Nikɔn ne kɛ Phaal 21:7 - ɛWee ne ìTsɛm iHywas

⁷ Gbik ɛnyi gha ne ɛ kɛ re ɛwɛng, aa ne re isha nikɔn nɛnaa wo ɛlɔ nge, naa ne te me ɛTaanggbey ɛbhɛ, ne ɛ ma teye ɛngɔn nge.

Nikɔn ne kɛ Phaal 21:7 ပူးပေါင်းရင်းမြစ်များ

ɛMacu 19:29

Gbik ɛnyi gha ne ɛ kɛ ne tek idee, nɛ nigwaa niras sɛ nɛ nikuk kɛ, ne ɛkyɛɛ ne ɛgyinɛ, nɛ ninɔn, ne ihap ɛlɔ me wo, ɛ sɛ ne bhɛ say nikɔn nɛnaa wo i kyii tiil ɛbhɛ nɛ ikɔl idaan, ne ji ta nang ɛbhɛ iken ne inat.

ɛMacu 25:21

“ɛKyɛɛ ne ijwee ɛbhɛ gha ne yɔngɔ, ‘Yaa, ɛ soyɛ ɛkpuru ɛyɛnɛng ne ɛhaa ne itin ne ibol. Ɛ kɛ tɔɔrek itin nɛ daa ɛkɔn ɛncɛt, naa ne nang ngɛ nikɔn na gbom, yɛɛs te ɛ phyik me ne irway ihwala da!’

ɛMacu 25:34

“ɛNggyɛ wo, ɛgɔm ma sɛ ne ji yaak ninaa nɛ nibhɛ so ne iwɔ ne irwye ɛbhɛ wo, ‘Yɛɛs ɛn ɛKyɛɛ nge gha kɛ ku sit nyini ne ɛwɛng; ngga ɛn isha mon de, igbɔm ba ne kɛ ku ryɔng nyini nɛ wo nten de ne kaa ryɔng ɛzay ya.

ɛMarakus 10:17

Kɛ ne sɛ ɛli ne ɛYɛso gha kɛ bo nikɔn ɛ hyel, ɛdɛ ɛnyi gha shii zugha ɛbhɛ cwi ne irwa-nggburuk ɛnu ɛyisɛ ɛbhɛ ɛ phom ɛbhɛ ɛ yaak ɛbhɛ, “ɛKyɛɛ ɛyɛnɛng, ikyee ne naa mɔn te n nzɛ iken ne inat de daa mɛɛ?”

iRooma 8:14

Ninyi na ne iKabyik ɛTaanggbey de i hyel nɛ nibhɛ wo, ne soye ninɔn ɛTaanggbey.

iRooma 8:19

Gbik nikɔn na ne kɛ ryɔng ngo i has irway nibhɛ hyep ɛli ne ɛTaanggbey ya yaa tɔɔrek ninɔn ɛbhɛ na wɛsɛrɛk ɛzay ya.

2 iKɔrɔntos 6:16

ɛYakɔn ɛbhɛ kɛ byinki ideng ɛTaanggbey de ne ɛlɔ ne ikpii ghaa? Njwɛɛn soye ideng ɛTaanggbey ɛhaa ne iken, te ɛli ne ɛTaanggbey ya kɛ boote ɛ yɔngɔ, “Naa shɛɛ ndɔ nibhɛ, ne n hyel ndɔ nibhɛ. Naa te me ɛTaanggbey nibhɛ, nibhɛ ne teye ninyi nge.

2 iKɔrɔntos 6:18

Naa ne te me ɛKyɛɛ mon, aa ne ma te nyini ninɔn nge, niras sɛ nɛ nikuk kɛ, n phok ɛDaray ne iGbom Gbik.”

iBirani 8:10

Phok ɛn, ìtsɛm mɛdee bɛ ne nzɛ rop nɛ niSɛrɛla na, ndɔ nituk ka nɛ nibhɛ yaaso wo. Nzɛ yɛk imɛmɛ nge da ndɔ ne irway nibhɛ, ne n da haa ndɔ ne ikok nibhɛ. Nzɛ te me ɛTaanggbey nibhɛ, nibhɛ ne teye ninyi nge.

1 ɛBiturus 3:9

Sɔng ɛ tal ɛn ibebhe de ne bebhe de nang. Sɔng ne ɛ ta tal ɛn tok ge ne tok ge nang. Yang sit ɛn nibhɛ ne ɛwɛng, daa ɛli ne ɛTaanggbey ya kɛ yel-le nyini te ɛɛ mɔn ɛn ɛlɛ wo, te ɛ sɛ ɛn ɛwɛng.

Nikɔn ne kɛ Phaal 2:11

Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ninaa ne roos de. Gbik ɛnyi gha ne ɛ kɛ ne re ɛwɛng daa ne itsom mɛdee wo, sɔng iku ne ifaa de sɛ ne dat nibhɛ nang.

Nikɔn ne kɛ Phaal 2:17

Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ninaa ne roos de. Gbik ɛnyi gha ne ɛ kɛ ne re ɛwɛng daa ne itsom mɛdee wo, naa ne nang ɛbhɛ idɛng ndɔ ne imana de ne kɛ rɛɛ wo. Naa ne ta nang ɛbhɛ ikɛɛ ihala ne kɛ haa ne irywɛɛk ifas ne hame ɛnyi iyɛɛ kang ne ɛnyi gha ne ɛ kɛ say iphɛ wo.

Nikɔn ne kɛ Phaal 2:25

ɛKɔn na ne nzi sim ne nyinɛn no so ɛlɛ, ku boos ɛn ibol de ne ɛ bok ɛn no n phyii yɛɛs.

Nikɔn ne kɛ Phaal 2:7

‘Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ninaa ne roos de. Gbik ɛnyi gha ne ɛ kɛ ne re ɛwɛng daa ne itsom mɛdee wo, nzɛ ne nang ɛbhɛ ɛnkiinɛ ne ɛ re ikpam ɛHon ne Nang iKen de ne ɛ so ndɔ ne ihwap ɛTaanggbey da.’ ”

Nikɔn ne kɛ Phaal 21:3

Ne n phok ɛgbaang ne izɔlɔs ihywɛ le ɛcuruu ne igbɔm ma ihywɛ bo, “ɛLyilyɛghaa wo ɛlɔ ne shɛɛ ɛTaanggbey ya ne so ɛlɔ nɛ nibhɛ shɛɛ nɛ nɛ ninyi. Aa shɛɛ nɛ nibhɛ, nibhɛ ne teye ninyi ɛbhɛ. ɛTaanggbey ya ne ito ɛbhɛ aa shɛɛ nɛ nibhɛ, ɛ teye ɛTaanggbey nibhɛ.