Nikɔn ne kɛ Phaal 20:12 - ɛWee ne ìTsɛm iHywas

¹² Ne n ji yaang ninaa nɛ nibhɛ kɛ kus so, nitaasek kɛ nɛ nindiinday yɛ, ne ji phaasel iwee da gbik. Ne ji phaal ɛdɛ ɛwee wo ne ɛbhɛ ɛbhɛ so ɛWee ne iKen. Ne bol ninaa nɛ nibhɛ kɛ kus so ɛshara kancɛng ne ɛkɔn na ne kɛ haa ndɔ ne iwee da.

Nikɔn ne kɛ Phaal 20:12 ပူးပေါင်းရင်းမြစ်များ

ɛMacu 11:22

Nzi ne tɔng nyini, ɛTaanggbey ya sɛ ne bo ɛbɔk nɛ ninyi ne iTaya gbik ninaa ne iSidɔn ɛtuk ɛshara gha ɛ phyin nyini.

ɛMacu 16:27

ɛNgɔn ɛnyi gha sɛ ne yɛɛs ndɔ ne ito-ndiinday ɛKyɛɛ ɛbhɛ nɛ nimalɛka, ɛ mɔn ɛrɔngɔ iyɛnɛng daa ɛkɔn na ne ɛ kɛ mɔn.

ɛLuka 10:20

Gbik ne phɛ ɛlɛy, sɔng irway ihwala mon ba ne teye ivaa nɛ niphoo na kɛ roos nyini nɛ nang; te ifɛ teye ivaa ne kɛ haa irɛɛk mon daa ne irywa.

ɛTomɛ 24:15

Ne n bok iyɛk ne irway ijwaan nɛ ne ɛTaanggbey ɛli nɛ ninyi yɛnaa wo ma bok ko, nɛ nibhɛ bo wu sɛ yiisik tsik ninyi ne icik gbik nɛ ninaa nɛ nibhɛ sang so cik ne ikpuu.

iRooma 2:6

ɛTaanggbey ya sɛ mɔn ɛrɔngɔ iyɛnɛng cɛcɛɛy ne ɛkɔn na ne ɛ kɛ mɔn.

1 iKɔrɔntos 4:5

iPhɛ ɛlɛy sɔng ne ɛ hyɛ ɛn ɛshara gha nten nɛ tɔ wo nang, hyep ɛn te ɛDaray ya kyi bhɛ kyii nyɛɛn. Ɛbhɛ sɛ phaal nikɔn na nɛ ninyi na kɛ rɛɛ ndɔ gbyik ka, ɛ ta te i seng icwas ne irway ninyi na. Nten nɛdee nggyɛ wo ɛrɔngɔ sɛ ne ji say idɛp ɛTaanggbey da cɛcɛɛy ne ɛtomɛ ɛbhɛ.

2 iKɔrɔntos 5:10

Daa ɛli ne iphɛ so nggbinggbing njwɛɛn sɛ bhɛ kyinak ɛnu ɛyisɛ ɛKiriti gha te bol njwɛɛn ɛshara. ɛRɔngɔ sɛ ne bhɛ say ɛkɔn na ne ɛ so kancɛng ne ɛtomɛ gha ne ɛ kɛ mɔn ɛli ne ɛ kɛ so ndɔ ibek kɛdee wo. Hang ɛyɛnɛng ngɛ yɔɔ, hang ɛkpɛɛ yɛ yɔɔ.

iFilibi 4:3

iGyɛ ne ɛtaay ɛtomɛ nge gha, nzi roro ne igyɛ, phyik nikuk kɛnaa wo daa ɛli ne nɛ nibhɛ kɛ tak iyɔm ɛtomɛ ne mee ndɔ sanga ibol iyɛnɛng ngge. ɛLɛy ne ɛKɛlɛmɛn ne ɛbyin nitaay ɛtomɛ nge gha ninaa ne irɛɛk nibhɛ so ndɔ ne ɛWee ne iKen no.

Nikɔn ne kɛ Phaal 11:18

Ninaa ne doo ɛTaanggbey yegha kaa tes njenjek, nten ne njenjek mo de kɛ ne tuu. Nten ne bol ninaa ne ikpuu na ɛshara gha. Nten ne mɔn ninyi iyɛnɛng nikpuru mo ninabawa, ninyi mo ninaa ne tel ɛnik mo, nihala ne igbaang ngɛ gbik. Nten nɛ kɛ tuu ne yaa bunga ninyi na nɛ nibhɛ kaa ma bunga ɛzay ya.”

Nikɔn ne kɛ Phaal 13:8

Gbik ninyi ɛzay ya sɛ́ ne re inyam be ntsong kang nɛ ninaa ne kaa ku haa irɛɛk nibhɛ de ndɔ ne ɛWee ne iKen no. ɛWee ne iKen no soye ɛwoo ɛNgɔn ne ɛpharak ko ne kaa phoo ɛbhɛ wo. Kaa ne ku haa irɛɛk nibhɛ de nten de ne kaa tang ryɔng ɛzay ya.

Nikɔn ne kɛ Phaal 17:8

iNyam igywebhe de ne ˆɛ kɛ yaang ngo, ihywɛ kaa ku sonɛ itsen nɛ, sɔng ihywɛ ne sonɛ ɛlyilyɛghaa wo itsen nɛ nang. iHywɛ ne yungaa wuru ndɔ ne iBong kyukyum be ihywɛ phɛ ɛlɔ gha ne yaa bhɛ phoo ihywɛ nɛ. Ninyi ɛzay ya ne hame kɛ ku haa irɛɛk nibhɛ de ndɔ ne ɛWee ne iKen no ne ile ne ɛtum ɛzay yo sɛ́ ne wum en zii. Nibhɛ sɛ́ wum en zii nten de nɛ nibhɛ kɛ yaang inyam igywebhe de, daa ɛli ne ihywɛ kaa ku sonɛ itsen nɛ, sɔng ihywɛ ne sonɛ itsen nɛ ɛlyilyɛghaa wo nang, ihywɛ sɛ́ ne ta bhɛ kyii dɔng.”

Nikɔn ne kɛ Phaal 19:5

iDɛ izɔlɔs de ne le ɛlɔ ɛcuruu ne igbɔm ma ihywɛ yɔngɔ, “Dɛp ɛn ɛTaanggbey njwɛɛn na, nyinɛn nikpuru ɛbhɛ na. Nyinɛn no ne ɛ phok ɛn ɛnik ɛbhɛ wo, nindiinday nɛ ninɔn.”

Nikɔn ne kɛ Phaal 2:23

Naa phobho ninyi na nɛ nibhɛ roos imɛmɛ ɛJɛjɛbhɛl da, gbik ijwira ninaa ne roos sa yaa seng wu mee nzi wɛɛ ɛduk ne irway ya ɛnyi gha gbik ne icwas ɛbhɛ da. Nzɛ ne tal ɛrɔngɔ nɛ ndɔ mon kancɛng ne ɛkɔn na ne ɛ kɛ mɔn.

Nikɔn ne kɛ Phaal 20:11

ɛTsim mɛ ɛlɛy, ne n yaang ɛgbaang ɛcuruu ne igbɔm ɛhala yɛ gbik ne ɛnyi yɛ ne ɛ kɛ soos nɛ. ɛZay ya ne irywa wo ne tel ɛnu ɛyisɛ ɛbhɛ sɔng ne tang yaang nibhɛ nang.

Nikɔn ne kɛ Phaal 20:13

ɛLing nga tul ikpom ba ne ifɛ so ndɔ ɛbhɛ wo. iKu de gbik ne ɛlɔ ne ikpom ma ne ma tul ikpom ba ne ifɛ so ndɔ nibhɛ wo. Ne ji bol ɛrɔngɔ ɛshara gha kancɛng ne ɛkɔn na ne ɛ kɛ mɔn.

Nikɔn ne kɛ Phaal 20:15

Gbik ɛnyi gha ne kɛ sang sɛ irywɛɛk ɛbhɛ ndɔ ne ɛWee ne iKen no, ne cwaak ɛbhɛ ndɔ ne ɛling ne igboo gha.

Nikɔn ne kɛ Phaal 21:27

Sɔng ɛkɔn ne ishis, ne ɛnyi ne mɔn nikɔn ne ishis gbik ne ɛhaa ne irywɛɛk sɛ́ ne lel ɛgarang ngɛ nang. Ninyi na ne irɛɛk nibhɛ so ndɔ ne ɛWee ne iKen ɛNgɔn ne ɛpharak ka zɔng, nibhɛ bhɛ sɛ lel ndɔ ɛgarang nga.

Nikɔn ne kɛ Phaal 22:12

“Phok ɛn, n yek cɛcɛk ne yɛɛs! Nzɛ ne boos nikɔn na ne naa tal ɛrɔngɔ nɛ, nzɛ ne tal ɛrɔngɔ ɛkɔn na ne ɛ kɛ mɔn.

Nikɔn ne kɛ Phaal 3:5

Gbik ɛnyi gha ne ɛ kɛ re ɛwɛng ne itsom mɛghaa wo, sɛ́ ne ma sɔɔl ɛbhɛ ɛtura ɛhala wo tɛ ninyi yɛnaa nggyɛ wo. Sɔng naa ne tul irywɛɛk ɛbhɛ ndɔ ɛwee ne iken no nang. Nzɛ ne kyinak ɛnu ɛyisɛ ɛKyɛɛ nge gha, gbik nɛ nimalɛka n yaak n yɔng wu ɛ soye ɛhaa nge.