Nikɔn ne kɛ Phaal 22:11 - ɛWee ne ìTsɛm iHywas

¹¹ Gbik ɛnyi gha ne ɛ mɔn ibebhe de, te ɛ re ɛnu ɛyisɛ ne mɔn ibebhe de; te ɛnyi gha ne ɛ mɔn ɛkɔn ne ishis sa, te ne ɛ re ɛnu ɛyisɛ ne mɔn nikɔn ne ishis sa. Gbik ɛnyi gha ne ɛ hyel cik ko, te ne ɛ re ɛnu ɛyisɛ ne hyel cik ko, te ɛnyi gha ne kɛ tul kang ngo ma ne re ɛnu ɛyisɛ ne shɛɛ kang.”

Nikɔn ne kɛ Phaal 22:11 ပူးပေါင်းရင်းမြစ်များ

2 ɛTimɔti 3:13

Ninyi nibebhe na nɛ ninaa ne irywɛɛk ka ya ne i hanas ne bees en. Yaa i luk nibhɛ, nibhɛ ne maa luk ninyi na.

ɛMacu 15:14

Tek ɛn nibhɛ, nibhɛ so niwil nɛ nibhɛ hɔ iwil ɛntsɛng. Wu ɛhaa ne iwil la i hɔ ɛhak ɛhaa ne iwil la ɛntsɛng ngo, nibhɛ wo gbik yaa ne bhɛ hoghɛ ɛyek.”

ɛMacu 5:6

Ninaa ɛwɛng ngaa nggyɛy nɛ nibhɛ bok ikpyak ne ihywel cik ga, nibhɛ ta i has irway ne ihywel cik ga, daa ɛli nɛ nibhɛ sɛ́ ne sighi daa nikɔn nɛ nibhɛ tɔk.

ɛYahuza 1:24

Te ne dɛp ɛTaanggbey yegha ne ɛbhɛ ɛ bok ihwet ne aa phyik njwɛɛn ɛlɔ ne njwɛɛn yaa yung ho wo, ɛ yɛɛs ne njwɛɛn ɛlɔ ɛbhɛ gha, wɛlɛng ɛkɔn ne tok ka, ɛnu ɛyisɛ ne ito-ndiinday ɛbhɛ de ne irway ihwala da gbom mo.

ɛMacu 25:10

“Kɛ ne sɛ nibhɛ bhɛ tɔ ɛlɔ ne say inɔɔy ba, ɛyiyaa ne yɛl la ne ji tuu. Nibhɛ iwii na nɛ nibhɛ kɛ ku ryɔng en no ne lel ɛlɔ ne idira tom ɛyɛl lo. Ne cwaal ɛnu ne izuk kɛ.

iFisus 5:27

Te sɛ́ ne sɛ aa nang ito ɛbhɛ idira ninaa ne roos de, tɛ nibhɛ ne so ɛkɔn ne ɛ kɛ jam byirik, wɛlɛng irwirwik, ne ɛkɔn ɛkpɛɛ. Tɛ nibhɛ so kang wɛlɛng ɛkɔn ne tok.

ɛMacu 21:19

Ne ɛ yaang ɛpharang cɛcɛk ne nkiinɛ ne ɛ phɛ ne ɛlɔ yɛ, sɔng ne ɛbhɛ sɛ ikpam nang, ɛbebee zɔng ne ɛ kaa bhɛ sɛ. ɛYɛso gha ne nang ɛpharang nga ɛnu ɛbebhe, ɛ yɔngɔ, “Sɔng aa tang yɛk ikpam mang ishay-ishay!” ɛPharang nga ne shii howo nɛ nten nɛ.

ɛYohana 8:21

ɛYɛso gha ne ta yaak nibhɛ, “Naa bak ne ɛlɔ yɛ, aa ne tɔk ɛn mɛɛn, ne ɛ kus ɛn ndɔ ne ɛfɔt mon no. Sɔng aa yɛɛ ne phɛ ɛn ɛlɔ gha ne naa phɛ wo nang.”

Nikɔn ne kɛ Phaal 16:21

iGbaang ne nkpaaling ne righitik kɛ sɛ hɔn ikilɔgaram nzuwubɔ iwii ne les dak ne irywa wo ifɛ hoghɛse daa ninyi na. Ninyi na ne bol ivol ne bɛɛs ɛTaanggbey ye daa ɛli ne nkpaaling ngga i baasek nibhɛ nggbang ngga gbom.

Nikɔn ne kɛ Phaal 22:3

Sɔng sɛ́ ne sɛ ɛkɔn ne ɛ so ndɔ ɛkawɛy ɛTaanggbey ndɔ ɛgarang ngɛghaa wo nang. ɛCuruu ne igbɔm ɛTaanggbey ne ɛhaa ɛNgɔn ne ɛpharak ka bhɛ sɛ́ so ndɔ ɛgarang nga. Nikpuru ɛbhɛ sɛ ne re ɛbhɛ ntsong.

iKɔlɔsi 1:22

ɛlyilyɛghaa wo, ne lenɛ ne iku ne ibek ɛKiriti de ne iphɛ soye inwam ba nɛ neyi na, ɛTaanggbey ya kɛ ne te ˆɛ te ɛn nyini nitaay ɛbhɛ. ɛKiriti gha kɛ ne phɛ ne nyinɛn, ˆɛ so ɛn kang, wɛwɛy tang ɛkɔn ne tok ɛnu ɛyisɛ ɛTaanggbey ya.

ɛMacu 5:45

Te ɛ te ɛn ɛKyɛɛ mon ɛdaa ne irywa gha, Ɛɛ yɛk ngɛ iroy ɛbhɛ de wuru ninyi nibebhe na nɛ niyɛnɛng ngɛ, ne ɛ tom ninyi ne icik ka nɛ ninaa nɛ nibhɛ sang so cik ko ne inɛn da.