛ ninɔn ne tom, nɛ ninabawa! Daa ɛli ne ɛTaanggbey ya kɛ hyɛ ɛBabila wo ɛshara, daa ɛkɔn na ɛ kɛ mɔn nyini nɛ wo.”

Nikɔn ne kɛ Phaal 19:9

ɛMalɛka gha ne yaak me, “Haa ɛbɛ: ‘Ninaa ɛwɛng ngaa nggyɛy ne kɛ mɔng nibhɛ idira ɛwɛrɛ ɛNgɔn ne Pharak ge.’ ” Ne ɛ ta yaak me, “iBol lɛdee wo so ibol ɛTaanggbey, iphɛ ne so itin nɛ.”

Nikɔn ne kɛ Phaal 21:5

ɛNyi gha ne ɛ kɛ soos ɛcuruu ne igbɔm ma ne ɛ ji yɔngɔ, “ɛLyilyɛghaa wo nzi ryɔng nikɔn na niphas sɛ gbik!” Ne ɛ ta yaak me, “Haa ɛkɔn nɛghaa wo, daa ɛli ne ibol lɛdee wo so i sɛ kyinak daa ne iphɛ, iphɛ ne ta so itin nɛ.”

Nikɔn ne kɛ Phaal 21:9

ɛDɛng ndɔ nimalɛka ɛniitaa na nɛ nibhɛ bok ikpɛɛt ɛniitaa da ne kɛ yɛk ne nggbang mpɛ ɛniitaa ɛtsim ba hyɔrɔ wo ne yɛɛs ɛ yaak me, “Yɛɛs, naa tɔɔrek kɛ ɛyɛl lo ne ɛbhɛ bhɛ soye ɛkuk ɛNgɔn ne ɛpharak ka.”

Nikɔn ne kɛ Phaal 22:1

ɛTsim mɛ ɛlɛy ɛMalɛka gha ne tɔɔrek me ihywel ne ifɛ bok inɛn ne nang iken, ne mpɛ i tol nggyɛnggyɛl te ɛmɔdɔbi. Mpɛ le ɛcuruu ne igbɔm ɛTaanggbey ya, ne ɛNgɔn ne ɛpharak ka.

Nikɔn ne kɛ Phaal 22:16

“Mee ɛYɛso, nggɛ tom ɛmalɛka nge te ɛ yɛɛs ɛ tɔng nyini ivol lɛdaa wo ndɔ ne ijwira ninaa ne roos da. Mee nzo iling ne ijwee ɛDoda, n da so icwaang ɛbhɛ. Ne nzo ɛgbaang ɛyuyɔrɔ ɛraam ne ihwɛlɛ ne ɛ tol.”

Nikɔn ne kɛ Phaal 22:7

ɛYɛso gha ne yɔngɔ, “Phok ɛn! N yek cɛcɛk ne yɛɛs! Ninaa ɛwɛng ngaa nggyɛy nɛ nibhɛ kɛ hyep ivol da ne kɛ tɔng ndɔ ne ɛwee yɛwoo wo!”

Nikɔn ne kɛ Phaal 4:1

Ɛtsim nikɔn nɛnaa wo ne n ji yɛɛn, ne n yaang ɛnu ne izuk phere daa ne irywa. iZɔlɔs de ne nggɛ i phok ihywɛ kɛɛ wungare te ɛntuntuung ngo ɛyisɛ gha ne yaak me, “Wara ɛ yɛɛs daa ɛbɛ, te n tɔɔrek kɛ ɛkɔn na ne iphɛ so nggbinggbing nibhɛ te ɛtsim ne ninaa na.”