Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Nikɔn ne kɛ Phaal 20:4 - ɛWee ne ìTsɛm iHywas

4 ɛTsim mɛ ɛlɛy ne n yaang nicuruu ne igbɔm nɛ ninyi kɛ sooset nɛ, kɛ nang nibhɛ ito ne bol ɛshara. Ne n da yaang ikpen ninyi da ne kaa phobho nibhɛ ɛlɔ ne ishɛɛda de nɛ nibhɛ nang daa ɛYɛso gha, ne bol ɛTaanggbey de. Sɔng nibhɛ kaa re inyam igywebhe de ntsong nang, sɔng nibhɛ ne say ɛlamba ne ihywɛ gha ne icwiri nibhɛ nang, sɔng nibhɛ ne say ne ibɔ nibhɛ nang. Nibhɛ kaa kyi ta shɛɛ niken nibhɛ re igbɔm ne ɛKiriti gha ishay ɛnom ɛdaan.

အခန်းကိုကြည့်ပါ။ ကော်ပီ




Nikɔn ne kɛ Phaal 20:4
40 ပူးပေါင်းရင်းမြစ်များ  

ɛYɛso gha ne yaak nibhɛ, “Nzi tɔng nyini itin nɛ, ɛzay ɛphas sa, nten de ɛNgɔn ɛNyi gha sɛ bhɛ soos ɛlɔ ne soos ɛndiinday ne igbɔm ɛbhɛ da, nyinɛn no ne ɛ kɛ roos ɛn mɛɛn no, ɛ sɛ ne ma sooset en daa nicuruu ne igbɔm ɛnduwubɔ nɛ nibhɛ ifaa, ɛ bol ɛn itaang ɛnduwubɔ nɛ nibhɛ ifaa niSɛrɛla de ɛshara.


Nten nɛdee nggyɛ wo itin ne ibol ninyi de gbom sɛ ne te ntsenteng, nibhɛ ne naas isap nigwaa nibhɛ, nibhɛ ne ta mbaray nigwaa nibhɛ.


Kɛ ne sɛ ɛgɔm ɛHyiridus sa kɛ yaa tenes ivol ba nɛ ninyi na bol daa ne ito ɛYɛso de nang ne ɛ yɔngɔ, “ɛYohana gha ne nggaa tul ito yɛwo ɛbhɛ kɛ bhɛ kyii ndɔ ne ikpuu ba!”


iPhɛ ɛlɛy yang ɛgɔm ma ne tom ɛhaa ne hyep ɛbhɛ ɛ yaak ɛbhɛ te ɛbhɛ tul ito ɛYohana de ɛ yɛɛs nɛ. ɛNyi gha ne phɛ ndɔ ne ijwee ne inyang ngo ɛbhɛ tul ito ɛYohana de,


Nibhɛ ne lenɛ ne icwas sɛdaa nggyɛ wo, nibhɛ ne phom ɛYɛso yegha nibhɛ yaak ɛbhɛ, “iKyee iphɛ kaa ne te ninaa ne kpɛl ɛshara na kaa yɔng wu ɛLiya gha sɛ kyi tsa ɛ yɛɛs so nyɛɛn ɛDaray ya kyi yɛɛs soo?”


Ɛ sɛ ne ho ɛyisɛ ɛDaray ya, ɛ mɔn ɛtomɛ ɛbhɛ gha ne ihwet gbik ne ndiinday te ɛNɛbi ɛLiya, ɛ byinki nikyɛɛ nɛ ninɔn nibhɛ, nibhɛ yaa shɛɛ ncaang. Ɛ sɛ ne te ninaa ne sang roos ne hywɛɛ, nibhɛ yɛk icwas iywɛnɛng. Ɛ sɛ ne ryɔng ɛDaray yegha ninyi ɛbhɛ na.”


Yaa ne ji sit tɛ ne ɛwɛng, daa ɛli ne hame nibhɛ sɛ yɛɛ ne tal lɛ. ɛTaanggbey ya bhɛ sɛ ne ji tal lɛ ɛtuk ka nɛ ninyi nicik ka sɛ yilitsik ne ikpuu ba.”


Ɛ sɛ re ɛn ɛ ta sɔ ɛn ɛlɔ ne re ire nge gha daa ne igbɔm da, ɛ sooset ɛn nilɔ ne soos ne igbɔm ɛ bol itaang nzuwubɔ ne iphɛ ifaa niSɛrɛla de ɛshara.


Yaa phyɔngɔle ncɛt sɔng ɛzay ya yaa ne tɔ yaang me nang. Aa ne i yaang ɛn mɛɛn daa ɛli ne nzo ɛken, aa ne ma shɛɛ ɛn niken na.


Kaa sɛ kɛ mbaray nibhɛ wo, iphɛ phaal ɛzay ya ɛnkiinɛ ne ryɔng ne ɛTaanggbey ya, iphɛ sɛ ne ji so ɛli ne sɛ́ sɛ kɛ kyii say nibhɛ woo? iPhɛ sɛ ne so, kɛ ku i seme.


ɛLyilyɛghaa wo, wu njwɛɛn ne soye ninɔn ɛTaanggbey ya, njwɛɛn sɛ ne ma sɛ Niwɛng nga ne ɛ sɛ nang ninyi ɛbhɛ na, njwɛɛn sɛ ne ma ta sɛ Niwɛng nga ne ɛTaanggbey ya kɛ tek ɛKiriti yegha nɛ wo. Wu njwɛɛn kɛ sɔ nggbang ngga gbik ne ɛKiriti gha, sɛ ne ma ta bak njwɛɛn ndiinday ɛbhɛ de.


Wu njwɛɛn kɛ ne rop iku, njwɛɛn sɛ ne re igbɔm ne ɛbhɛ. Wu njwɛɛn kɛ ne yɔng wu hang i yɛɛ ɛbhɛ, ɛ sɛ ne ma yɔng wu hang i yɛɛ njwɛɛn.


ɛYohana gha kɛ ne nang ishɛɛda nikɔn na ne ɛ kɛ yaang ngo gbik, ne ibol ɛTaanggbey ɛ ta nang ishɛɛda ne itin de ne ɛYɛso ɛKiriti gha kɛ phaal ɛbhɛ nɛ wo.


Mee ɛYohana ɛgwaa mon ne ɛtaay mon ndɔ ne sɔ nggbang, ɛtaay mon ndɔ ne igbɔm ɛTaanggbey gbik ne ɛbɔk ne rop iku ne ɛYɛso gha kɛ yel-le njwɛɛn nɛ. Kaa bo me bhɛ hana me ne idɛ ikop inɛn de ne i bok iphɛ iBatamos daa ɛli ne nggɛ tɔng ibol ɛTaanggbey de n da nang ishɛɛda ɛYɛso de.


Ne sɛ ɛtsim nituk itwat ta da ne ngguk ge, ifɔng ne le daa ɛlɔ ɛTaanggbey ifɛ lel nibhɛ, nibhɛ ne yiisitsik. ɛNik ne wum ninyi na nɛ nibhɛ kɛ yaang ikpom nishɛɛda ifaa da, nibhɛ ne yaa kparat.


ɛMalɛka ɛniitaa yɛ ne wuuti ɛntuntuung ɛbhɛ wo, ne n phok idɛ ᐩizɔlɔs nziinzay ihywɛ le daa ne irywa ihywɛ bo, “iGbɔm ɛzay da gbik kɛ teye ivaa ɛDaray mos ne ivaa ɛKiriti ɛbhɛ, ɛbhɛ ne ɛ so ɛhaa ne re igbɔm ne ishay-ishay!”


Naa ne tom nishɛɛda nge ifaa ndɔ ne itsura ne ishwin. Ne nang nibhɛ ito ne tɔng ninyi na ibol ɛTaanggbey de nituk ɛnom ɛdaan ne ikpɔl ifaa ne nzuwubɔ ɛtaraa (1,260).”


Sɛ́ ne sɛ ninyi ifaa yɛnaa nggyɛ wo kɛ taal tɔng ibol ɛTaanggbey de, inyam igywebhe de ne ihywɛ wuusi ndɔ ne ibong kyukyum be ne tum irywen nɛ nibhɛ, ihywɛ ne re nibhɛ ne itsom be, ihywɛ phobho nibhɛ.


Nibhɛ kɛ re ɛwɛng nga ne ɛhaa ne banga ikun njwɛɛn na, lenɛ nɛ neyi ɛNgɔn ne ɛpharak ka, gbik ne ishɛɛda nɛ nibhɛ kɛ nang. Gbik ɛli ne kɛ tɔk te yaa phoo nibhɛ wo, nibhɛ ne jung nang iken nibhɛ, kɛ sim nibhɛ ku.


Ngkoy ne igboo da ne i baasek nibhɛ ne nggbang ngga ne ku i waase daa ne irywa ishay-ishay. Ninyi na nɛ nibhɛ kɛ re inyam be ne izazurum ne ihywɛ da ntsong ngga, nibhɛ ta say ɛlamba ne irywɛɛk ne ihywɛ gha, sɔng iphyonka ne so nibhɛ nɛ nang, ne igbey ne ɛtuk.”


Ne n yaang ɛdɛ ɛkɔn na ɛ so te ɛling ne kɛ ryɔng ne igyilas i kyɛrɛ ne igboo. Ne n da yaang ninyi na nibhɛ kɛ re ɛwɛng nga ne inyam igywebhe de ne izazurum ihywɛ de gbik ne ɛlamba ne irywɛɛk ne ihywɛ gha. Ninyi yɛnaa nggyɛ wo kɛ kyinasek ɛnu ɛling ne igyilas sa nibhɛ bok ᐩnzom ɛkyee ne ɛTaanggbey kɛ nang nibhɛ.


iNyam igywebhe de ne ˆɛ kɛ yaang ngo, ihywɛ kaa ku sonɛ itsen nɛ, sɔng ihywɛ ne sonɛ ɛlyilyɛghaa wo itsen nɛ nang. iHywɛ ne yungaa wuru ndɔ ne iBong kyukyum be ihywɛ phɛ ɛlɔ gha ne yaa bhɛ phoo ihywɛ nɛ. Ninyi ɛzay ya ne hame kɛ ku haa irɛɛk nibhɛ de ndɔ ne ɛWee ne iKen no ne ile ne ɛtum ɛzay yo sɛ́ ne wum en zii. Nibhɛ sɛ́ wum en zii nten de nɛ nibhɛ kɛ yaang inyam igywebhe de, daa ɛli ne ihywɛ kaa ku sonɛ itsen nɛ, sɔng ihywɛ ne sonɛ itsen nɛ ɛlyilyɛghaa wo nang, ihywɛ sɛ́ ne ta bhɛ kyii dɔng.”


Gbik ɛnyi gha ne ɛ kɛ ne re ɛwɛng daa ne itsom mɛdee wo, ɛ mɔn ɛkɔn na ne nzi sim phyii hɔn itaal lɛ nzɛ ne nang ɛbhɛ igbɔm daa ne igbagha ɛzay.


Ninaa ɛwɛng ngaa nggyɛy, nɛ ninaa ne kɛ tul kang, nɛ nibhɛ sɛ́ so ndɔ ne yilitsik ɛyisɛ da. Sɔng iku ne ifaa de sɛ bok ihwet daa nibhɛ nang. Nibhɛ sɛ yang tes en nibo ɛTaanggbey nɛ ninaa ɛKiriti, nibhɛ re igbɔm ne ɛbhɛ ishay ɛnom ɛdaan.


Sɔng ɛtuk sɛ ta sonɛ dɔng nang. Sɔng nibhɛ sɛ ne ta tɔk ɛpitila ne iroy ne ifɛ yaa tol nibhɛ nang daa ɛli ne ɛDaray ɛTaanggbey ya ɛbhɛ sɛ́ nang nibhɛ iwɛwɛy de. Nibhɛ sɛ́ ne re igbɔm ba ishay-ishay.


Gbik ɛnyi gha ne ɛ kɛ re ɛwɛng ndɔ ne itsom mɛdee wo, nzɛ ne nang ɛbhɛ ɛnkiinɛ ɛ soos ne mee ɛcuruu ne igbɔm nge gha te ɛli ne nggɛ ma re ɛwɛng nga nggɛ soos ne ɛKyɛɛ nge gha ɛcuruu ne igbɔm ɛbhɛ gha.


Nidɛng nicuruu ne igbɔm ma nzuwubɔ ifaa nɛ nibhɛ nwaas ne so ɛnggyɛ wo nibhɛ kɛ te ɛcuruu ne igbɔm mɛghaa nggyɛ wo gyɔɔ. Ninu ne ikɔɔn nzuwubɔ ifaa nɛ nibhɛ nwaas kaa ne sooset daa nicuruu ne igbɔm ma, nibhɛ bok itsura ihwala, nɛ nikɔn ne ito ne igbɔm ne izinariya.


Ne sɛ ɛNgɔn ne Pharak ka kɛ bala icwɛɛm ne iwii yɛ, ne n yaang ikpen ninyi da ne kaa phobho nibhɛ daa ɛli nɛ nibhɛ kɛ tɔng ibol ɛTaanggbey de, nibhɛ ta nang ishɛɛda yɛwo, so ndɔ ɛta ɛraa ne hap itsanga.


Ɛ bo, “Sɔng ɛ ku shii bees ɛn ivel ba nɛ niling nga, nɛ nihon na nang, shɛɛ ɛn yak te njwi kyi yaak nikpuru ɛTaanggbey njwɛɛn na ne ɛlamba ne icwiri nibhɛ nyɛɛn.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ