Nikɔn ne kɛ Phaal 21:1 - ɛWee ne ìTsɛm iHywas

¹ ɛTsim mɛ ɛlɛy, ne n ji yaang ɛzay ɛphas ne irywa ifas. Daa ɛli ne ɛzay ɛyisɛ gha ne irywa ɛyisɛ wo kɛ phee, sɔng ɛling nga ne ta tɔnɛ nang.

Nikɔn ne kɛ Phaal 21:1 ပူးပေါင်းရင်းမြစ်များ

iRooma 8:21

iyɛk ne irway yɛ ne so, sɛ sɔnɔ nikɔn na ne kɛ ryɔng ngo nɛ nibhɛ so ndɔ ne nyang ngge te ɛkpuru gha ne kɛ rop po ndɔ ne iku ne sa de i byinki nibhɛ ndɔ ne ndiinday de ɛli ne kɛ sɔnɔ ninɔn ɛTaanggbey ya.

2 ɛBiturus 3:10

ɛTuk ne bhɛ kyii ɛDaray ya sɛ ne yɛɛs dirik te ɛhaa ɛyi. ɛTuk kɛghaa nggyɛ wo, ɛgbaang ne izok sɛ ne wungare, irywa wo sɛ ne birit ne, gbik nikɔn na ne kɛ ryɔng ndɔ ɛzay ya nɛ ninaa ne kɛ ryɔng daa ne irywa wo sɛ́ ne re igboo. ɛZay ya nɛ nikɔn na nɛ nibhɛ sonɛ ndɔ yɛwo sɛ́ ne birit.

2 ɛBiturus 3:13

Kɛ ne lenɛ ne ɛTaanggbey ya kɛ ku sim-mɛ wo, njwɛɛn kɛ ne yaa hyep ɛzay ɛphas ne irywa ifas ɛlɔ gha ne icik sɛ ku i shɛɛ nɛ zɔng.

Nikɔn ne kɛ Phaal 13:1

Ne n ji yaang idɛ inyam igywebhe de ihywɛ wuusi ndɔ ɛling. iHywɛ bok itso ɛniitaa ne igbumɛ ɛnduwubɔ. iHywɛ bok nikɔn ne ito ne igbɔm daa ne igbumɛ ne ihywɛ da, kɛ haa irɛɛk ne bɛɛs ɛTaanggbey ye ne itso ne ihywɛ da.

Nikɔn ne kɛ Phaal 20:11

ɛTsim mɛ ɛlɛy, ne n yaang ɛgbaang ɛcuruu ne igbɔm ɛhala yɛ gbik ne ɛnyi yɛ ne ɛ kɛ soos nɛ. ɛZay ya ne irywa wo ne tel ɛnu ɛyisɛ ɛbhɛ sɔng ne tang yaang nibhɛ nang.

Nikɔn ne kɛ Phaal 21:5

ɛNyi gha ne ɛ kɛ soos ɛcuruu ne igbɔm ma ne ɛ ji yɔngɔ, “ɛLyilyɛghaa wo nzi ryɔng nikɔn na niphas sɛ gbik!” Ne ɛ ta yaak me, “Haa ɛkɔn nɛghaa wo, daa ɛli ne ibol lɛdee wo so i sɛ kyinak daa ne iphɛ, iphɛ ne ta so itin nɛ.”

Nikɔn ne kɛ Phaal 6:14

iRywa wo ne habharet te ɛkpangga, ne baas ibarang ngge ne ikpop inɛn da ɛlɔ gha ne ifɛ sonɛ wo.