Nikɔn ne kɛ Phaal 2:3 - ɛWee ne ìTsɛm iHywas

³ Nzi yɛɛ ɛ bok ɛbɔk, ɛ kɛ ne sɔ nggbang gagak ɛlɔ ne irywɛɛk nge wo, sɔng ɛ kɛ ne te kpos nang.

Nikɔn ne kɛ Phaal 2:3 ပူးပေါင်းရင်းမြစ်များ

ɛMarakus 15:21

ɛ ne sɛ nibhɛ so ndɔ ne ihywel ba nang nibhɛ ne sɛme ne ɛdɛ ɛnyi gha ne i bok ɛbhɛ ɛSimɔn. ɛNyi yeghaa nggyɛ wo so ɛnyi ne iSɛrene. Ɛ kaa bok ninɔn ne i bok ɛdɛng ɛLɛzɛnda, ne yaak ɛdɛng ɛRufus. Nisooja na ne yɛk ɛbhɛ nɛ nggbinggbing ɛ say ɛYɛso yegha itson ne gangat ɛbhɛ wo.

ɛLuka 14:27

ɛHiha ɛnyi gha ne hame ɛ kɛ bo itson ne gangat ɛbhɛ de ɛ roos me nɛ wo, sɔng aa ne yɛɛ ne teye ɛngɔn ne icwam nge gha nang.”

ɛLuka 18:1

ɛYɛso gha kaa ta tɔng ninɔn ne icwam ɛbhɛ na idɛ ibol ne igɔrɔp be ne iphɛ yaa mɛmɛ nibhɛ nɛ ɛli nibhɛ yaa ku i bol ne ɛTaanggbey tang nibhɛ te kpos.

ɛLuka 21:19

Kyinak ɛn nting, ɛ sɛ ne phɔt ɛn ito mon.

ɛLuka 5:5

ɛSimɔn na ne kyii nɛ ɛ yɔngɔ, “ɛKyɛɛ njwi kɛ ra ɛbɛ wo, njwii kyangase ne lok izing ngge, sɔng njwi kɛ ne sɛ ɛkɔn nang. Wu igyɛ ɛ bo ɛlɛy, naa ne cwaak ne ikpara ba.”

ɛLuka 8:15

iHywee de ne ihywɛ kɛ ne ho ne ivel nyɛnɛng ngga ne ji so tɛ ninyi nɛ nibhɛ kɛ phok ibol de, nibhɛ say iphɛ, nibhɛ boos iphɛ yɛnɛng ne irway ilyaak, nibhɛ kyinak ngɛ nting, nibhɛ phyii yɛk ibɔrɔk.”

ɛYohana 15:21

Nibhɛ yaa mɔn nyini ɛlɛ wo daa ɛli ne ɛ so ɛn ninyi nge; sɔng nibhɛ ne yɛɛ ɛHaa ne ɛ kɛ tom me wo nang.

iRooma 12:12

Yɛk ɛn irway ihwala ndɔ ne iyɛk ne irway mon da, bo ɛn ɛbɔk ndɔ ne nggbang ngga, te ne ɛ bol ɛn ne ɛTaanggbey ya cɛcɛɛy.

iRooma 16:12

Kyili ɛn mɛɛn, ɛTirifɛna ye gbik ne ɛTirifɔsa, nikuk kɛnaa nggyɛ wo kɛ mɔn ɛtomɛ ɛDaray ya gbom. Nɛ ta kyili ɛn mɛɛn ɛPɛrisis se ɛdɛ ɛkuk ka ne nggɛ sim ɛbhɛ, ɛ kɛ mɔn ɛtomɛ ɛDaray ya gbom.

iRooma 2:7

Nidɛng ne sonɛ nɛ nibhɛ kɛ see ito nibhɛ mɔn iyɛnɛng cɛcɛɛy, nibhɛ tɔk ndiinday ne igbom gbik ne iken ne iphɛ sang taal le. Nibhɛ ne ɛTaanggbey ya sɛ ne nang nibhɛ iken ne inat.

iRooma 8:25

Wu njwɛɛn kɛ yɛk ne irway da daa ɛkɔn na ne sang yaang ɛbhɛ, njwɛɛn ne i bo ɛbɔk i hyep ɛbhɛ.

1 iKɔrɔntos 13:7

iShwim ba i yɛɛs ne ɛbɔk ndɔ nikɔn na gbik, ifɛ ne yɛɛs ne ìnang ne itin ndɔ nikɔn na gbik, ifɛ ne yɛɛs ne iyɛk ne irway ndɔ nikɔn na gbik, ifɛ ne yɛɛs ne rop iku ndɔ nikɔn na gbik.

1 iKɔrɔntos 16:16

roos ɛn ibol ninyi yɛdee nggyɛ wo gbik nɛ ninaa ɛtomɛ mos sa.

2 iKɔrɔntos 10:15

Sɔng njwi kɛ phee igbak nten de njwii hal ɛgyɛy ya daa ɛtomɛ gha nɛ nihak ninyi na kɛ mɔn no nang. Njwi kɛ yɛk ne irway te ìnang ne itin mon da sɛɛ hɔn, te njwi hante ne mɔn nitomɛ na gbom ndɔ mon no kancɛng ɛli ne ɛTaanggbey ya kɛ nang njwii wo.

2 iKɔrɔntos 11:23

Wu nibhɛ so ninaa ne mɔn ɛtomɛ ɛKiriti, ne n phyin nibhɛ. Nzi bol te ɛhaa nisan! N phyin nibhɛ ne mɔn ɛtomɛ ɛKiriti gha, nggɛ sɔ nggbang gbom, kɛ robhos me ndɔ ne ijwee ne nyang, kɛ hal me gagak tang ɛgak, nggɛ wɛɛ iku gbom.

2 iKɔrɔntos 4:1

iPhɛ ɛlɛy, daa ɛli ne njwii mɔn ɛtomɛ yɛghaa wo lenɛ ne isan iyɔm ɛTaanggbey, sɔng njwi aa ne tul irway nang.

2 iKɔrɔntos 4:16

iPhɛ ɛlɛy, sɔng njwi kɛ ne tul irway nang. Gbik ɛli ne ibek mos sɛ de wo i bees se wo, ikabyik mos de ne tes se iphas sɛ izenge ne ihwɛlɛ.

2 iKɔrɔntos 5:9

ɛKɔn na ne ɛ phyin gbik, njwɛɛn i phyin sim te ɛ sɛɛ phok iyɛnɛng njwɛɛn, hang ndɔ ne ibek ɛzay yɛdee wo yɔɔ, hang ndɔ ne idee ɛdaa ne irywa de yɔɔ.

2 iKɔrɔntos 6:5

I lɛngɛs njwii, ne robhos njwi ndɔ ne ijwee ne nyang, ne bok ishishim ne njwit, i naas njwii ɛtomɛ ne ɛ phyin ihwet mos, nggbang i ring njwii ne nwa, njwi ne so kpyak.

iGalatiya 6:2

Tɔɔk ɛn nggbang nigwaa da, ɛlɛy ne aa ne shwaak ɛn ɛShara ɛKiriti gha.

iGalatiya 6:9

Sɔng njwɛɛn te kpos ne mɔn nikɔn ne yɛnɛng nga nang, daa ɛli ne nten nɛ yaaso ne njwɛɛn sɛ bhɛ pha nikɔn na ne njwɛɛn kɛ tubhus so, wu njwɛɛn kɛ sang te kpos kɔp.

iFilibi 2:16

ˆɛɛ ta naas ɛn nibhɛ ibol ne nang iken de. iPhɛ sɛ te n hal ɛgyɛy ne nyinɛn ɛtuk ka ne ɛYɛso ɛKiriti gha sɛ bhɛ kyii wo, te iphɛ tɔɔrek wu hang nggbang nge da ne ilong nge kɛ te buu.

iFilibi 4:3

iGyɛ ne ɛtaay ɛtomɛ nge gha, nzi roro ne igyɛ, phyik nikuk kɛnaa wo daa ɛli ne nɛ nibhɛ kɛ tak iyɔm ɛtomɛ ne mee ndɔ sanga ibol iyɛnɛng ngge. ɛLɛy ne ɛKɛlɛmɛn ne ɛbyin nitaay ɛtomɛ nge gha ninaa ne irɛɛk nibhɛ so ndɔ ne ɛWee ne iKen no.

iKɔlɔsi 1:11

Te ɛTaanggbey te nyini itsɔngɔl gɛgɛy ne ihwet da ne ifɛ le ne ndiinday ɛbhɛ, ɛli ne ˆaa yɛɛ ɛn ne rop ɛn iku, ˆɛ bo ɛn ɛbɔk ndɔ ne irway ihwala daa ne nikɔn na nɛ nibhɛ i tes so.

1 iTasɔlɔnika 1:3

Njwii tas ne nyinɛn ɛnu ɛyisɛ ɛTaanggbey ya ne ɛ so ɛTaa gha. Njwii tas ne ɛtomɛ gha ne ìnang ne itin mon da i tɔɔsel lo, ne ɛtomɛ gha ne ɛ mɔn ɛn lenɛ ne ishwim mon da, gbik ne rop iku mon de ne ɛ bok ɛn lenɛ ne sit ne irwisɛ da daa ɛDaray njwɛɛn ɛYɛso ɛKiriti gha.

1 iTasɔlɔnika 2:9

Nigwaa en, ɛtsak, nyinɛn no ˆɛ yɛɛ ɛn nggbang ngga ne ɛbung nga ne njwi kɛ sɔ wo. Njwi kɛ mɔn ɛtomɛ gha ne ɛtuk ne igbey gbik daa ɛli ne njwi yaa yung nang nyini irighitik nten de ne njwii sanga iBol iYɛnɛng ngge ne iphɛ le ɛlɔ ɛTaanggbey ya.

1 iTasɔlɔnika 5:12

Nigwaa en, njwii roro nɛ nyinɛn, nang ɛn ninaa ne tak iyɔm ne ɛtomɛ gha ndɔ mon ne ndiinday. Kaabi nindiinday mon na ndɔ ɛDaray ya, nɛ nibhɛ kpɛng nyini wo.

2 iTasɔlɔnika 3:13

Nyinɛn no nigwaa en, sɔng ne ˆɛ te ɛn kpos ne mɔn iyɛnɛng ngge nang.

2 iTasɔlɔnika 3:5

Te ɛDaray ya yɛk ngɛ te irway mon da seng ishwim ɛTaanggbey da ne irop iku de ne ɛ le ɛlɔ ɛKiriti gha.

2 iTasɔlɔnika 3:8

Sɔng njwi kaa ne re ire ɛnyi tang njwi tal ɛbhɛ nang. Njwi kaa yang i mɔn ɛtomɛ gha ne igbey ne ɛtuk gbik, njwii kyangase ne ɛtomɛ gha, njwii tabha ne ilong, ɛlɔ ne njwi yaa yung nang ɛdɛ mon irighitik.

1 ɛTimɔti 4:10

iPhɛ phɛ kɛ te njwii sɔ nggbang njwii kyangase ne ɛtomɛ gha daa ɛli ne njwi kɛ sit irwisɛ daa ɛTaanggbey ne iKen, ne ɛbhɛ so ɛHaa ne Phɔt ninyi na gbik, yang ji so ninaa ne ìnang ne itin na.

1 ɛTimɔti 5:17

Te nang nihelem ma nɛ nibhɛ so nindiinday ya, nɛ nibhɛ hyel ne ɛtomɛ nibhɛ gha yɛnɛng ngo ne ndiinday kancɛng ne ɛtomɛ nibhɛ gha, yang ji so ninaa nɛ nibhɛ sanga bol iyɛnɛng ngge, nibhɛ ta mɛmɛ ninyi na nɛ wo.

iBirani 10:36

iPhɛ so nggbinggbing ɛ bo ɛn ɛbɔk te ɛ mɔn ɛn ɛkɔn na ne ɛTaanggbey ya sim, te ɛ sɛ ne say ɛn ɛkɔn na ne kaa ku sim-mɛ wo.

iBirani 12:1

iHywee nishɛɛda yɛdee wo so gbom nɛ nibhɛ kɛ te njwɛɛn gyɔɔ. Daa ɛli ne ihywee nishɛɛda yɛdee wo ne sonɛ ɛlɛ wo, ninaa nɛ nibhɛ kɛ tɔɔrek njwɛɛn ɛli ìnang ne itin da so wo, nɛ njwɛɛn hana gbik ɛkɔn na ne ɛ ring njwɛɛn ne ihywel da. Te njwɛɛn ta hana ɛfɔt to ne ɛbhɛ kɛ wum njwɛɛn no, te njwɛɛn rop irway i tel nggbiy yɛdaa wo ne mpɛ so ɛyisɛ njwɛɛn na.

iBirani 13:13

iPhɛ ɛlɛy, nɛ njwɛɛn phɛ i bhɛ sɛ ɛbhɛ ɛtsim ɛgarang nga te njwɛɛn ma bhɛ sɔ ihywee ne itowos da ne ɛ kɛ sɔ wo.

iBirani 6:10

ɛTaanggbey ya ku so icik, sɔng aa te ne ɛtomɛ mon na bab nang. Sɔng aa ne te ne ishwim mon da ne ɛ kɛ tɔɔrek ɛn ɛbhɛ wo ndɔ iphyik ga ne ɛ kɛ phyik ɛn ninyi ɛbhɛ na, ɛ ma tɔɔ phyighis ɛn nibhɛ wo nang.

iBirani 6:12

Sɔng ɛ te ɛn nyini ninaa ne itek nang, yang mɛmɛ ɛn nɛ nɛ ninaa ne ìnang ne itin na, nɛ nibhɛ kɛ bo ɛbɔk ka nibhɛ i hyep nibhɛ yaa say ɛkɔn na ne ɛTaanggbey ya kɛ sim-mɛ wo.

iBirani 6:15

ɛBaraying nga ne bo ɛbɔk ɛ hyep, ne ɛ say ɛkɔn na ne ɛTaanggbey ya kɛ ku sim-mɛ wo.

2 ɛBiturus 1:6

Daa ne iyɛɛ ɛTaanggbey ya ne ɛ hante ɛn ne wum ito mon, daa ne wum ito mon de ne ɛ hante ɛn ne irway nviit, daa irway nviit da ne ɛ hante ɛn ne ihywee ne ishwɛɛ ɛTaanggbey.

Nikɔn ne kɛ Phaal 1:9

Mee ɛYohana ɛgwaa mon ne ɛtaay mon ndɔ ne sɔ nggbang, ɛtaay mon ndɔ ne igbɔm ɛTaanggbey gbik ne ɛbɔk ne rop iku ne ɛYɛso gha kɛ yel-le njwɛɛn nɛ. Kaa bo me bhɛ hana me ne idɛ ikop inɛn de ne i bok iphɛ iBatamos daa ɛli ne nggɛ tɔng ibol ɛTaanggbey de n da nang ishɛɛda ɛYɛso de.

Nikɔn ne kɛ Phaal 3:10

Daa ɛli ne ɛ kɛ bo ɛbɔk ka ɛ hyep ibol nge de, nzɛ ne ma hyep pɛ nten ne nggbang ngɛdee nggyɛ wo ne mpɛ sɛ yɛɛs ninaa ɛzay ya gbik ko te phɔwɔ nibhɛ wo.