Nikɔn ne kɛ Phaal 21:14 - ɛWee ne ìTsɛm iHywas

¹⁴ iWabha ɛgarang ngo kaa bok ikpɛɛ ne itsum ɛnduwubɔ ne ifɛ ifaa. Ne haa irɛɛk ninɔn ne tom ɛnduwubɔ nɛ nibhɛ ifaa ɛNgɔn ne Pharak ge ne itsum ba. ɛWowoo ɛtum ne i bok irywɛɛk ɛngɔn ne tom ɛdaan.

Nikɔn ne kɛ Phaal 21:14 ပူးပေါင်းရင်းမြစ်များ

ɛMacu 16:18

Nzi ne tɔng ngɛ igyɛ ne ɛ soyɛ ɛBiturus, ɛ soye ɛphang, daa ne ɛphang ngɛwoo wo ne nzɛ ne lɔl ne idira ninaa ne roos nge de. Sɔng iku sɛ ne phyin iphɛ ne ihwet tang.

ɛTomɛ 1:26

Nibhɛ ne kasa ikasa da, iphɛ ne ho daa ne ito ɛMatayas. Ne ɛ teye ɛngɔn ne Tom ɛ hantey yɛdaa nibhɛ ɛnduwubɔ ne ɛnyi ɛdaan na.

iGalatiya 2:9

ɛYakub pa ne ɛBiturus sa, ne ɛYohana gha ne kaa ku bo nibhɛ tɛ nindiinday ya kaa ne ma seng wu ɛTaanggbey ya kɛ nang me ɛtomɛ yɛghaa wo. Nibhɛ ne sɔ iwɔ ne ìtsɛm ninaa ne roos. Nibhɛ ne sim me nɛ wu te mee wo ne ɛBanabas sa te njwi phɛ ɛlɔ ninyi na ne hame nibhɛ soye niYahodawa na tɛ nibhɛ wo ne ji phɛ ɛlɔ niYahodawa na.

iFisus 2:20

Kɛ lɔl nyini daa ne ɛtum nɛ ninabawa gbik nɛ ninɔn ne tom ma kaa see, ɛtum mo ne ɛYɛso ɛKiriti gha ne ito ɛbhɛ ɛ soye ɛkangashi yɛ.

iFisus 3:5

Ne ile de, sɔng ɛTaanggbey ya kaa ku tɔng niten nisii ibol lɛdee wo nang. ɛLyilyɛghaa wo, ne lenɛ ne iKabyik ɛbhɛ, ɛ kɛ ne phaal ninabawa nɛ gbik nɛ ninɔn ne tom mɛ nɛ nibhɛ so kang.

iFisus 4:11

Ɛbhɛ ɛ kɛ ne ta naas ninyi na ìnang ngga kang-ka-kang, tɛ nidɛng teye ninɔn ne tom, nidɛng teye ninabawa, nidɛng teye ninaa ne sanga iBol iYɛnɛng, nidɛng teye ninaa ne hyep ᐩigyol ɛTaanggbey, nidɛng teye nikyɛɛ ne icwam.

iBirani 11:10

ɛBaraying nga kaa shɛɛ ishwɛɛ yɛdaa nggyɛ wo daa ɛli ne ɛ kaa sit irwisɛ ɛ hyep ɛgarang nga ne ɛTaanggbey ɛbhɛ kɛ ryɔng tum mɛ ɛ lɔl.

ɛYahuza 1:17

Nyinɛn nigwaa en ne nzi sim, ne ˆɛ taate ɛn ne ɛkɔn na nɛ ninɔn ne tom ɛDaray njwɛɛn ɛYɛso ɛKiriti gha kaa ku tɔng wu ɛ sɛ te wo.

Nikɔn ne kɛ Phaal 18:20

Yɛk ɛn irway ihwala daa ɛbhɛ, nyinɛn ninyi ɛdaa ne irywa! Yɛk ɛn irway ihwala daa ɛbhɛ nyinɛn ne kɛ tul nyini kang, nɛ ninɔn ne tom, nɛ ninabawa! Daa ɛli ne ɛTaanggbey ya kɛ hyɛ ɛBabila wo ɛshara, daa ɛkɔn na ɛ kɛ mɔn nyini nɛ wo.”

Nikɔn ne kɛ Phaal 21:13

iHoo iwap kaa ne i bok ninu ne iduk itwat. Ninu ne iduk itwat kaa so ne iwap ɛdak, nibhɛ itwat ne so ne iwap ɛkɔrɔk, nibhɛ itwat ne so ne iwap ne irwye ɛdak kɛ, nibhɛ itwat ne ji so ne itsan ɛdak kɛ.