Nikɔn ne kɛ Phaal 21:5 - ɛWee ne ìTsɛm iHywas

⁵ ɛNyi gha ne ɛ kɛ soos ɛcuruu ne igbɔm ma ne ɛ ji yɔngɔ, “ɛLyilyɛghaa wo nzi ryɔng nikɔn na niphas sɛ gbik!” Ne ɛ ta yaak me, “Haa ɛkɔn nɛghaa wo, daa ɛli ne ibol lɛdee wo so i sɛ kyinak daa ne iphɛ, iphɛ ne ta so itin nɛ.”

Nikɔn ne kɛ Phaal 21:5 ပူးပေါင်းရင်းမြစ်များ

2 iKɔrɔntos 5:17

iPhɛ ɛlɛy, gbik ɛnyi gha ne ɛ so ndɔ ɛKiriti gha ɛ kɛ ne teye ɛnyi ɛphas, nikɔn nitɛl la kɛ ne phebhe ɛ kɛ ne teye ɛphas sɛ!

Nikɔn ne kɛ Phaal 19:9

ɛMalɛka gha ne yaak me, “Haa ɛbɛ: ‘Ninaa ɛwɛng ngaa nggyɛy ne kɛ mɔng nibhɛ idira ɛwɛrɛ ɛNgɔn ne Pharak ge.’ ” Ne ɛ ta yaak me, “iBol lɛdee wo so ibol ɛTaanggbey, iphɛ ne so itin nɛ.”

Nikɔn ne kɛ Phaal 22:6

ɛMalɛka gha ne yaak me, “iVol lɛdee wo so itin nɛ, ifɛ ne so sɛ kyinak daa ne ifɛ. ɛDaray ɛTaanggbey ya ne ɛbhɛ ɛ kɛ nang ninabawa na ikabyik ɛbhɛ de ɛbhɛ kɛ tom ɛmalɛka ɛbhɛ te ɛ tɔɔrek nikpuru ɛbhɛ nikɔn na ne iphɛ so nggbinggbing nibhɛ yaa phyɔngɔle nibhɛ tes.”

Nikɔn ne kɛ Phaal 20:11

ɛTsim mɛ ɛlɛy, ne n yaang ɛgbaang ɛcuruu ne igbɔm ɛhala yɛ gbik ne ɛnyi yɛ ne ɛ kɛ soos nɛ. ɛZay ya ne irywa wo ne tel ɛnu ɛyisɛ ɛbhɛ sɔng ne tang yaang nibhɛ nang.

Nikɔn ne kɛ Phaal 4:2

Nɛ nten nɛ, iKabyik ne lel ndɔ mee, ne n yaang ɛcuruu ne igbɔm daa ne irywa, ɛdɛ ɛnyi gha kɛ soos nɛ.

Nikɔn ne kɛ Phaal 4:9

Nikɔn niken nwaas sɛnaa nggyɛ wo ne i yaak ɛhaa ɛcuruu ne igbɔm ma ne iywel, nibhɛ i dɛp ɛbhɛ, nibhɛ naas ɛbhɛ ne ndiinday, nibhɛ tɔɔsel ɛbhɛ irway ihwala. Ne i sɛ nibhɛ kɛ yɛk ne iywel lo,

Nikɔn ne kɛ Phaal 1:19

iPhɛ ɛlɛy, ne ɛhaa nikɔn na ne ɛ kɛ yaang ngo, nɛ ninaa nɛ nibhɛ sonɛ ɛlyilyɛghaa wo gbik nɛ ninaa nɛ nibhɛ sɛ́ tes gɔɔ ɛnu ɛyisɛ gha.

Nikɔn ne kɛ Phaal 1:11

iZɔlɔs de ne yaak me, “Haa ɛkɔn na ne ɛ yaang ngo ndɔ ne ɛwee te ɛ tom ijwira ninaa ne roos de nɛ nibhɛ so nilɔ ɛniitaa na. Tom idira ninaa ne roos ne iFisus nɛ, nɛ ninaa ne iSimirina nɛ, nɛ ninaa ne iBirigamu nɛ, nɛ ninaa ne iTiyatira, ne iSadis, ne iFiladafiya gbik ne iLɔdakiya nɛ.”

Nikɔn ne kɛ Phaal 5:1

Ne n yaang ɛwee ne ihuhu ne kɛ harap ne iwɔ ne irwye ɛnyi gha ne ɛ kɛ soos ɛcuruu ne igbɔm ma. Ɛbhɛ bok ivol ne kɛ haa nɛ ndɔ yɛ gbik ne ɛtsim mɛ, kɛ harap i baa ɛbhɛ nilɔ ɛniitaa i ji baa ne icwɛɛm.

iBirani 12:27

iBol de ne iphɛ bo, “ɛDaan na zɔng ngo,” kɛ tɔɔrek wɛsɛrɛk wu sɛ sungki nikɔn na ne kɛ ryɔng ngo i tuul nibhɛ, te nikɔn na ne hame yaa yɛɛ ne sungki wo nibhɛ ji mak.

Nikɔn ne kɛ Phaal 22:19

Wu ɛdɛ ɛnyi gha kɛ ne tɛ idɛ ibol de ne kɛ haa ndɔ ne ɛwee yɛwoo wo, ɛTaanggbey ya yaa ne tul ihop ɛbhɛ ndɔ ɛHon ne iKen na gbik ne ndɔ ɛgarang nga ne kɛ tul kang ngo, ne kɛ kpɛl ibol lɛ ndɔ ne ɛwee yɛwoo wo.

ɛLuka 5:38

I yang banas iguut de ndɔ ne izong ne ifɛ tɔ ne ihwet!