Nikɔn ne kɛ Phaal 22:2 - ɛWee ne ìTsɛm iHywas

² iNɛn ne ihywel da i tel ɛceree ne ɛnkiinɛ ɛgbaang ɛgarang ngo. ɛHon ne nang iken ne so ne ihoo iwap ne ihywel lo. ɛHon ne Nang iKen na i yɛk ikpam ɛte ɛnduwubɔ ne ifɛ ifaa ne ishay. Ɛ yɛk ikpam ba ɛdaan ifɛl. iBee ɛhon de ne so te iphɛ tes igbagha ɛzay yo gbik niken.

Nikɔn ne kɛ Phaal 22:2 ပူးပေါင်းရင်းမြစ်များ

ɛLuka 4:18

“iKabyik ɛDaray de so daa mee, daa ɛli ne ɛbhɛ kɛ kasa me, te n tɔng nihala ninyi ibol iyɛnɛng ngge. Ɛ kɛ ne tom me te n yaak ninyi na ne kɛ robhos so, wu yaa biisi nibhɛ. Wu yaa ne phaasel niwil la irwisɛ. Te n phyik ninyi na ne i kɛ nggbɛɛt to.

1 ɛBiturus 2:24

ɛKiriti gha ne ito ɛbhɛ, ɛ kɛ bo ɛfɔt njwɛɛn no ne ibek ɛbhɛ daa ne ihon ne gangat te njwɛɛn te te ikpom ne kɛ ɛlɔ ne ɛfɔt to, kaabi ɛlɛy njwɛɛn so niken i ihywel icik. Te ɛli ne kɛ haa i bo, “Kɛ lenɛ ne inuu de ne kaa yaak ɛKiriti yegha nɛ wo, ɛ kɛ ne tes ɛn niken.”

Nikɔn ne kɛ Phaal 2:7

‘Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ninaa ne roos de. Gbik ɛnyi gha ne ɛ kɛ ne re ɛwɛng daa ne itsom mɛdee wo, nzɛ ne nang ɛbhɛ ɛnkiinɛ ne ɛ re ikpam ɛHon ne Nang iKen de ne ɛ so ndɔ ne ihwap ɛTaanggbey da.’ ”

Nikɔn ne kɛ Phaal 21:21

Ninunzuk ɛnduwubɔ nɛ nibhɛ ifaa na kaa bok idɛ ikpɛɛ da ne i bok ifɛ iluwuluwu, Kaa ne yɛk iluwuluwu idaan ɛnu ne izuk ɛdaan. Kaa ne ryɔng ɛgbaang ne nkiinɛ ɛgarang ngɛ ne izinariya zɔng, ɛbhɛ ne so wiriwiri te igyilas.

Nikɔn ne kɛ Phaal 21:24

iWɛwɛy ɛgarang ngɛ sɛ i tol ninyi nigarang nga gbik, nibhɛ hyel. Nigɔm ɛzay ya gbik sɛ ne yɛɛset ne iryat nibhɛ de nɛ ne ndɔ yɛ.

Nikɔn ne kɛ Phaal 22:1

ɛTsim mɛ ɛlɛy ɛMalɛka gha ne tɔɔrek me ihywel ne ifɛ bok inɛn ne nang iken, ne mpɛ i tol nggyɛnggyɛl te ɛmɔdɔbi. Mpɛ le ɛcuruu ne igbɔm ɛTaanggbey ya, ne ɛNgɔn ne ɛpharak ka.

Nikɔn ne kɛ Phaal 22:14

“Ninaa ɛwɛng ngaa nggyɛy nɛ nibhɛ kɛ kuus itsura nibhɛ, sɛ ne nang nibhɛ ɛnkiinɛ ne re iKpam ɛHon ne iKen da, nibhɛ ta roos ninu ne iduk nibhɛ lel ndɔ ɛgarang nga.

Nikɔn ne kɛ Phaal 22:19

Wu ɛdɛ ɛnyi gha kɛ ne tɛ idɛ ibol de ne kɛ haa ndɔ ne ɛwee yɛwoo wo, ɛTaanggbey ya yaa ne tul ihop ɛbhɛ ndɔ ɛHon ne iKen na gbik ne ndɔ ɛgarang nga ne kɛ tul kang ngo, ne kɛ kpɛl ibol lɛ ndɔ ne ɛwee yɛwoo wo.