Nikɔn ne kɛ Phaal 20:13 - ɛWee ne ìTsɛm iHywas

¹³ ɛLing nga tul ikpom ba ne ifɛ so ndɔ ɛbhɛ wo. iKu de gbik ne ɛlɔ ne ikpom ma ne ma tul ikpom ba ne ifɛ so ndɔ nibhɛ wo. Ne ji bol ɛrɔngɔ ɛshara gha kancɛng ne ɛkɔn na ne ɛ kɛ mɔn.

Nikɔn ne kɛ Phaal 20:13 ပူးပေါင်းရင်းမြစ်များ

Nikɔn ne kɛ Phaal 6:8

Ne nyɛɛn, ne n yaang inantse ne ihywɛ kɛ haatel te ɛtura ne igbey kɛ tang inɛn ne. I bok ɛsaa yɛ iKu, ɛLɔ ne iKpom ne i kungus ɛbhɛ ɛtsim. Ne nang nisaa yɛnaa nggyɛ wo ito tɛ nibhɛ bo ihywa, ne iyɔm, ne ishwa igywebhe, gbik ne ᐩinyam ɛhay nibhɛ phobho ne ihop idaan ndɔ ne ihop nwaas ɛzay de.

Nikɔn ne kɛ Phaal 20:14

Ne ji cwaak iku de gbik ne ɛlɔ ne ikpom ma ndɔ ɛling ne igboo wo. ɛLing ne igboo gha bhɛ ne soye iku ne ifaa de.

Nikɔn ne kɛ Phaal 20:12

Ne n ji yaang ninaa nɛ nibhɛ kɛ kus so, nitaasek kɛ nɛ nindiinday yɛ, ne ji phaasel iwee da gbik. Ne ji phaal ɛdɛ ɛwee wo ne ɛbhɛ ɛbhɛ so ɛWee ne iKen. Ne bol ninaa nɛ nibhɛ kɛ kus so ɛshara kancɛng ne ɛkɔn na ne kɛ haa ndɔ ne iwee da.

Nikɔn ne kɛ Phaal 1:18

Mee nzo ɛhaa iken na! Nggaa ku, ne ɛ yaang nzo ɛken ne ishay-ishay. N bok igbɔm daa ne iku gbik ne ɛlɔ ne ikpom.

ɛMacu 11:23

iGyɛ wo lɛɛ? iKafanahum, ɛ ji wɛɛ te sɛ tɔɔk kɛ daa ne irywa naa? Kwa! Sɛ yang cwaak kɛ ndɔ ɛtata ɛlɔ ne ikpom ma. Sɛɛ yɔng kɛ mɔn ihywee nikɔn ne kparat de ne kɛ mɔn ndɔ ne igyɛ ɛgarang ne iSɔdɔm, ninaa ne iSɔdɔm na saa ne shɛɛ nɛ ɛbhɛ hɔn izenge.

ɛMacu 16:27

ɛNgɔn ɛnyi gha sɛ ne yɛɛs ndɔ ne ito-ndiinday ɛKyɛɛ ɛbhɛ nɛ nimalɛka, ɛ mɔn ɛrɔngɔ iyɛnɛng daa ɛkɔn na ne ɛ kɛ mɔn.

1 iKɔrɔntos 15:26

ɛHaa ne iphup ɛtsim ma ne sɛ ji taal roos so ne so iku.

Nikɔn ne kɛ Phaal 2:23

Naa phobho ninyi na nɛ nibhɛ roos imɛmɛ ɛJɛjɛbhɛl da, gbik ijwira ninaa ne roos sa yaa seng wu mee nzi wɛɛ ɛduk ne irway ya ɛnyi gha gbik ne icwas ɛbhɛ da. Nzɛ ne tal ɛrɔngɔ nɛ ndɔ mon kancɛng ne ɛkɔn na ne ɛ kɛ mɔn.

Nikɔn ne kɛ Phaal 21:4

Ɛ sɛ́ yes niyilis ne irwisɛ nibhɛ da gbik. Sɔng iku, ne irway ishwii, ne ishwin, ne nggbang sɛ́ tɔnɛ nang. Daa ɛli nɛ nikɔn ne ile na kɛ phee gbik.”