Nikɔn ne kɛ Phaal 20:2 - ɛWee ne ìTsɛm iHywas

² Ne ɛ ji wum izɔ igywebhe de, izɔ igywebhe ne ile yɛdee nggyɛ wo ne ihywɛ ihywɛ so ɛShɛtan na ɛ rop ɛbhɛ ishay ɛnom ɛdaan (1,000)

Nikɔn ne kɛ Phaal 20:2 ပူးပေါင်းရင်းမြစ်များ

ɛMacu 19:29

Gbik ɛnyi gha ne ɛ kɛ ne tek idee, nɛ nigwaa niras sɛ nɛ nikuk kɛ, ne ɛkyɛɛ ne ɛgyinɛ, nɛ ninɔn, ne ihap ɛlɔ me wo, ɛ sɛ ne bhɛ say nikɔn nɛnaa wo i kyii tiil ɛbhɛ nɛ ikɔl idaan, ne ji ta nang ɛbhɛ iken ne inat.

ɛMacu 8:29

Nibhɛ ne shii ta ikun, nibhɛ yɔngɔ, “iKyee ne ɛɛ tɔk njwii nɛ ɛNgɔn ɛTaanggbey? Ɛ kɛ yɛɛs ɛbɛ wo, ɛ yɛɛs ne bak njwi nggbang ngga nten nɛ tɔ naa?”

ɛMarakus 4:15

iZee ne ihywɛ kɛ ne ho ne nkiinɛ wo ne so tɛ ninyi nɛ nibhɛ kɛ phok ibol ɛTaanggbey de, ɛShɛtan ne shii yɛɛs ɛ phɔt iphɛ ɛlɔ nibhɛ gha.

ɛMarakus 5:7

Ne ɛ ji boote ne ɛgbaang ne izɔlɔs ɛ yɔngɔ, “ɛYɛso ne ɛ so ɛNgɔn ɛHaa ne Ndiinday gbik. iKyee iphɛ kɛ byinki yɛ ne me woo? Nzi ne roro ne igyɛ ndɔ ne irywɛɛk ɛTaanggbey, sɔng ɛ bak me nggbang nang!”

ɛYohana 12:31

ɛLyilyɛghaa wo ne yaa bol ɛzay ya ɛshara gha; ɛlyilyɛghaa ne yaa ji roos ɛgɔm ɛzay yɛghaa wo ne igbom ɛbhɛ da.

ɛYohana 16:11

Nibhɛ kɛ ne ta ben daa ne ibol hyɛ ɛshara gha daa ɛli ne kɛ ku hyɛ ɛgɔm ɛzay yɛghaa wo ɛshara.

iRooma 16:20

ɛTaanggbey ne nang irway ne laal da yaa yungaa phɔsɔm ɛShɛtan negha ɛ tek ɛbhɛ ndɔ ɛta mon. Te izɛɛng ɛDaray njwɛɛn ɛYɛso ɛKiriti shɛɛ ne nyinɛn.

iBirani 2:14

ɛLi nɛ ninɔn na so inwam ba nɛ neyi na, ɛYɛso gha kɛ ne ma teye ɛten ɛsii tɛ nibhɛ. Ɛ kɛ mɔn ɛlɛ wo te ne lenɛ ne iku ɛbhɛ de ɛ bunga ɛnyi ne ɛ bok igbɔm ne iku da, kaabi ɛShɛtan na.

1 ɛBiturus 5:8

Wum ɛn itso mon ɛ shɛɛ ɛn ɛkanang. ɛHaa ne iphup mon na, ne ɛ so ɛShɛtan na i kaan, ɛɛ bunga ikun te ɛkuramanza, ɛɛ tɔk ɛnyi ne aa kpɛɛ, ɛ re.

2 ɛBiturus 2:4

Sɔng ɛTaanggbey ya kaa san iyɔm nimalɛka de nɛ nibhɛ kaa mɔn ɛfɔt to nang, ɛ kaa yang yɛk ngɛ i robhos nibhɛ i cwaasek nibhɛ ndɔ ne ijwee ne igboo, ndɔ ne ivong igbyik ɛlɔ gha ne kɛ tek nibhɛ nɛ nibhɛ hyep ɛtuk ɛshara gha.

ɛYahuza 1:6

Ne ˆɛ taate ɛn nɛ nimalɛka na nɛ ninaa nibhɛ kaa tek ɛlɔ ne igbɔm nibhɛ na, nibhɛ ta tek ijwee ne itin nibhɛ wo nibhɛ shompeey yo. Nimalɛka yɛnaa wo, ɛDaray ya kɛ ne bhɛ robhos nibhɛ ndɔ ne nyang ɛlɔ gbyik nibhɛ hyep ɛgbaang ɛtuk ne hyɛ ɛshara gha.

Nikɔn ne kɛ Phaal 12:13

Ne sɛ ɛgbaang ne izɔ igywebhe wo kɛ seng wu kɛ top ɛbhɛ ndɔ ɛzay ya, ne ɛ yaa tel ɛ roos ɛkuk ka ne ɛ kɛ yɛk ɛngɔn ɛras sa.

Nikɔn ne kɛ Phaal 12:15

ɛGbaang ne izɔ wo ne phaal ɛnu, ɛyuus inɛn ne wuru nɛ te ihywel wu te mpɛ bhɛ kpuru ɛkuk ka.

Nikɔn ne kɛ Phaal 12:17

ɛGbaang ne izɔ wo ne te njenjek ne ɛkuk ka, ne ɛ ji phɛ ɛ yaa bhɛ ta itsom ne ɛbyin ne ihywee ɛkuk ge, nɛ ninaa nɛ nibhɛ roos ikpii ɛTaanggbey da nɛ ninaa nɛ nibhɛ kɛ kyinak gɛy ndɔ ne ishɛɛda de nɛ nibhɛ kɛ nang ne ibol ɛYɛso de.

Nikɔn ne kɛ Phaal 12:3

Ne ta yaang ɛdɛ ɛkɔn ne kparat ta daa ne irywa wo; ɛgbaang ne izɔ igywebhe isheng ngɛ. iHywɛ bok itso ɛniitaa, ne igbumɛ ɛnduwubɔ gbik nɛ nikɔn ne ito ne igbɔm ɛniitaa ne itso da.

Nikɔn ne kɛ Phaal 12:4

iHywɛ ne bo ihwel ihywɛ yese ne ihop idaan ndɔ ne iphɛ itwat niyuyɔrɔ de ihywɛ sit ne ivel. ɛGbaang ne izɔ igywebhe de ne ji kyinak ɛnu ɛyisɛ ɛkuk ka ne aa yɛk ko te yaa sɛ ɛngɔn na wuusi ihywɛ wum ɛbhɛ ihywɛ reke.

Nikɔn ne kɛ Phaal 12:9

Ne top ɛgbaang ne izɔ igywebhe de ndɔ ne ivel. iZɔ ne ile yɛdee nggyɛ wo ne i yeres ihywɛ ɛPhoo gha, ne ɛShɛtan na. Ɛbhɛ ɛɛ luk ninyi ɛzay ya gbik. Kaa top ɛbhɛ nɛ nimalɛka ɛbhɛ na ndɔ ɛzay ya.

Nikɔn ne kɛ Phaal 13:2

iNyam igywebhe de ne nggɛ yaang ngo so te ɛtsɔy. ɛNu yɛ ne so te ɛhaa ɛkuramanza, ita yɛ ne ngkpɛt tɛ ne so te mbaa ne idɛ inyam be ne i bok ihywɛ ɛbiya. ɛGbaang ne izɔ wo ne ji nang ihywɛ ihwet ɛbhɛ ne ɛcuruu ne igbɔm ɛbhɛ gha ne igbɔm ɛbhɛ gbom.

Nikɔn ne kɛ Phaal 13:4

Ninyi na ne re ɛgbaang ne izɔ igywebhe de ntsong daa ɛli ne ɛ kɛ nang inyam be ihwet ɛbhɛ da. Nibhɛ ne ma ta re inyam be ntsong nibhɛ bo, “ɛHay ɛbhɛ ji ta so te inyam bee? ɛHay ɛbhɛ yaa yɛɛ ne ta itsom ne ihywɛ?”

Nikɔn ne kɛ Phaal 20:10

Ne wum ɛShɛtan negha ne ɛ kɛ luk nibhɛ wo i cwaak ɛbhɛ ndɔ ne ɛling ne igboo ne isɔlifa wo ɛlɔ gha ne kɛ ku cwaak inyam igywebhe de gbik ne ɛnɛbi ne irywɛɛk ka nɛwo. Sɛ́ ne baasek nibhɛ nggbang ne igbey ne ɛtuk, ishay-ishay.

Nikɔn ne kɛ Phaal 20:7

ɛTsim mɛ ne ishay ɛnom ɛdaan de kɛ phee, ne biri ɛShɛtan negha ndɔ ne nyang ngge.

Nikɔn ne kɛ Phaal 9:11

iHywɛ kaa bok ɛgɔm ne ɛ re igbɔm daa ne ihywɛ, ɛbhɛ kaa ne soye ɛmalɛka ne ibong kyukyum be. Kaa ne i yeres ɛbhɛ “ɛBadɔn” ne ilem ne iHyiburu, ne yeres ɛbhɛ “ɛPɔliyɔn” ne ilem iGirik, kaabi ɛHaa ne Bees.