Nikɔn ne kɛ Phaal 22:10 - ɛWee ne ìTsɛm iHywas

¹⁰ Ne ɛ ta yaak me; “Sɔng ɛ rɛɛ ivol da ne kɛ tɔng ndɔ ne ɛwee yɛwoo wo nang, daa ɛli ne nten nɛ ne yaa shwaak nikɔn nɛnaa wo yek cɛcɛk.

Nikɔn ne kɛ Phaal 22:10 ပူးပေါင်းရင်းမြစ်များ

ɛMacu 10:27

ɛKɔn na ne nzi tɔng nyini gying, tɔng ɛn ɛbhɛ wɛsɛrɛk. ɛKɔn na ne nggɛ mɔng nyini ne itsoro, cwi ɛbhɛ wara ɛn daa ɛco nihon ɛ tɔng ɛn.

iRooma 13:11

iPhɛ so nggbinggbing ɛ mɔn ɛn ɛlɛ wo, daa ɛli ne ɛ kɛ seng ɛn wu nten nɛ kɛ tuu ne aa seme ɛn nwa mon da, nten ne phɔt njwɛɛn de yek cɛcɛk iphɛ phyin nten de ne njwɛɛn kaa tsa nang ɛn ne itin nɛ wo.

iRooma 13:12

ɛTuk ka yek gbang, ihwɛlɛ yungaa wuru. iPhɛ ɛlɛy te njwɛɛn hana nitomɛ ndɔ gbyik ka njwɛɛn yɛk en ne nikɔn ne itsom ninaa nɛ nibhɛ so iwɛwɛy.

2 iTasɔlɔnika 2:3

Sɔng ɛ sim ɛn ɛdɛ ɛnyi luk nyini ne idɛ ɛnkiinɛ wo kang nang. Daa ɛli ne sɔng ɛtuk ɛDaray ya yaa yɛɛs nang, sɛ yang kyi tsa ne isang-phok ge nyɛɛn, ɛgɔm nisang-phok ka ne tɔɔrek ghe, ɛhaa ne ɛ ku ryɔng sɛ́ bees gbik ko.

1 ɛBiturus 4:7

Nten ne taal ɛzay de yek cɛcɛk. iPhɛ ɛlɛy, ne ɛ wum ɛn ihywɛɛ mon ɛlɔ ɛdaan, ɛ shɛɛ ɛn ɛkanang, daa ɛli ne ɛkɔn yaa yung ring nyini ne bol ne ɛTaanggbey ya.

Nikɔn ne kɛ Phaal 1:11

iZɔlɔs de ne yaak me, “Haa ɛkɔn na ne ɛ yaang ngo ndɔ ne ɛwee te ɛ tom ijwira ninaa ne roos de nɛ nibhɛ so nilɔ ɛniitaa na. Tom idira ninaa ne roos ne iFisus nɛ, nɛ ninaa ne iSimirina nɛ, nɛ ninaa ne iBirigamu nɛ, nɛ ninaa ne iTiyatira, ne iSadis, ne iFiladafiya gbik ne iLɔdakiya nɛ.”

Nikɔn ne kɛ Phaal 1:3

ɛHaa ɛwɛng ngaa nggyɛy ne ɛ tɔng nihak ninyi ibol lɛdee wo ne iphɛ le ɛlɔ ɛTaanggbey ya, ɛhaa ɛwɛng ngaa nggyɛy ne ɛ ne tenes ibɔrɔk ne ibol lɛdee wo ɛ roos gbik nikɔn na ne kɛ haa ndɔ ne ɛWee yɛwoo wo. Daa ɛli ne nten nɛ nikɔn nɛnaa wo sɛ shwaak ghe yek cɛcɛk.

Nikɔn ne kɛ Phaal 10:4

Ne sɛ irywa wo kɛ tɛrɛ ɛniitaa gha ne n yɔng wu naa haal ibol lɛ, ne n bok idɛ izɔlɔs de ihywɛ le daa ne irywa wo ihywɛ bok me, “Rɛɛ ɛkɔn na ne irywa ne tɛrɛ ɛniitaa gha kɛ boote wo, sɔng ɛ haal nang.”

Nikɔn ne kɛ Phaal 22:16

“Mee ɛYɛso, nggɛ tom ɛmalɛka nge te ɛ yɛɛs ɛ tɔng nyini ivol lɛdaa wo ndɔ ne ijwira ninaa ne roos da. Mee nzo iling ne ijwee ɛDoda, n da so icwaang ɛbhɛ. Ne nzo ɛgbaang ɛyuyɔrɔ ɛraam ne ihwɛlɛ ne ɛ tol.”

Nikɔn ne kɛ Phaal 22:18

Mee ɛYohana, nzi ne sin itoro ninaa nɛ nibhɛ kɛ phok ivol da ne kɛ haa ndɔ ne ɛwee yɛdee wo. Wu ɛdɛ ɛnyi gha kɛ ne hante ne ɛkɔn daa ne ifɛ, ɛTaanggbey ya sɛ ne hante ɛbhɛ ne nggbang ngga ne kɛ haa ndɔ ne ɛwee yɛwoo wo.

Nikɔn ne kɛ Phaal 22:20

ɛNyi gha ne ɛ kɛ nang ishɛɛda ne ivol lɛdaa wo i bo; “ɛTsak n yek cɛcɛk ne yɛɛs.” Ɛɛy! Ne ɛ yɛɛs ɛDaray ɛYɛso yɔɔy!

Nikɔn ne kɛ Phaal 22:7

ɛYɛso gha ne yɔngɔ, “Phok ɛn! N yek cɛcɛk ne yɛɛs! Ninaa ɛwɛng ngaa nggyɛy nɛ nibhɛ kɛ hyep ivol da ne kɛ tɔng ndɔ ne ɛwee yɛwoo wo!”

Nikɔn ne kɛ Phaal 22:9

ɛMalɛka ghe ne yaak me; “Sɔng ɛ mɔn ɛlɛ wo nang! Ma nzo ɛkpuru ɛTaanggbey ya te igyɛ wo nɛ nigwaa mo ninabawa na, gbik nɛ ninaa nɛ nibhɛ roos ibol ne ɛwee yɛdee wo. Re ɛTaanggbey ye ntsong ngga!”

Nikɔn ne kɛ Phaal 5:1

Ne n yaang ɛwee ne ihuhu ne kɛ harap ne iwɔ ne irwye ɛnyi gha ne ɛ kɛ soos ɛcuruu ne igbɔm ma. Ɛbhɛ bok ivol ne kɛ haa nɛ ndɔ yɛ gbik ne ɛtsim mɛ, kɛ harap i baa ɛbhɛ nilɔ ɛniitaa i ji baa ne icwɛɛm.