Nikɔn ne kɛ Phaal 2:13 - ɛWee ne ìTsɛm iHywas

¹³ Nzi yɛɛ ɛlɔ gha ne ɛ sonɛ wo soye ɛlɔ ne ɛShɛtan bok ne igbɔm. Gbik ne phɛ ɛlɛy, ɛ kɛ ne wum irywɛɛk nge gɛgɛy, sɔng ɛ kɛ hana ìnang ne itin mo da ne mee wo nang. Ɛ kaa ma yung mɔn ɛlɛy nten de ne kaa phoo ɛNtipas se ne ɛ kaa soye ɛshɛɛda nge gha ne sɛ say ibol ɛbhɛ ndɔ ɛgarang mon na ne ɛShɛtan na bok ne igbɔm ba.

Nikɔn ne kɛ Phaal 2:13 ပူးပေါင်းရင်းမြစ်များ

1 ɛTimɔti 5:8

Gbik ɛnyi gha ne ɛ kɛ sang nang icwaang ɛbhɛ wo ɛkɔn, yang ji so ninaa ne ijwee ɛbhɛ na, ɛ kɛ ne ton ìnang ne itin ɛbhɛ de. Ne ɛ phyin ɛnyi gha ne ɛ sang so ɛhaa ne roos sa ne ibebhe.

Nikɔn ne kɛ Phaal 3:11

N yaaso, sɔng ne bees nten nang. iPhɛ ɛlɛy ne ɛ wum ɛkɔn na ɛ bok ko gɛgɛy ɛlɔ ne ɛdɛ ɛnyi yaa yung phɔt ɛkɔn ne ito ne igbɔm ɛwɛng mo gha ne ɛ kɛ re wo.

2 ɛTimɔti 2:12

Wu njwɛɛn kɛ ne rop iku, njwɛɛn sɛ ne re igbɔm ne ɛbhɛ. Wu njwɛɛn kɛ ne yɔng wu hang i yɛɛ ɛbhɛ, ɛ sɛ ne ma yɔng wu hang i yɛɛ njwɛɛn.

ɛTomɛ 22:20

Nten de ne kaa ne lok neyi ɛkpuru mo ɛSitivin na nggaa ne ta sonɛ, ne n sim ɛkɔn na nɛ nibhɛ mɔn no. Mee ngga ma yung hyep itsura ninyi da nɛ nibhɛ kaa phoo ɛbhɛ wo.’

Nikɔn ne kɛ Phaal 14:12

iBol lɛdee wo i sim irop iku ɛlɔ ninyi na ne kɛ tul kang ngo nibhɛ roos ibol ɛTaanggbey de. Ninyi na nɛ nibhɛ so sɛɛ say ibol nibhɛ ndɔ ìnang ne itin nibhɛ de ne ɛYɛso gha.

Nikɔn ne kɛ Phaal 3:3

iPhɛ ɛlɛy, ne ɛ taate nɛ nikɔn na ne kaa mɛmɛ yɛnɛ wo, ɛ say yo. San ɛbɔk te ɛ roos itin de. Wu ɛ kɛ ne sang seme wo, naa ne yɛɛs sɛ te ɛhaa ɛyi, sɔng ɛ sɛ ne yɛɛ nten de ne naa yɛɛs nɛ nang.

Nikɔn ne kɛ Phaal 2:2

Nzi yɛɛ nikɔn na ne ɛ kɛ mɔn, nzi yɛɛ ɛtomɛ gha ne ɛ kɛ kyangase nɛ, ne ɛbɔk ka ne ɛ bok. Nzi yɛɛ ɛli ne hame ɛ bok ɛbɔk ka nɛ nibebhe ninyi na, nzi ne yɛɛ ɛli ne ɛ kɛ tɛrɛk ninyi na nibhɛ bo wu i soye ninɔn ne tom ma, kaabi nibhɛ sang kyii soye nɛ wo, ɛ ji seng wu nibhɛ soye ne nibo ne irywɛɛk ka.

iBirani 10:23

Nɛ njwɛɛn ta kyinak gɛgɛy daa ne sit irwisɛ yɛdaa nggyɛ wo ne njwɛɛn ku bok ko, i ta bol lo, daa ɛli ne ɛTaanggbey ya ne ɛbhɛ kɛ ku sim njwɛɛn nɛwo so sɛ kyinak daa ne ibol ɛbhɛ.

2 ɛTimɔti 1:13

Boos imɛmɛ ne itin nɛdee wo ne ɛ kɛ phok ɛlɔ nge gha, te ˆɛ mɛmɛ nɛ ne iphɛ. Shɛɛ ndɔ ne ìnang ne itin gbik ne ishwim ne ifɛ soye ivaa njwɛɛn ndɔ ɛYɛso ɛKiriti gha.

ɛMacu 24:9

“Sɛ ne wumus nyini i naas ninyi nɛ ninaa ne baasek nyini nggbang, nibhɛ ne phobho nyini. iGbagha wo gbik sɛ ne mbaray nyini ɛlɔ me wo.

ɛYakub 2:7

Nzi bo nibhɛ bhɛ ta bol ivol ne bɛɛs da daa ne irywɛɛk iywɛnɛng ngo ne i yɛɛ nyini ne nɛ wo nang?

iBirani 3:6

ɛKiriti gha ne so sɛ kyinak daa ne ibol ɛbhɛ daa ɛli ne ɛbhɛ ɛ yang so ɛNgɔn na ne ɛ wɛɛ ninyi ɛTaanggbey ya. Njwɛɛn no, njwɛɛn ne soye ninyi ɛTaanggbey ya, wu njwɛɛn kɛ boos irway nviit da, njwɛɛn sang te ikyɔkyɔt daa ɛkɔn na ne njwɛɛn kɛ sit ne irwisɛ da.

1 iTasɔlɔnika 5:21

Yang phɔwɔ ɛn nikɔn na gbik, te ˆɛ boos ɛn ɛhaa ne ɛ kɛ jam.

ɛTomɛ 9:14

iPhɛ dee ɛ kɛ ne yɛɛs ɛbɛ wo daa ne igbɔm nindiinday nibo na wu te ɛ wumus gbik ninyi na nɛ nibhɛ yeres daa ne irywɛɛk mo wo nɛ ɛbɛ wo.”

ɛLuka 21:17

Ninyi na gbik sɛ ne mbaray nyinɛn ɛlɔ me wo.

ɛMacu 10:23

Sɛ ne sɛ i baasek nyini nggbang ngga ɛgarang nga, ne ɛ tel ɛn ɛ phɛ ɛn ɛhak ɛgarang. Nzi ne tɔng nyini itin nɛ, sɔng ɛ sɛ tel ɛn ɛ taal ɛn nigarang niSɛrɛla na gbik nyɛɛn ɛNgɔn ɛNyi gha kyi yɛɛs sang.

ɛMacu 4:10

ɛYɛso gha ne kyii nɛ ɛ yaak ɛbhɛ, “Cwi gɔɔ ɛbɛ wo ɛShɛtan nɔɔy! Kɛ ku haa ndɔ ne ɛWee ne iBol ɛTaanggbey yo bo, ‘Re ɛDaray ɛTaanggbey mo gha ntsong, ɛbhɛ zɔng ne aa re ɛbhɛ ntsong ngga.’ ”

Nikɔn ne kɛ Phaal 1:5

Ne izɛɛng ne irway ne laal ne ifɛ le ɛlɔ ɛYɛso ɛKiriti ne ɛbhɛ soye ɛshɛɛda ne sɛ kyinak daa ne ibol ɛbhɛ. Ne ɛ soye ɛngɔn ɛkɔɔn ndɔ ninaa ne yiisitsik ne ikpuu da. Ne ɛbhɛ ɛ soye ɛgɔm nigɔm ɛzay ya. Te nang ɛbhɛ ne ndiinday ne ɛbhɛ ɛ sim njwɛɛn, ɛ kɛ sɔnɔ njwɛɛn ndɔ ne ɛfɔt njwɛɛn no lenɛ nɛ neyi ɛbhɛ ne ɛ kɛ lok.

Nikɔn ne kɛ Phaal 11:3

Naa ne tom nishɛɛda nge ifaa ndɔ ne itsura ne ishwin. Ne nang nibhɛ ito ne tɔng ninyi na ibol ɛTaanggbey de nituk ɛnom ɛdaan ne ikpɔl ifaa ne nzuwubɔ ɛtaraa (1,260).”

Nikɔn ne kɛ Phaal 12:11

Nibhɛ kɛ re ɛwɛng nga ne ɛhaa ne banga ikun njwɛɛn na, lenɛ nɛ neyi ɛNgɔn ne ɛpharak ka, gbik ne ishɛɛda nɛ nibhɛ kɛ nang. Gbik ɛli ne kɛ tɔk te yaa phoo nibhɛ wo, nibhɛ ne jung nang iken nibhɛ, kɛ sim nibhɛ ku.

Nikɔn ne kɛ Phaal 13:2

iNyam igywebhe de ne nggɛ yaang ngo so te ɛtsɔy. ɛNu yɛ ne so te ɛhaa ɛkuramanza, ita yɛ ne ngkpɛt tɛ ne so te mbaa ne idɛ inyam be ne i bok ihywɛ ɛbiya. ɛGbaang ne izɔ wo ne ji nang ihywɛ ihwet ɛbhɛ ne ɛcuruu ne igbɔm ɛbhɛ gha ne igbɔm ɛbhɛ gbom.

Nikɔn ne kɛ Phaal 17:6

Ne n yaang ɛkuk ka kɛ te ziizii nɛ neyi ninyi ɛTaanggbey ne kɛ tul kang gbik nɛ ninyi na ne kɛ phobho lenɛ ne ishɛɛda nibhɛ daa ɛYɛso. Ne sɛ nggɛ yaang ɛbhɛ wo ne n wum me zii.

Nikɔn ne kɛ Phaal 17:14

Nibhɛ sɛ́ ne ta itsom ne ɛNgɔn ne ɛpharak ka. ɛNgɔn ne ɛpharak ka sɛ́ ne re nibhɛ ne itsom be, daa ɛli ne ɛbhɛ ɛ soye ɛDaray ne niDaray ne ɛGɔm niGɔm. ɛNgɔn ne ɛpharak ka sɛ́ ne re itsom be nɛ ninaa ne ɛbhɛ ɛ kɛ yel-le, ɛ kasa, nibhɛ so sɛ kyinak daa ne ibol nibhɛ.”