Nikɔn ne kɛ Phaal 2:10 - ɛWee ne ìTsɛm iHywas

¹⁰ Sɔng ɛ phok ɛnik ne nggbang ngga ne ɛ yungaa sɔ wo nang. Nzi tɔng ngɛ ɛShɛtan na yaa bo ɛbyin mon ɛbhɛ rop nibhɛ ndɔ ne ijwee ne nyang te ɛ sɛ ɛ phɔwɔ nyini, ne ɛ sɔ ɛn nggbang ngga nituk ɛnduwubɔ. Kyinak ndɔ ne ìnang ne itin mon de, kɛsim i phoo yɛ, naa ne nang ngɛ ɛkɔn ne ito ne igbɔm ne iken.

Nikɔn ne kɛ Phaal 2:10 ပူးပေါင်းရင်းမြစ်များ

ɛMacu 10:22

Gbik ninyi na sɛ ne yaa mbaray nyini ɛlɔ me wo, ɛhiha ɛnyi ne ɛ kɛ ne kyinak ne ihwet, ɛbhɛ ɛ sɛ ne iphɔrɔt.

ɛMacu 10:28

Sɔng ne ɛ phok ɛn ɛnik ninyi wo nɛ nibhɛ sɛ phoo ibek ge, nibhɛ sang ji yɛɛ ne phoo iken de nang. Yang phok ɛn ɛnik ɛnyi ne aa yɛɛ ne bees ibek ge gbik ne iken de ndɔ ne ijwee ne igboo wo.

ɛMacu 24:13

ɛNyi gha ne ɛ kɛ ne rop iku i bhɛ phyii taal, ɛbhɛ sɛ ne iphɔrɔt.

ɛMarakus 13:13

Ninyi gbom sɛ ne yaa mbaray nyini ɛlɔ me wo. ɛNyi gha ne ɛ sɛ ne kyinak gɛgɛy ndɔ ne ibol nge de nang ɛbhɛ sɛ ne phɔrɔt.

ɛMarakus 8:35

ɛHiha ɛnyi ne ɛ sim te aa phɔt iken ɛbhɛ de, aa ne wɔs iphɛ. ɛHaa ne ɛ kɛ ne wɔs iken ɛbhɛ de ɛlɔ me wo ne ibol iyɛnɛng ngge, aa ne sɛ iphɛ.

ɛLuka 21:12

Sɛ ne wumus nyini i baasek nyini nggbang, i phɛɛs ne nyinɛn ne itsɔɔy bhɛ bol nyini ɛshara ji cwaasek nyini ne idee ne nyang. Sɛ kpuusi nyini i phɛ nɛ ɛlɔ ne igbaang nigɔm nɛ nishɛɛrɛng ngɛ lenɛ ne irywɛɛk nge wo, nyɛɛn nikɔn nɛnaa wo kyi tes so.

ɛYohana 12:25

ɛNyi gha ne ɛ sim iken ɛbhɛ de, aa ne wɔs iphɛ, ɛhaa ne ɛɛ ne mbaray iken ɛbhɛ de ndɔ ɛzay yeghaa wo, yaa ne nang iphɛ idee ne inat.

ɛYohana 13:2

Nibhɛ kaa ne so ne re ire ɛtuk, ɛlɛy ɛShɛtan na kɛ ku lel ne irway ɛYahuza ne iSikɔrɔti ne ɛ so ɛngɔn ɛSimɔn na, wu te ɛ rɛp ɛYɛso yegha.

ɛYohana 13:27

Kɛ ne sɛ ɛYahuza gha kɛ say ibɛrɛdi de, ɛShɛtan na ne lel ndɔ ɛbhɛ. ɛYɛso gha ne yaak ɛbhɛ, “Yɔng ɛhywarat ɛ mɔnte ɛkɔn na ne aa mɔn no.”

ɛTomɛ 20:24

Gbik ne iphɛ ɛlɛy, sɔng nggɛ ne bo iken nge ɛnu ɛkɔn nang wu naa yang yɛɛ ne taal ɛtomɛ gha ne ɛDaray ɛYɛso gha kɛ yɛk me nɛ wo, ɛtomɛ ne tɔng ninyi na ibol iyɛnɛng ne izɛɛng ɛTaanggbey de.

ɛTomɛ 21:13

ɛBulus sa ne kyii nɛ ne ɛ yaak njwii, “iKyee iphɛ kɛ te ɛ san ɛn ɛ bees ɛn mɛɛn irway daa? Nzi tɔng nyini nggɛ ku yɛk ne irway yɛ, sɔng ma yung yɔng wu irop ne yaa bhɛ rop me ne iYɛrushɛlɛm be zɔng nang, te ma yung yɔng yaa bhɛ phoo me daa ne ibol ne nang irywɛɛk ɛDaray ɛYɛso wo ne ndiinday.”

1 iKɔrɔntos 9:25

Ninaa ne tel nggbiy da ne bo nten nibhɛ gbaat ibek nibhɛ gbom. Nibhɛ mɔn ɛlɛ wo daa ɛli ne ɛrɔngɔ i tɔk te ɛbhɛ ne sɛ re ito yɛ ne ji tal ɛbhɛ ne ɛkɔn ne aa phyɔngɔle ɛ bees se, njwɛɛn no nang, sɛ ne tal njwɛɛn ne ɛkɔn ne so ɛhaa ne inat.

iFisus 2:2

Nten nɛdee nggyɛ wo ˆɛ kaa ne i roos ɛn icwas ɛzay yɛdaa wo nɛ, ˆɛ roos ɛn ɛShɛtan ne ne ɛ re igbɔm daa ikpabyik ɛzay ne i sang yaang. Ɛbhɛ ɛ soye ikabyik kɛdee nggyɛ wo ne iphɛ mɔn ɛtomɛ gha ndɔ ne irway nisang-phok.

iFisus 6:12

Daa ɛli ne sɔng njwɛɛn cwaasek en nɛ niten ne sii nang. Njwɛɛn i yang cwaasek en ne ikpabyik ivebhe ɛdaa ne irywa, nɛ nigɔm ne ikpabyik ivebhe da nɛ nibhɛ bok igbɔm ɛzay yɛdaa wo, gbik ne ikpabyik ivebhe ne ifɛ i hyel daa ne igbil.

ɛYakub 1:12

ɛHaa ɛwɛng nga nggyɛ ne ɛ kɛ rop iku ndɔ ne itɛɛsek ga, daa ɛli ne yaa sɛ ɛ kɛ kyinak gɛy ndɔ ne itɛɛsek ga, ɛ sɛ ne say ɛkɔn ne ito ne igbɔm ne iken ne ɛTaanggbey ya kaa ku sim-mɛ aa nang ninaa nɛ nibhɛ sim ɛbhɛ wo.

1 ɛBiturus 5:4

Sɛ ne sɛ ɛDaray ya ne ɛbhɛ so ɛndiinday ninaa ne hyep ᐩigyol la kɛ bhɛ kyii nang, sɛ ne tal nyini ne ɛkɔn ne ito ne igbɔm ne ɛ bok ndiinday ɛɛ sang haatel.

1 ɛBiturus 5:8

Wum ɛn itso mon ɛ shɛɛ ɛn ɛkanang. ɛHaa ne iphup mon na, ne ɛ so ɛShɛtan na i kaan, ɛɛ bunga ikun te ɛkuramanza, ɛɛ tɔk ɛnyi ne aa kpɛɛ, ɛ re.

Nikɔn ne kɛ Phaal 13:14

iHywɛ ne luk ninyi ɛzay ya lenɛ nɛ nikɔn ne kparat ta ne kɛ nang ihywɛ ɛnkiinɛ yɛ ihywɛ mɔn ɛnu ɛyisɛ ne inyam ɛyisɛ de. iHywɛ ne yaak ninyi na wu tɛ nibhɛ ryɔng izazurum te i nang inyam ɛyisɛ de ne ndiinday. iNyam be ne kaa phok ihywɛ ikpom ba ihywɛ jung shɛɛ ɛken na.

Nikɔn ne kɛ Phaal 13:2

iNyam igywebhe de ne nggɛ yaang ngo so te ɛtsɔy. ɛNu yɛ ne so te ɛhaa ɛkuramanza, ita yɛ ne ngkpɛt tɛ ne so te mbaa ne idɛ inyam be ne i bok ihywɛ ɛbiya. ɛGbaang ne izɔ wo ne ji nang ihywɛ ihwet ɛbhɛ ne ɛcuruu ne igbɔm ɛbhɛ gha ne igbɔm ɛbhɛ gbom.

Nikɔn ne kɛ Phaal 13:7

Kɛ nang ihywɛ ihwet ne ta itsom nɛ ninyi ɛTaanggbey ya te ihywɛ re nibhɛ. Kɛ ne ta nang ihywɛ igbɔm daa ne icwaang ɛzay, ne ihywee ɛzay de, ne ilwem ɛzay da gbik ne igbagha ɛzay yo.

Nikɔn ne kɛ Phaal 17:14

Nibhɛ sɛ́ ne ta itsom ne ɛNgɔn ne ɛpharak ka. ɛNgɔn ne ɛpharak ka sɛ́ ne re nibhɛ ne itsom be, daa ɛli ne ɛbhɛ ɛ soye ɛDaray ne niDaray ne ɛGɔm niGɔm. ɛNgɔn ne ɛpharak ka sɛ́ ne re itsom be nɛ ninaa ne ɛbhɛ ɛ kɛ yel-le, ɛ kasa, nibhɛ so sɛ kyinak daa ne ibol nibhɛ.”

Nikɔn ne kɛ Phaal 2:13

Nzi yɛɛ ɛlɔ gha ne ɛ sonɛ wo soye ɛlɔ ne ɛShɛtan bok ne igbɔm. Gbik ne phɛ ɛlɛy, ɛ kɛ ne wum irywɛɛk nge gɛgɛy, sɔng ɛ kɛ hana ìnang ne itin mo da ne mee wo nang. Ɛ kaa ma yung mɔn ɛlɛy nten de ne kaa phoo ɛNtipas se ne ɛ kaa soye ɛshɛɛda nge gha ne sɛ say ibol ɛbhɛ ndɔ ɛgarang mon na ne ɛShɛtan na bok ne igbɔm ba.

Nikɔn ne kɛ Phaal 2:9

Nzi yɛɛ nggbang ngga ne ɛ sonɛ wo, nzi ne ta yɛɛ ihala mo de, gbik ne iphɛ ɛlɛy, ne ɛ bok iryat ne iKabyik. Nzi yɛɛ ivol ba ne i bees sɛ nɛ wo, ninyi na nɛ nibhɛ i bok itso nibhɛ da wu i soye niYahodawa na kaabi nibhɛ sang kyi soye nɛ wo. Nibhɛ soye ɛguu ninyi ɛShɛtan.