Nikɔn ne kɛ Phaal 22:16 - ɛWee ne ìTsɛm iHywas

¹⁶ “Mee ɛYɛso, nggɛ tom ɛmalɛka nge te ɛ yɛɛs ɛ tɔng nyini ivol lɛdaa wo ndɔ ne ijwira ninaa ne roos da. Mee nzo iling ne ijwee ɛDoda, n da so icwaang ɛbhɛ. Ne nzo ɛgbaang ɛyuyɔrɔ ɛraam ne ihwɛlɛ ne ɛ tol.”

Nikɔn ne kɛ Phaal 22:16 ပူးပေါင်းရင်းမြစ်များ

ɛMacu 1:1

iRɛɛk ninaa ne icwaang ɛYɛso ɛKiriti yɛdee bɛ; ɛYɛso ɛKiriti gha kaa so ɛNgɔn ɛDoda, ɛDoda gha ne so ɛNgɔn ɛBaraying.

ɛMacu 2:2

Nibhɛ ne phom nibhɛ yɔngɔ, “ɛGɔm niYahodawa na so ɛbii ne kɛ yɛk koo?” Njwi kɛ yaang ɛyuyɔrɔ daa ne iwap ɛdak ne ɛ kɛ tɔɔl njwii ibol ne iyɛk ɛbhɛ de, njwi ne yɛɛs ne re ɛbhɛ ntsong.

ɛMacu 22:42

ɛ yɔngɔ, “Ɛ tas ɛn ikyee da ɛKiriti ghaa? Ɛ so ɛngɔn ɛhay?” Nibhɛ ne kyii nɛ nibhɛ yaak ɛbhɛ, “Ɛ so ɛngɔn ɛDoda.”

ɛMacu 22:45

Wu ɛDoda gha bok ɛKiriti yegha ‘ɛDaray’ ya, ɛKiriti gha yaa ne mɔn ɛli ɛ kyii ta teye ɛngɔn ɛDoda ghaa?”

ɛLuka 1:78

ɛTaanggbey njwɛɛn na so ɛhaa ne san iyɔm, ne ɛ ta bok ɛbɔk. Ɛ sɛ́ ne yɛk ngɛ iwɛwɛy ne phɔt ɛzay de le ne irywa iphɛ tol njwɛɛn.

ɛLuka 20:44

“ɛDoda gha kɛ yel-le ɛKiriti yegha ‘ɛDaray.’ Yaa ne mɔn ɛlii ɛKiriti gha kyii ta so ɛngɔn ɛDoda ghaa?”

iRooma 15:12

ɛNɛbi ɛShaa gha kɛ ne ta kyi yɔng, “ɛDɛng ndɔ ne itsan ɛYɛsɛ sɛ wuru, ɛ sɛ ne re igbɔm daa ninyi na ne hame nibhɛ so niYahodawa. Ninyi na hame nibhɛ so niYahodawa na, sɛ ne sit irwisɛ daa ɛbhɛ.”

iRooma 9:5

Nibhɛ so ihywee nikyɛɛ-nikyɛɛ niYahodawa na ne i yɛɛ nibhɛ gbom. ɛKiriti gha ne so ihywee nibhɛ ndɔ ne iyɛk ne ibek. Te ne dɛp ɛTaanggbey ye ne ɛbhɛ ɛ bok igbɔm nikɔn na gbik wɛlɛng ɛgak. Ɛɛy.

2 ɛBiturus 1:19

iPhɛ ɛlɛy, njwi kɛ ne hante ne yɛk ihwet daa ne ivol ninabawa de nɛ nibhɛ kaa tɔng ngo. iPhɛ kɛ ne jam mɛ ɛ kyii ɛn ne ihywɛɛ mon yɛnɛng daa ne iphɛ, daa ɛli ne iphɛ so te igboo ne ifɛ tol i ndɔ gbyik ihwɛlɛ phyii wuru. iWɛwɛy ɛDaray de i ne tol ndɔ ne irway mon da te ɛli ne ɛyuyɔrɔ ɛraam ne ihwɛlɛ gha i tol ɛzay ya.

Nikɔn ne kɛ Phaal 1:1

ɛWee yɛwoo wo so ɛwoo nikɔn ne ɛTaanggbey kɛ phaal ɛYɛso ɛKiriti ye, te ɛ tɔɔrek nikpuru ɛbhɛ nikɔn na nɛ nibhɛ yunga te. ɛYɛso gha kɛ ne phaal ɛkpuru ɛbhɛ ɛYohana ye ibol lɛdee wo lenɛ ne ɛmalɛka ɛbhɛ ne ɛYɛso gha kɛ tom ɛbhɛ ɛlɔ ɛYohana gha.

Nikɔn ne kɛ Phaal 1:11

iZɔlɔs de ne yaak me, “Haa ɛkɔn na ne ɛ yaang ngo ndɔ ne ɛwee te ɛ tom ijwira ninaa ne roos de nɛ nibhɛ so nilɔ ɛniitaa na. Tom idira ninaa ne roos ne iFisus nɛ, nɛ ninaa ne iSimirina nɛ, nɛ ninaa ne iBirigamu nɛ, nɛ ninaa ne iTiyatira, ne iSadis, ne iFiladafiya gbik ne iLɔdakiya nɛ.”

Nikɔn ne kɛ Phaal 1:4

ɛWee yɛwoo le ɛlɔ ɛYohana, ɛbhɛ phɛɛs ɛlɔ ne ijwira ninaa ne roos ɛniitaa na nɛ nibhɛ so ne ivel ne iSiya. Te izɛɛng ne irway ne laal ne ifɛ le ɛlɔ ɛTaanggbey shɛɛ ne nyinɛn. iZɛɛng ne irway ne laal ɛTaanggbey ya ne ɛ sonɛ ɛlyilyɛghaa. ɛHaa ne ɛ kaa ku sonɛ wo, ne haa ne ɛ se ta yaaso. Ne izɛɛng ne irway ne laal de ne ifɛ le ɛlɔ ne ikpabyik ɛniitaa da ne ifɛ so ɛnu ɛyisɛ ɛcuruu ne igbɔm ɛTaanggbey ya.

Nikɔn ne kɛ Phaal 2:11

Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ninaa ne roos de. Gbik ɛnyi gha ne ɛ kɛ ne re ɛwɛng daa ne itsom mɛdee wo, sɔng iku ne ifaa de sɛ ne dat nibhɛ nang.

Nikɔn ne kɛ Phaal 2:17

Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ninaa ne roos de. Gbik ɛnyi gha ne ɛ kɛ ne re ɛwɛng daa ne itsom mɛdee wo, naa ne nang ɛbhɛ idɛng ndɔ ne imana de ne kɛ rɛɛ wo. Naa ne ta nang ɛbhɛ ikɛɛ ihala ne kɛ haa ne irywɛɛk ifas ne hame ɛnyi iyɛɛ kang ne ɛnyi gha ne ɛ kɛ say iphɛ wo.

Nikɔn ne kɛ Phaal 2:7

‘Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ninaa ne roos de. Gbik ɛnyi gha ne ɛ kɛ ne re ɛwɛng daa ne itsom mɛdee wo, nzɛ ne nang ɛbhɛ ɛnkiinɛ ne ɛ re ikpam ɛHon ne Nang iKen de ne ɛ so ndɔ ne ihwap ɛTaanggbey da.’ ”

Nikɔn ne kɛ Phaal 22:1

ɛTsim mɛ ɛlɛy ɛMalɛka gha ne tɔɔrek me ihywel ne ifɛ bok inɛn ne nang iken, ne mpɛ i tol nggyɛnggyɛl te ɛmɔdɔbi. Mpɛ le ɛcuruu ne igbɔm ɛTaanggbey ya, ne ɛNgɔn ne ɛpharak ka.

Nikɔn ne kɛ Phaal 22:11

Gbik ɛnyi gha ne ɛ mɔn ibebhe de, te ɛ re ɛnu ɛyisɛ ne mɔn ibebhe de; te ɛnyi gha ne ɛ mɔn ɛkɔn ne ishis sa, te ne ɛ re ɛnu ɛyisɛ ne mɔn nikɔn ne ishis sa. Gbik ɛnyi gha ne ɛ hyel cik ko, te ne ɛ re ɛnu ɛyisɛ ne hyel cik ko, te ɛnyi gha ne kɛ tul kang ngo ma ne re ɛnu ɛyisɛ ne shɛɛ kang.”

Nikɔn ne kɛ Phaal 22:20

ɛNyi gha ne ɛ kɛ nang ishɛɛda ne ivol lɛdaa wo i bo; “ɛTsak n yek cɛcɛk ne yɛɛs.” Ɛɛy! Ne ɛ yɛɛs ɛDaray ɛYɛso yɔɔy!

Nikɔn ne kɛ Phaal 22:6

ɛMalɛka gha ne yaak me, “iVol lɛdee wo so itin nɛ, ifɛ ne so sɛ kyinak daa ne ifɛ. ɛDaray ɛTaanggbey ya ne ɛbhɛ ɛ kɛ nang ninabawa na ikabyik ɛbhɛ de ɛbhɛ kɛ tom ɛmalɛka ɛbhɛ te ɛ tɔɔrek nikpuru ɛbhɛ nikɔn na ne iphɛ so nggbinggbing nibhɛ yaa phyɔngɔle nibhɛ tes.”

Nikɔn ne kɛ Phaal 3:13

Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ninaa ne roos de.

Nikɔn ne kɛ Phaal 3:22

Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ninaa ne roos de.

Nikɔn ne kɛ Phaal 3:6

Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ne ninaa ne roos de.

Nikɔn ne kɛ Phaal 5:5

ɛDaan ndɔ ninu nikɔɔn na ne yaak me, “Sɔng ɛ san no nang. Yaang! iZaa de ne ihywɛ le ne icwaang ɛYahoda wo, ne ijwee ɛDoda wo, kɛ ku re ɛwɛng. Ɛ kɛ ne hɔn aa phaal ɛwee ne ihuhu wo, ɛ ta bala icwɛɛm nilɔ ɛniitaa na gbik.”