Nikɔn ne kɛ Phaal 21:6 - ɛWee ne ìTsɛm iHywas

⁶ Ne ɛ yaak me, “Kɛ taal! Mee nzo me ɛHaa ɛYisɛ yɛ ne ɛHaa ɛTsim mɛ, ɛHaa ne iTsa yɛ ne ɛHaa ne iTaal lɛ. Gbik ɛnyi gha ne irway ɛbhɛ i has te ɛ yɛɛs, naa ne nang ɛbhɛ inɛn ɛncincɛk ne iken da ɛ sɔ buu.

Nikɔn ne kɛ Phaal 21:6 ပူးပေါင်းရင်းမြစ်များ

ɛYohana 4:10

ɛYɛso gha ne kyii ɛbhɛ nɛ ɛ yɔngɔ, “Sɛɛ yɔng ɛ yɛɛ ɛkɔn negha ne ɛTaanggbey yaa nang ngo, ɛ ta i yɛɛ ɛnyi gha ne ɛɛ phomos sɛ inɛn ba nang, ɛ sɛɛ ne ku roo ɛbhɛ, ɛ sɛɛ ne nang ngɛ inɛn ne mpɛ nang iken.”

Nikɔn ne kɛ Phaal 7:17

ɛNgɔn ne ɛpharak ka, ne ɛ so ɛceree ɛcuruu ne igbɔm ma, aa ne teye ɛhaa ne hyep nibhɛ, aa phɛ nɛ nibhɛ ne irwong ne iphɛ bok inɛn ne nang iken. ɛTaanggbey ya yaa ne yes nibhɛ niyilis sa gbik.”

ɛYohana 4:14

Gbik ne iphɛ ɛlɛy, ɛhaa ne ɛ kɛ ne sɔ inɛn da ne naa nang ngo, sɔng aa ne tang phok irway ne has ba nang. iNɛn da ne naa nang ɛbhɛ wo yaa te te ɛncincɛk ndɔ ɛbhɛ wo, mpɛ ne ji naas iken ne inat.”

iRooma 8:32

Ɛbhɛ ɛTaanggbey ya ne kɛ ring njwɛɛn ne ɛNgɔn ɛbhɛ gha, ɛ yang kyii nang ɛbhɛ ɛlɔ njwɛɛn na gbik ko. Wu ɛ kɛ ne mɔn ɛlɛ wo ɛ sɛɛ ne mɔn ɛli ɛ sang nang njwɛɛn nikɔn na gbik ne irway ijwaan daa?

Nikɔn ne kɛ Phaal 22:17

iKabyik ge gbik ne ɛYɛl lo i bo, “Yɛɛs.” Gbik ɛnyi gha ne ɛ kɛ phok ibol lɛdee wo, te ne ɛ ma yɔngɔ; “Yɛɛs.” Gbik ɛnyi gha ne irway ɛbhɛ i has te ne ɛ yɛɛs. Gbik ɛnyi gha ne ɛ sim tɛ ne ɛ yɛɛs ɛ say inɛn ne iken da buu.

Nikɔn ne kɛ Phaal 1:8

ɛDaray ɛTaanggbey ya bo, “Mee nzo me ɛHaa ɛYisɛ yɛ ne ɛHaa ɛTsim mɛ. Mee nzo ɛTaanggbey ya ne ɛ sonɛ ɛlyilyɛghaa, ɛhaa ne ɛ kaa ku sonɛ, ɛhaa ne ɛ sɛ ta yaaso, ɛHaa ne iGbɔm Gbik.”

iRooma 3:24

Kɛ ne lenɛ ne izɛɛng ɛTaanggbey de ne ɛ kɛ nang ngo, kɛ ne say ɛrɔngɔ wu so cik ɛnu ɛyisɛ ɛTaanggbey ya, lenɛ ne isay da ne kɛ say ɛbhɛ ndɔ ɛYɛso ɛKiriti gha.

Nikɔn ne kɛ Phaal 22:13

Mee nzo ɛHaa ɛYisɛ yɛ ne ɛHaa ɛTsim mɛ, ɛHaa ne iTsa yɛ ne ɛHaa ne iTaal lɛ.

Nikɔn ne kɛ Phaal 16:17

ɛMalɛka ɛniitaa yɛ ne bhɛ sit ɛkɔn na ne ɛ so ne ɛkpɛɛt ɛbhɛ wo ne igbil. ɛDɛ ɛgbaang ne izɔlɔs so ne ji le ɛcuruu ne igbɔm ma ndɔ ne ideng ngge ihywɛ yɔngɔ, “Kɛ taal!”

Nikɔn ne kɛ Phaal 1:17

Ne sɛ nggɛ yaang ɛbhɛ, ne n ho ne ivel ɛnu ɛyisɛ ɛbhɛ te ikom. Ne ɛ ji bo iwɔ ne irwye ɛbhɛ ɛ dat me nɛ, ne ɛ yaak me, “Sɔng ɛ phok ɛnik ko nang, mee nzo me ɛYisɛ yɛ ne ɛTsim mɛ.”

1 iKɔrɔntos 2:12

Sɔng kɛ ne nang njwɛɛn ikabyik ɛzay yɛdee bɛ nang. Kɛ nang njwɛɛn iKabyik ne iphɛ le ɛlɔ ɛTaanggbey, te njwɛɛn seng nikɔn na ne ɛTaanggbey ya kɛ nang njwɛɛn ne irway itɔrɔk.

Nikɔn ne kɛ Phaal 10:6

Ne ɛ lɛlɛm ihywa ne irywɛɛk ɛTaanggbey ne ɛ so ɛken ne ishay-ishay, ne ɛbhɛ kɛ ryɔng irywa wo nɛ nikɔn na nɛ nibhɛ sonɛ ɛdak kɛ gbik, ne ɛzay nɛ nikɔn na nɛ nibhɛ sonɛ ne ndɔ yɛ gbik. ɛMalɛka gha ne yɔngɔ: “Sɔng ya ta bese nten dɔng nang!

1 iKɔrɔntos 3:12

Wu ɛnyi gha kɛ bo izinariya, hang ɛzurufa yɔɔ, hang ikpɛɛ ne ifɛ kɛ ne ijam yɔɔ, hang itson yɔɔ, hang inzang yɔɔ, hang irwirwaat yɔɔ ɛ lɔl daa ne ɛtum mo,

Nikɔn ne kɛ Phaal 1:11

iZɔlɔs de ne yaak me, “Haa ɛkɔn na ne ɛ yaang ngo ndɔ ne ɛwee te ɛ tom ijwira ninaa ne roos de nɛ nibhɛ so nilɔ ɛniitaa na. Tom idira ninaa ne roos ne iFisus nɛ, nɛ ninaa ne iSimirina nɛ, nɛ ninaa ne iBirigamu nɛ, nɛ ninaa ne iTiyatira, ne iSadis, ne iFiladafiya gbik ne iLɔdakiya nɛ.”

1 iKɔrɔntos 3:21

iPhɛ ɛlɛy, sɔng ɛnyi ne hal ɛgyɛy ne ɛten ɛsii nang! Daa ɛli nɛ nikɔn na gbik so ninaa mon,

1 iKɔrɔntos 3:5

ɛPolos sa so ɛhay? ɛBulus sa ne so ɛhay? Nzi bo nibhɛ so ninaa ɛtomɛ zɔng ne ɛ kɛ nang ɛn ne itin nɛ lenɛ ne ibol nɛ nibhɛ kɛ tɔng nyini. Nibhɛ wo, ɛrɔngɔ i ne mɔn ɛtomɛ gha ɛli ne ɛDaray kɛ nang ɛbhɛ.

ɛYohana 4:11

ɛKuk ka ne yɔngɔ, “ɛNdiinday, sɔng ɛ bok ɛguuga ne tok inɛn da nang, ɛyek ka ne so kyukyum. Aa ne le ne inɛn da ne mpɛ nang iken da ɛbii?

Nikɔn ne kɛ Phaal 3:14

Haa ɛmalɛka ne idira ninaa ne roos ne iLɔdakiya na nɛ te ɛ yaak nibhɛ, iBol lɛdee bɛ ne iphɛ lɛ ɛlɔ ɛnyi gha ne i yeres ɛbhɛ Ɛɛy ya, ɛshɛɛda gha ne ɛ so sɛ kyinak daa ne ibol ɛbhɛ de, ɛnyi gha ne ɛbhɛ ɛ bok igbɔm ba daa nikɔn na ne ɛTaanggbey ya kɛ ryɔng ngo.