Nikɔn ne kɛ Phaal 2:23 - ɛWee ne ìTsɛm iHywas

²³ Naa phobho ninyi na nɛ nibhɛ roos imɛmɛ ɛJɛjɛbhɛl da, gbik ijwira ninaa ne roos sa yaa seng wu mee nzi wɛɛ ɛduk ne irway ya ɛnyi gha gbik ne icwas ɛbhɛ da. Nzɛ ne tal ɛrɔngɔ nɛ ndɔ mon kancɛng ne ɛkɔn na ne ɛ kɛ mɔn.

Nikɔn ne kɛ Phaal 2:23 ပူးပေါင်းရင်းမြစ်များ

ɛMacu 16:27

ɛNgɔn ɛnyi gha sɛ ne yɛɛs ndɔ ne ito-ndiinday ɛKyɛɛ ɛbhɛ nɛ nimalɛka, ɛ mɔn ɛrɔngɔ iyɛnɛng daa ɛkɔn na ne ɛ kɛ mɔn.

ɛLuka 16:15

Ne ɛ yaak nibhɛ, “Nyinɛn ɛ bo ɛn tɛ ninyi na ji ton nyini wo nang? ɛTaanggbey ya yɛɛ ɛduk ne irway mon ba gbik. Nikɔn na nɛ ninyi na ji wɛɛ tɛ nibhɛ so ɛkɔn na, nibhɛ ne so ɛkɔn ne ishis ɛnu ɛyisɛ ɛTaanggbey ya.”

ɛYohana 21:17

ɛYɛso gha ne boote ne ɛSimɔn na ɛhaa ne itwat tɛ, ɛ yɔngɔ, “ɛSimɔn ne ɛ soyɛ ɛngɔn ɛYohana, Ɛɛ sim mee?” ɛSimɔn na ne bees irway daa ɛli ne ɛYɛso gha kɛ phom ɛhaa ne itwat ta ɛ yaak ɛbhɛ, “Ɛɛ sim mee?” Ne ɛ yaak ɛYɛso yegha, “ɛDaray, ɛ yɛɛ nikɔn na gbik, ˆɛɛ yɛɛ ɛli ne nzi sim-mɛ wo.” ɛYɛso gha ne yaak ɛbhɛ, “Hyep ᐩigyol nge de.

ɛYohana 4:16

ɛYɛso gha ne yaak ɛkuk ka, “Cwi ɛbhɛ yel-le ɛras mo ɛ yɛɛs nɛ.”

ɛTomɛ 1:24

Nibhɛ ne roo nibhɛ yɔngɔ: “ɛDaray, igyɛ ɛ yɛɛ irway ninyi da gbik. Tɔɔrek njwii ɛnyi gha ne ˆɛ kɛ kasa ndɔ ninyi ifaa yɛnaa wo,

iRooma 14:12

Gbik njwɛɛn no, ɛrɔngɔ sɛ bhɛ tɔng ɛTaanggbey yegha ne ɛnu ɛbhɛ, nikɔn na ne ɛ kɛ mɔn.

iRooma 8:27

ɛTaanggbey ya ne ɛ wɛɛ ndɔ irway njwɛɛn da ɛbhɛ yɛɛ irway njwɛɛn da, ɛ ne ku yɛɛ icwas ne iKabyik ga, daa ɛli ne iKabyik ge iphɛ bol ne ɛTaanggbey ya ɛlɔ ninyi niwɛwɛy ɛbhɛ na ɛli ne ɛ sim.

2 iKɔrɔntos 5:10

Daa ɛli ne iphɛ so nggbinggbing njwɛɛn sɛ bhɛ kyinak ɛnu ɛyisɛ ɛKiriti gha te bol njwɛɛn ɛshara. ɛRɔngɔ sɛ ne bhɛ say ɛkɔn na ne ɛ so kancɛng ne ɛtomɛ gha ne ɛ kɛ mɔn ɛli ne ɛ kɛ so ndɔ ibek kɛdee wo. Hang ɛyɛnɛng ngɛ yɔɔ, hang ɛkpɛɛ yɛ yɔɔ.

iGalatiya 6:5

Daa ɛli ne iphɛ so nggbinggbing te ɛrɔngɔ mɔn ɛhaa ɛbhɛ ɛtomɛ.

iBirani 4:13

Sɔng ɛkɔn sonɛ ndɔ nikɔn na ne kɛ ryɔng ngo ne ɛ so gying ɛnu ɛyisɛ ɛTaanggbey ya nang. Nikɔn na gbik so wɛsɛrɛk kpas ne irwisɛ ɛbhɛ da, ɛbhɛ wo ne njwɛɛn sɛ bhɛ tɔng ɛbhɛ ɛli ne njwɛɛn kɛ shɛɛ.

1 ɛBiturus 1:17

Ɛɛ yel-le ɛn ɛbhɛ ɛTaa nten de ne ɛɛ bol ɛn ne ɛTaanggbey ya ne ɛ sang bok sim ito da nten de ne ɛ bol ɛrɔngɔ ɛshara gha daa ɛkɔn na ne ɛ kɛ mɔn no. iPhɛ ɛlɛy ne ɛ taal ɛn ishwɛɛ mon da ndɔ ɛzay yɛghaa wo ne ɛ so ɛn nɛ tɛ ninaa ne kpoo na, ɛ phok ɛn ɛnik ɛTaanggbey yo.

Nikɔn ne kɛ Phaal 2:11

Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ninaa ne roos de. Gbik ɛnyi gha ne ɛ kɛ ne re ɛwɛng daa ne itsom mɛdee wo, sɔng iku ne ifaa de sɛ ne dat nibhɛ nang.

Nikɔn ne kɛ Phaal 2:7

‘Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ninaa ne roos de. Gbik ɛnyi gha ne ɛ kɛ ne re ɛwɛng daa ne itsom mɛdee wo, nzɛ ne nang ɛbhɛ ɛnkiinɛ ne ɛ re ikpam ɛHon ne Nang iKen de ne ɛ so ndɔ ne ihwap ɛTaanggbey da.’ ”

Nikɔn ne kɛ Phaal 20:12

Ne n ji yaang ninaa nɛ nibhɛ kɛ kus so, nitaasek kɛ nɛ nindiinday yɛ, ne ji phaasel iwee da gbik. Ne ji phaal ɛdɛ ɛwee wo ne ɛbhɛ ɛbhɛ so ɛWee ne iKen. Ne bol ninaa nɛ nibhɛ kɛ kus so ɛshara kancɛng ne ɛkɔn na ne kɛ haa ndɔ ne iwee da.

Nikɔn ne kɛ Phaal 20:13

ɛLing nga tul ikpom ba ne ifɛ so ndɔ ɛbhɛ wo. iKu de gbik ne ɛlɔ ne ikpom ma ne ma tul ikpom ba ne ifɛ so ndɔ nibhɛ wo. Ne ji bol ɛrɔngɔ ɛshara gha kancɛng ne ɛkɔn na ne ɛ kɛ mɔn.

Nikɔn ne kɛ Phaal 22:12

“Phok ɛn, n yek cɛcɛk ne yɛɛs! Nzɛ ne boos nikɔn na ne naa tal ɛrɔngɔ nɛ, nzɛ ne tal ɛrɔngɔ ɛkɔn na ne ɛ kɛ mɔn.

Nikɔn ne kɛ Phaal 6:8

Ne nyɛɛn, ne n yaang inantse ne ihywɛ kɛ haatel te ɛtura ne igbey kɛ tang inɛn ne. I bok ɛsaa yɛ iKu, ɛLɔ ne iKpom ne i kungus ɛbhɛ ɛtsim. Ne nang nisaa yɛnaa nggyɛ wo ito tɛ nibhɛ bo ihywa, ne iyɔm, ne ishwa igywebhe, gbik ne ᐩinyam ɛhay nibhɛ phobho ne ihop idaan ndɔ ne ihop nwaas ɛzay de.