Nikɔn ne kɛ Phaal 2:2 - ɛWee ne ìTsɛm iHywas

² Nzi yɛɛ nikɔn na ne ɛ kɛ mɔn, nzi yɛɛ ɛtomɛ gha ne ɛ kɛ kyangase nɛ, ne ɛbɔk ka ne ɛ bok. Nzi yɛɛ ɛli ne hame ɛ bok ɛbɔk ka nɛ nibebhe ninyi na, nzi ne yɛɛ ɛli ne ɛ kɛ tɛrɛk ninyi na nibhɛ bo wu i soye ninɔn ne tom ma, kaabi nibhɛ sang kyii soye nɛ wo, ɛ ji seng wu nibhɛ soye ne nibo ne irywɛɛk ka.

Nikɔn ne kɛ Phaal 2:2 ပူးပေါင်းရင်းမြစ်များ

ɛMacu 7:23

Nzɛ ne ma yaak nibhɛ, ‘Sɔng nzi ku yɛɛ nyini nang, bak ɛn ne ɛlɔ yɛ ɛlɔ nge gha, nyinɛn ninaa ne mɔn ibebhe de.’

ɛYohana 6:6

Ɛ kaa ma phom ɛlɛ wo te ɛ phɔghɔ ɛFilibus segha, Ɛ ku i yɛɛ ɛkɔn na ne aa mɔn gbik.

iGalatiya 1:7

ɛTsak, sɔng idɛ ibol iyɛnɛng ngge sonɛ kang nang. Nggɛ boote ɛlɛ wo, daa ɛli nɛ nidɛng ninyi na sonɛ nɛ nibhɛ hyeem ibol iyɛnɛng ɛKiriti de ne nggɛ tɔng nyini wo.

iFisus 4:14

Kɛ mɔn ɛlɛ wo te njwɛɛn kɔɔng nge kaan ne ihywɛɛ njwɛɛn de tɛ ninɔn nishɛɛrɛng nga. Te njwɛɛn sang teye ninyi ne i kaan ne ihywɛɛ nibhɛ te icwen ne igbil kɛ luu. Te njwɛɛn sang teye ninyi ne imɛmɛ ne iluk i hyeem ihywɛɛ nibhɛ ifɛ bok ngɛ nilɔ na kang-ka-kang.

1 iTasɔlɔnika 1:3

Njwii tas ne nyinɛn ɛnu ɛyisɛ ɛTaanggbey ya ne ɛ so ɛTaa gha. Njwii tas ne ɛtomɛ gha ne ìnang ne itin mon da i tɔɔsel lo, ne ɛtomɛ gha ne ɛ mɔn ɛn lenɛ ne ishwim mon da, gbik ne rop iku mon de ne ɛ bok ɛn lenɛ ne sit ne irwisɛ da daa ɛDaray njwɛɛn ɛYɛso ɛKiriti gha.

1 iTasɔlɔnika 5:21

Yang phɔwɔ ɛn nikɔn na gbik, te ˆɛ boos ɛn ɛhaa ne ɛ kɛ jam.

2 ɛTimɔti 2:19

Gbik ne iphɛ ɛlɛy, ibol ɛTaanggbey de kɛ ne ku see ye te ikɛɛ ɛtum ne ijwee gɛgɛy. Kɛ ku baa ne icwɛɛm, i haa ne ibol de ne iphɛ bo, “ɛTaanggbey ya i ku yɛɛ ninaa ɛbhɛ na.” Gbik ne “ɛNyi gha ne ɛ bo wu i soye ɛhaa ɛDaray ya, te ɛ shɛɛ kyakyak ne ɛtomɛ ɛbebhe gha.”

iBirani 6:10

ɛTaanggbey ya ku so icik, sɔng aa te ne ɛtomɛ mon na bab nang. Sɔng aa ne te ne ishwim mon da ne ɛ kɛ tɔɔrek ɛn ɛbhɛ wo ndɔ iphyik ga ne ɛ kɛ phyik ɛn ninyi ɛbhɛ na, ɛ ma tɔɔ phyighis ɛn nibhɛ wo nang.

1 ɛYohana 4:1

Nyinɛn nigwaa nge ne nzi sim, sɔng ˆɛ nang ɛn ne itin nɛ ne gbik ɛnyi gha ne ɛ bo wu i bok ikabyik ɛTaanggbey de nang. Yang tɛrɛk ɛn nibhɛ te ˆɛ seng ɛn hang iphɛ le ɛlɔ ɛTaanggbey ya yɔɔ, daa ɛli nɛ ninabawa ne irywɛɛk gbom kɛ shwalat ndɔ ɛzay ya.

Nikɔn ne kɛ Phaal 2:5

Taate ne ɛlɔ gha ne ɛ kɛ tsa ɛ sonɛ nyɛɛn ɛ kyi ho wo. Nzi bok kɛ, hana ɛfɔt mo wo, te ɛ kyi yaa mɔn nikɔn na ne ɛ ka tsa ɛɛ mɔn no. Wu ɛ kɛ sang hana ɛfɔt to, naa ne yɛɛs ɛlɔ mo gha, n ba ɛntsɛng ne tek ɛpitila mo wo ɛlɔ gha ne ɛbhɛ sonɛ wo.

Nikɔn ne kɛ Phaal 2:6

ɛDɛ ɛkɔn na ne sonɛ ne ɛ kɛ mɔn ne ɛ kɛ jam me; ɛ kɛ mbaray yɛ imɛmɛ ninyi ne iNikɔla ɛli ne nggɛ ma mbaray me.

Nikɔn ne kɛ Phaal 2:9

Nzi yɛɛ nggbang ngga ne ɛ sonɛ wo, nzi ne ta yɛɛ ihala mo de, gbik ne iphɛ ɛlɛy, ne ɛ bok iryat ne iKabyik. Nzi yɛɛ ivol ba ne i bees sɛ nɛ wo, ninyi na nɛ nibhɛ i bok itso nibhɛ da wu i soye niYahodawa na kaabi nibhɛ sang kyi soye nɛ wo. Nibhɛ soye ɛguu ninyi ɛShɛtan.

Nikɔn ne kɛ Phaal 3:1

Haa ɛmalɛka ne idira ninaa ne roos ne iSadis sa nɛ te ɛ yaak nibhɛ, iBol lɛdee bɛ ne iphɛ le ɛlɔ ɛnyi gha ne ɛ bok iKpabyik ɛniitaa ɛTaanggbey da nɛ niYiyɔrɔ ɛniitaa na. Nzi yɛɛ nikɔn na ne ɛ mɔn no gbik, i wɛɛ yɛ te ɛ so ɛken kaabi ɛ so ikom.

Nikɔn ne kɛ Phaal 3:15

Nzi yɛɛ nikɔn na ne ɛ mɔn no gbik. Sɔng ɛ so ntsentseng nang, sɔng ne ɛ kyi ta so kpikpiy nang. Sɛ ma yung yɔng ɛ soyɛ ɛkɔn ɛdaan ndɔ nikɔn nɛ́naa wo.

Nikɔn ne kɛ Phaal 3:8

Nzi yɛɛ nikɔn na ne ɛɛ mɔn no gbik. Nzi yɛɛ ihwet mo da so ncɛt, gbik ne iphɛ ɛlɛy ɛ kɛ roos imɛmɛ nge da gbik, sɔng ɛ kɛ ton irywɛɛk nge wo nang. Nggɛ ne phaal ɛnu ne izuk ɛnu ɛyisɛ mo ne hame ɛnyi ya yɛɛ ne gangke yɛ.