Nikɔn ne kɛ Phaal 2:7 - ɛWee ne ìTsɛm iHywas

⁷ ‘Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ninaa ne roos de. Gbik ɛnyi gha ne ɛ kɛ ne re ɛwɛng daa ne itsom mɛdee wo, nzɛ ne nang ɛbhɛ ɛnkiinɛ ne ɛ re ikpam ɛHon ne Nang iKen de ne ɛ so ndɔ ne ihwap ɛTaanggbey da.’ ”

Nikɔn ne kɛ Phaal 2:7 ပူးပေါင်းရင်းမြစ်များ

ɛMacu 11:15

ɛNyi gha ne ɛ bok itoro ne phok, te ne ɛ phok.

ɛMacu 13:43

Ninyi ne icik ka sɛ ne jii tol te iroy ndɔ ne igbɔm ɛKyɛɛ nibhɛ da. ɛNyi gha ne ɛ bok itoro ne tenes te ne ɛ phok.

ɛMacu 13:9

Ɛnyi gha ne ɛ bok itoro ne tenes, te ne ɛ phok.”

ɛMarakus 4:9

Ne sɛ ɛYɛso gha kɛ taal ivol ɛbhɛ da ne ɛ ji yɔngɔ, “ɛNyi gha ne ɛ bok itoro ne tenes, te ne ɛ phok ibol lɛdee wo.”

ɛMarakus 7:15

Sɔng ɛkɔn na ne ɛnyi gha kɛ re wo ɛbhɛ te ɛbhɛ ɛ te kpɛɛ wo nang. Yang so izɔlɔs ne irway ɛnyi ba ifɛ tɔɔsel ibebhe ɛbhɛ de.

ɛMarakus 7:16

iPhɛ ɛlɛy yang ɛhaa ne ɛ bok itoro ne tenes te ne ɛ phok.”

ɛLuka 23:43

ɛYɛso gha ne kyii ɛbhɛ nɛ, ɛ yaak ɛbhɛ, “Nzi tɔng ngɛ itin nɛ, izenge wo aa bhɛ soos ɛlɔ nge daa ne ijwee ne irway ihwala wo.”

ɛLuka 8:8

iZɛ́ng ne ji ho ndɔ ne ivel nyɛnɛng, ihywɛ ne wuru ihywɛ raras. iHywɛ yɛk ibɔrɔk gbogbom ihywɛ hɔn te ihywee de ne kaa sanga wo ikɔl lɛ idaan.” ɛYɛso gha ne ji taal ibol de, ɛ yɔngɔ, “ɛNyi gha ne ɛ bok itoro ne tenes! Te ne ɛ phok.”

ɛYohana 16:33

“Nggɛ tɔng nyini nikɔn nɛnaa wo te ɛ bok ɛn irway ne laal ndɔ me wo. Aa sɔ ɛn nggbang ndɔ ɛzay ya. Nzi ne bok, te ɛn irway nviit daa ɛli ne nggɛ ku phoo ɛzay ya nɛ.”

1 iKɔrɔntos 2:10

Ne so njwit ne ɛTaanggbey kɛ ne tɔɔrek nikɔn nɛnaa wo lenɛ ne iKabyik ɛbhɛ. iKabyik ge phɛ phɛl nikɔn na gbik, iphɛ phyii bhɛ phɛl nikɔn ɛTaanggbey ya nɛ nibhɛ so kyukyum.

2 iKɔrɔntos 12:4

Kaa ne bo ɛbhɛ i phɛ nɛ daa ne ɛnyu ne irywa wo ɛbhɛ tenes ivol da ne hame ɛnyi sɛɛ yɛɛ ne tɔng ngɛ, ivol da ne kɛ ring ɛten ɛsii ne tɔng ngɛ.

1 ɛYohana 2:13

Nyinɛn nikyɛɛ, nzi haa nyini nɛ, daa ɛli ne ˆɛ yɛɛ ɛn ɛhaa ne ɛ ku sonɛ ne ile ne tum mɛ. Nyinɛn ninɔn niphas, nzi haa nyini nɛ, daa ɛli ne ˆɛ kɛ re ɛn ɛwɛng daa ɛbebhe yɛghaa wo. Nyinɛn ninɔn nge ne nzi sim, nzi haa nyini nɛ daa ɛli ne ˆɛ yɛɛ ɛn ɛTaa ye.

Nikɔn ne kɛ Phaal 13:9

Gbik ɛnyi gha ne ɛ bok itoro, te ne ɛ tenes!

Nikɔn ne kɛ Phaal 14:13

Ne n phok idɛ izɔlɔs de le daa ne irywa ihywɛ bo, “Haal ɛbɛ, yaa tsa ɛlyilyɛghaa wo, ɛhaa ɛwɛng ngaa nggyɛ ne aa ku ɛ bok ìnang ne itin de ndɔ ɛDaray ya.” iKabyik ge ne i bo, “ɛTsak! Nibhɛ sɛ́ phɔng ndɔ ne nggbang nibhɛ da daa ɛli ne ɛtomɛ nibhɛ gha sɛ́ roos nibhɛ.”

Nikɔn ne kɛ Phaal 15:2

Ne n yaang ɛdɛ ɛkɔn na ɛ so te ɛling ne kɛ ryɔng ne igyilas i kyɛrɛ ne igboo. Ne n da yaang ninyi na nibhɛ kɛ re ɛwɛng nga ne inyam igywebhe de ne izazurum ihywɛ de gbik ne ɛlamba ne irywɛɛk ne ihywɛ gha. Ninyi yɛnaa nggyɛ wo kɛ kyinasek ɛnu ɛling ne igyilas sa nibhɛ bok ᐩnzom ɛkyee ne ɛTaanggbey kɛ nang nibhɛ.

Nikɔn ne kɛ Phaal 2:11

Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ninaa ne roos de. Gbik ɛnyi gha ne ɛ kɛ ne re ɛwɛng daa ne itsom mɛdee wo, sɔng iku ne ifaa de sɛ ne dat nibhɛ nang.

Nikɔn ne kɛ Phaal 2:17

Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ninaa ne roos de. Gbik ɛnyi gha ne ɛ kɛ ne re ɛwɛng daa ne itsom mɛdee wo, naa ne nang ɛbhɛ idɛng ndɔ ne imana de ne kɛ rɛɛ wo. Naa ne ta nang ɛbhɛ ikɛɛ ihala ne kɛ haa ne irywɛɛk ifas ne hame ɛnyi iyɛɛ kang ne ɛnyi gha ne ɛ kɛ say iphɛ wo.

Nikɔn ne kɛ Phaal 21:7

Gbik ɛnyi gha ne ɛ kɛ re ɛwɛng, aa ne re isha nikɔn nɛnaa wo ɛlɔ nge, naa ne te me ɛTaanggbey ɛbhɛ, ne ɛ ma teye ɛngɔn nge.

Nikɔn ne kɛ Phaal 22:14

“Ninaa ɛwɛng ngaa nggyɛy nɛ nibhɛ kɛ kuus itsura nibhɛ, sɛ ne nang nibhɛ ɛnkiinɛ ne re iKpam ɛHon ne iKen da, nibhɛ ta roos ninu ne iduk nibhɛ lel ndɔ ɛgarang nga.

Nikɔn ne kɛ Phaal 22:17

iKabyik ge gbik ne ɛYɛl lo i bo, “Yɛɛs.” Gbik ɛnyi gha ne ɛ kɛ phok ibol lɛdee wo, te ne ɛ ma yɔngɔ; “Yɛɛs.” Gbik ɛnyi gha ne irway ɛbhɛ i has te ne ɛ yɛɛs. Gbik ɛnyi gha ne ɛ sim tɛ ne ɛ yɛɛs ɛ say inɛn ne iken da buu.

Nikɔn ne kɛ Phaal 22:2

iNɛn ne ihywel da i tel ɛceree ne ɛnkiinɛ ɛgbaang ɛgarang ngo. ɛHon ne nang iken ne so ne ihoo iwap ne ihywel lo. ɛHon ne Nang iKen na i yɛk ikpam ɛte ɛnduwubɔ ne ifɛ ifaa ne ishay. Ɛ yɛk ikpam ba ɛdaan ifɛl. iBee ɛhon de ne so te iphɛ tes igbagha ɛzay yo gbik niken.