Nikɔn ne kɛ Phaal 2:14 - ɛWee ne ìTsɛm iHywas

¹⁴ Gbik ne phɛ ɛlɛy, ne ɛ jung bok nidɛng nikɔn na ncɛt daa ne ito mo ne hame nzi sim. Nidɛng sonɛ ndɔ mon no nɛ nibhɛ kɛ roos ihywee ne imɛmɛ ɛBalamu, ne ɛ kaa mɛmɛ ɛBalak ghe nɛ ɛ te niSɛrɛla na mɔn ɛfɔt, nibhɛ re ire ne kɛ hap igunkyi ne itsanga, nibhɛ ta i ra nzangas.

Nikɔn ne kɛ Phaal 2:14 ပူးပေါင်းရင်းမြစ်များ

ɛMacu 18:7

“ɛKɔn ne ɛnik daa ninaa ɛzay ya daa nikɔn na nɛ nibhɛ te ninyi na mɔn ɛfɔt to! iPhɛ ku so nggbinggbing nikɔn ne ɛfɔt ta yɛɛset, ne so ɛhaa ɛkawɛy yaa nggyɛy ne ɛbhɛ ɛ kɛ yɛɛset nɛ nibhɛ!”

ɛTomɛ 15:29

Nibhɛ naa ɛlɛ: sɔng ɛ re ɛn ire ne ikpii nang, sɔng ne ɛ re ɛn inwam ne kɛ sang hyɛ nang, sɔng ɛ re ɛn inwam nɛ neyi yɛ nang, sɔng ne ɛ ra ɛn nzangas nang. Wu ɛ kɛ mɔn ɛn nikɔn nɛ na wo, ɛ kɛ mɔn ɛn ɛkɔn na ne ɛ kɛ jam. Shɛɛ ɛn ncaang.’ ”

ɛTomɛ 21:25

Daa ne ibol ninaa ne roos sa ne hame nibhɛ so niYahodawa na nang, njwi kɛ ku haa nibhɛ nɛ, njwi bok nibhɛ wu hang nibhɛ re ire ne kɛ mɔn ne ikpii, wu hang nibhɛ ne re neyi ɛkɔn gbik ne ɛkɔn na ne kɛ sang hyɛ. Njwi ne ta yaak nibhɛ wu hang nibhɛ ra nzangas.”

iRooma 11:9

ɛDoda gha kɛ ne ta boote ɛ yɔngɔ: “Te ijwira nibhɛ de teye nibhɛ irwa, ɛkɔn nɛ nibhɛ yaa wumus se nɛ ɛkɔn nɛ nibhɛ yaa kyibhɛse nɛ, te i bak nibhɛ nggbang.

iRooma 14:13

iPhɛ ɛlɛy, nɛ njwɛɛn kɔɔng hyɛghɛ nigwaa njwɛɛn na ɛshara gha. Yang ku ryɔng ɛn irway mon ɛli ne hame aa te ɛn ɛnyi gha ɛ kyibhɛ ɛ ta mɔn ɛfɔt.

iRooma 14:21

iPhɛ kɛ jam mɛ shɛɛ kɛ inwam, ne inɛn ɛnap gbik ne ɛdɛ ɛkɔn na ne aa te ɛgwaa mo gha kyibhɛ wo.

iRooma 9:32

ɛLɔ ne ikyee? Daa ɛli ne sɔng nibhɛ kɛ kyangase ne tɔk icik ge ne ɛnkiinɛ ne ìnang ne itin de nang, nibhɛ yang kyangase nɛ lenɛ nɛ nitomɛ nibhɛ. Nibhɛ kɛ ne kyibhɛ daa ne “iKɛɛ de ne iphɛ i yɛɛs ne ikyibhɛ da.”

1 iKɔrɔntos 1:23

Njwit to, njwi ne tɔng ibol ɛKiriti ne kɛ gangat daa ne ihon. iBol lɛ kɛ teye ɛkɔn ne kyibhɛ niYahodawa na, iphɛ ne kyi ta teye iwamang ɛlɔ ninyi na ne hame nibhɛ so niYahodawa na.

1 iKɔrɔntos 7:2

Daa ɛli ne nzi ne sim te sɛɛ tel nzangas de, te ɛrɔngɔ ne boos ɛkuk ɛbhɛ, te ɛkuk ka ma boos ɛras ɛbhɛ.

iBirani 13:4

Gbik mon no, nang ɛn ɛwɛrɛ gha ne ndiinday, te ɛrong-inwa ɛwɛrɛ gha ne shɛɛ ywɛywɛy, daa ɛli ne ɛTaanggbey ya sɛ hyɛ ninaa ne nzangas sa, nɛ ninyi na nɛ nibhɛ kɛ bees se wo ɛshara.

1 ɛBiturus 2:8

Kɛ haa ndɔ ne ɛWee ne iBol ɛTaanggbey i bo, “iKɛɛ yɛdee wo iphɛ yaa teye ɛkɔn ne kyibhɛ, ne ɛkɔn ne hoghɛse ninyi.” iPhɛ ne so ɛlɛy ɛtsak! Ninyi na gbom kɛ kyibhɛ daa ɛli nɛ nibhɛ kɛ mbaray tang roos ibol ɛTaanggbey de. ɛLɛy ne kɛ ne ku ryɔng nibhɛ nɛ.

2 ɛBiturus 2:15

Nibhɛ kɛ tek ɛnkiinɛ tsik ko nibhɛ roos ɛnkiinɛ ɛBalamu, ɛngɔn ɛBɛyor, ne kaa lenɛ ne sim ijam ɛbhɛ, ɛ yaa phok yɛnɛng ne mɔn ibebhe.

ɛYahuza 1:11

iPhɛ so nibhɛ ɛkɔn ne ɛnik! Nibhɛ kɛ hyel ihywel ɛKɛɛnu. iRisɛ ne ijam kɛ te nibhɛ mɔn ɛkɔn na ne ɛBalamu kaa mɔn. Nibhɛ bɛɛs nindiinday ɛli ne ɛKɔɔra kaa mɔn, ne bunga nibhɛ gbik te ɛKɔɔra gha.

Nikɔn ne kɛ Phaal 2:20

Gbik ne phɛ ɛlɛy, ne ɛ jung bok nidɛng nikɔn na ncɛt daa ne ito mo ne hame nzi sim. Ɛ kɛ sim ibol ɛkuk ge ne i bok ɛbhɛ ɛJɛjɛbhɛl la, ne ɛ yeres ito ɛbhɛ de ɛnɛbi gha. I lenɛ ne imɛmɛ ɛbhɛ ne ɛ dyɛɛl nikpuru nge na nibhɛ ra nzangas, nibhɛ ta hap igunkyi itsanga.

Nikɔn ne kɛ Phaal 2:4

Gbik ne iphɛ ɛlɛy, ne so ibol lɛdee bɛ ne n bok ne igyɛ, ɛ kɛ kyi hana ishwim ba ne ɛ kaa tsa ɛ bok ko.

Nikɔn ne kɛ Phaal 21:8

Ninaa ne ɛnik ka, nɛ ninaa ne sang nang ne itin de, nɛ ninaa mɔn nikɔn ne ishis sa, nɛ ninaa ne phobho ninyi na, nɛ ninaa ne ra nzangas sa, nɛ ninaa ne kyarakyut ta, nɛ ninaa ne re igunkyi de ntsong ngga, nɛ ninaa ne wul irywɛɛk ga, sɛ cwaak nibhɛ ndɔ ɛling ne igboo ne isɔlifa. ɛLing ne igboo gha bhɛ ne soye iku ne ifaa de.”

Nikɔn ne kɛ Phaal 22:15

Ninyi na nɛ nibhɛ ne so ɛtsim ɛgarang nga sɛ ne so ɛlɛ: ninaa nɛ nibhɛ kɛ bees itso nibhɛ nɛ nikɔn ne ishis, nɛ ninaa ne ikyarakyut, nɛ ninaa ne ra nzangas, nɛ ninaa ne phobho ninyi, nɛ ninaa ne re igunkyi ntsong gbik nɛ ninaa ne saghe ne irywɛɛk nibhɛ ta i wul ifɛ.