Nikɔn ne kɛ Phaal 22:19 - ɛWee ne ìTsɛm iHywas

¹⁹ Wu ɛdɛ ɛnyi gha kɛ ne tɛ idɛ ibol de ne kɛ haa ndɔ ne ɛwee yɛwoo wo, ɛTaanggbey ya yaa ne tul ihop ɛbhɛ ndɔ ɛHon ne iKen na gbik ne ndɔ ɛgarang nga ne kɛ tul kang ngo, ne kɛ kpɛl ibol lɛ ndɔ ne ɛwee yɛwoo wo.

Nikɔn ne kɛ Phaal 22:19 ပူးပေါင်းရင်းမြစ်များ

ɛLuka 11:52

“Ɛ so ɛn ɛkawɛy, nyinɛn Ninaa ne Kpɛl ɛShara gha, daa ɛli ne ɛ bok ɛkɔn ne phaal ɛlɔ ne ishweng ngga; sɔng ɛ kɛ lel ɛn nang, sɔng ɛ kɛ ne tek ninyi na nibhɛ lel nang.”

Nikɔn ne kɛ Phaal 1:3

ɛHaa ɛwɛng ngaa nggyɛy ne ɛ tɔng nihak ninyi ibol lɛdee wo ne iphɛ le ɛlɔ ɛTaanggbey ya, ɛhaa ɛwɛng ngaa nggyɛy ne ɛ ne tenes ibɔrɔk ne ibol lɛdee wo ɛ roos gbik nikɔn na ne kɛ haa ndɔ ne ɛWee yɛwoo wo. Daa ɛli ne nten nɛ nikɔn nɛnaa wo sɛ shwaak ghe yek cɛcɛk.

Nikɔn ne kɛ Phaal 11:2

Sɔng ne ɛ ma ta tɛrɛk ɛsaa ne ideng ngge nang. ɛSaa ne ideng nga ne ɛ so ne izay yo, daa ɛli ne kɛ nang ninyi ne hame nibhɛ yɛɛ ɛTaanggbey ye. Nibhɛ yaa baasek ɛgarang ɛTaanggbey ya ne ɛ kɛ tul kang ngo nggbang iphɛl nzuwubɔ nwaas ne iphɛ ifaa.

Nikɔn ne kɛ Phaal 13:8

Gbik ninyi ɛzay ya sɛ́ ne re inyam be ntsong kang nɛ ninaa ne kaa ku haa irɛɛk nibhɛ de ndɔ ne ɛWee ne iKen no. ɛWee ne iKen no soye ɛwoo ɛNgɔn ne ɛpharak ko ne kaa phoo ɛbhɛ wo. Kaa ne ku haa irɛɛk nibhɛ de nten de ne kaa tang ryɔng ɛzay ya.

Nikɔn ne kɛ Phaal 14:13

Ne n phok idɛ izɔlɔs de le daa ne irywa ihywɛ bo, “Haal ɛbɛ, yaa tsa ɛlyilyɛghaa wo, ɛhaa ɛwɛng ngaa nggyɛ ne aa ku ɛ bok ìnang ne itin de ndɔ ɛDaray ya.” iKabyik ge ne i bo, “ɛTsak! Nibhɛ sɛ́ phɔng ndɔ ne nggbang nibhɛ da daa ɛli ne ɛtomɛ nibhɛ gha sɛ́ roos nibhɛ.”

Nikɔn ne kɛ Phaal 2:11

Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ninaa ne roos de. Gbik ɛnyi gha ne ɛ kɛ ne re ɛwɛng daa ne itsom mɛdee wo, sɔng iku ne ifaa de sɛ ne dat nibhɛ nang.

Nikɔn ne kɛ Phaal 2:26

Gbik ɛnyi gha ne ɛ kɛ ne re ɛwɛng daa ne itsom mɛdee wo, ɛ mɔn ɛkɔn na ne nzi sim phyii hɔn itaal lɛ nzɛ ne nang ɛbhɛ igbɔm daa ne igbagha ɛzay.

Nikɔn ne kɛ Phaal 2:7

‘Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ninaa ne roos de. Gbik ɛnyi gha ne ɛ kɛ ne re ɛwɛng daa ne itsom mɛdee wo, nzɛ ne nang ɛbhɛ ɛnkiinɛ ne ɛ re ikpam ɛHon ne Nang iKen de ne ɛ so ndɔ ne ihwap ɛTaanggbey da.’ ”

Nikɔn ne kɛ Phaal 21:2

Ne n ji yaang ɛGarang nga ne kɛ Tul Kang ngo, iYɛrushɛlɛm iphas de, ɛ le daa ne irywa wo ɛlɔ ɛTaanggbey ya ɛ tɔmɔs. Kɛ gyura ɛbhɛ te ɛyɛl ne ɛ hyep ɛ̀ras.

Nikɔn ne kɛ Phaal 21:5

ɛNyi gha ne ɛ kɛ soos ɛcuruu ne igbɔm ma ne ɛ ji yɔngɔ, “ɛLyilyɛghaa wo nzi ryɔng nikɔn na niphas sɛ gbik!” Ne ɛ ta yaak me, “Haa ɛkɔn nɛghaa wo, daa ɛli ne ibol lɛdee wo so i sɛ kyinak daa ne iphɛ, iphɛ ne ta so itin nɛ.”

Nikɔn ne kɛ Phaal 22:12

“Phok ɛn, n yek cɛcɛk ne yɛɛs! Nzɛ ne boos nikɔn na ne naa tal ɛrɔngɔ nɛ, nzɛ ne tal ɛrɔngɔ ɛkɔn na ne ɛ kɛ mɔn.

Nikɔn ne kɛ Phaal 22:2

iNɛn ne ihywel da i tel ɛceree ne ɛnkiinɛ ɛgbaang ɛgarang ngo. ɛHon ne nang iken ne so ne ihoo iwap ne ihywel lo. ɛHon ne Nang iKen na i yɛk ikpam ɛte ɛnduwubɔ ne ifɛ ifaa ne ishay. Ɛ yɛk ikpam ba ɛdaan ifɛl. iBee ɛhon de ne so te iphɛ tes igbagha ɛzay yo gbik niken.

Nikɔn ne kɛ Phaal 22:7

ɛYɛso gha ne yɔngɔ, “Phok ɛn! N yek cɛcɛk ne yɛɛs! Ninaa ɛwɛng ngaa nggyɛy nɛ nibhɛ kɛ hyep ivol da ne kɛ tɔng ndɔ ne ɛwee yɛwoo wo!”

Nikɔn ne kɛ Phaal 3:12

Gbik ɛnyi gha ne ɛ kɛ re ɛwɛng, naa ne te ɛbhɛ ɛ teye ɛkangashi ne ideng ɛTaanggbey nge de, sɔng ne ɛ tang wuru ne ideng nge de nang. Naa ne haa irywɛɛk ɛTaanggbey nge wo gbik ne irywɛɛk ɛgarang ɛTaanggbey nge wo daa ɛbhɛ. ɛGarang nga ne ɛbhɛ soye iYɛrushɛlɛm iphas de ne iphɛ le daa ne irywa ɛTaanggbey nge wo. Nzɛ ne ta haa irywɛɛk ifas nge wo daa ɛbhɛ dɔng.

Nikɔn ne kɛ Phaal 3:21

Gbik ɛnyi gha ne ɛ kɛ re ɛwɛng ndɔ ne itsom mɛdee wo, nzɛ ne nang ɛbhɛ ɛnkiinɛ ɛ soos ne mee ɛcuruu ne igbɔm nge gha te ɛli ne nggɛ ma re ɛwɛng nga nggɛ soos ne ɛKyɛɛ nge gha ɛcuruu ne igbɔm ɛbhɛ gha.