Nikɔn ne kɛ Phaal 20:5 - ɛWee ne ìTsɛm iHywas

⁵ ɛBɛ wo ɛbhɛ ɛ so yilitsik ne ikpuu ɛyisɛ yɛ. Sɔng ɛbyin ninyi na nɛ nibhɛ kɛ kus so kaa ne ma yilitsik ne ikpuu da nang, nibhɛ kaa hyep ishay ɛnom ɛdaan de kyi taal le nyɛɛn.

Nikɔn ne kɛ Phaal 20:5 ပူးပေါင်းရင်းမြစ်များ

ɛLuka 14:14

Yaa ne ji sit tɛ ne ɛwɛng, daa ɛli ne hame nibhɛ sɛ yɛɛ ne tal lɛ. ɛTaanggbey ya bhɛ sɛ ne ji tal lɛ ɛtuk ka nɛ ninyi nicik ka sɛ yilitsik ne ikpuu ba.”

iRooma 11:15

Kaa sɛ kɛ mbaray nibhɛ wo, iphɛ phaal ɛzay ya ɛnkiinɛ ne ryɔng ne ɛTaanggbey ya, iphɛ sɛ ne ji so ɛli ne sɛ́ sɛ kɛ kyii say nibhɛ woo? iPhɛ sɛ ne so, kɛ ku i seme.

iFilibi 3:11

Te ma n yɛk ne irway i sɛ ma yiisik me ne ikpuu da.

1 iTasɔlɔnika 4:16

Daa ɛli ne ɛDaray ya ne ito ɛbhɛ sɛ le daa ne irywa wo ɛ tɔm ne yel-le ne ɛgbaang ne izɔlɔs, ne izɔlɔs ɛndiinday nimalɛka gbik ne ɛntuntuung ɛTaanggbey. Ninaa nɛ nibhɛ kɛ ne kus ndɔ ɛKiriti gha ne ji tsa nibhɛ yilitsik.

Nikɔn ne kɛ Phaal 11:11

Ne sɛ ɛtsim nituk itwat ta da ne ngguk ge, ifɔng ne le daa ɛlɔ ɛTaanggbey ifɛ lel nibhɛ, nibhɛ ne yiisitsik. ɛNik ne wum ninyi na nɛ nibhɛ kɛ yaang ikpom nishɛɛda ifaa da, nibhɛ ne yaa kparat.

Nikɔn ne kɛ Phaal 11:15

ɛMalɛka ɛniitaa yɛ ne wuuti ɛntuntuung ɛbhɛ wo, ne n phok idɛ ᐩizɔlɔs nziinzay ihywɛ le daa ne irywa ihywɛ bo, “iGbɔm ɛzay da gbik kɛ teye ivaa ɛDaray mos ne ivaa ɛKiriti ɛbhɛ, ɛbhɛ ne ɛ so ɛhaa ne re igbɔm ne ishay-ishay!”