Nikɔn ne kɛ Phaal 19:15 - ɛWee ne ìTsɛm iHywas

¹⁵ iHywa ne ihywɛ re gbom ne wuru ɛnu ɛnyi gha. iHywa yɛdee nggyɛ wo ne sɛ ne bo ɛ re igbagha ɛzay yo ne itsom. Ɛ sɛ re igbɔm ba daa nibhɛ ne ɛntsɛng ne igyɔs. Ɛ sɛ ne pharak nibhɛ ne njenjek ɛTaanggbey ne iTo Gbik ɛli ne i pharak ikpam ɛnap ɛlɔ ne pharak kɛ.

Nikɔn ne kɛ Phaal 19:15 ပူးပေါင်းရင်းမြစ်များ

Nikɔn ne kɛ Phaal 1:16

Ne ɛ wum niyuyɔrɔ ɛniitaa ne iwɔ irwye ɛbhɛ, ɛwal ninu ifaa ne ɛbhɛ re gbom ne i wuusi ɛnu ɛbhɛ, ɛyisɛ ɛbhɛ gha ne ji tol te iroy ne iphɛ kɛ hɔn ɛceree.

Nikɔn ne kɛ Phaal 2:27

Ɛ sɛ ne re igbɔm ba daa nibhɛ wo ne ihwet, te sɛ yɔng wu ɛɛ hal nibhɛ ne ɛntsɛng ne igyɔs. Ɛ sɛ́ ne phɔsɔm nibhɛ, tɛ nibhɛ so iron ne itsom.”

2 iTasɔlɔnika 2:8

Nɛ nten nɛ ne ji phaal ɛsang-phok kɛghaa wo, ɛDaray ɛYɛso gha sɛ ne phoo ɛbhɛ ne ifɔng ɛnu ɛbhɛ. ɛDaray ya ne ta bees ɛsang-phok ka ne iwɛwɛy ne ito-ndiinday ɛbhɛ de ɛtuk ne yɛɛs ɛbhɛ gha.

Nikɔn ne kɛ Phaal 19:21

Ne ji phobho nisooja nibhɛ na ne ihywa de ne ihywɛ kɛ wuru ɛnu ɛnyi gha ne ɛ kɛ taay ne ɛrɔghɔ wo. Ninon ɛzay ya gbik ne re ikpom mɛ, ɛrɔngɔ re ɛli ne aa yɛɛ nɛ.

Nikɔn ne kɛ Phaal 12:5

ɛKuk ka ne yɛk ɛngɔn ɛbhɛ gha ɛras sɛ, ne ɛbhɛ sɛ re igbɔm ne igbagha ɛzay yo gbik. iGbɔm ɛbhɛ da sɛ ne bok ihwet te ɛntsɛng ne igyɔs. Ne shii bo ɛngɔn na i tel lɛ, i phɛ ne ɛbhɛ ɛlɔ ɛTaanggbey, i bhɛ tek ɛbhɛ dak ɛcuruu ne igbɔm ɛbhɛ.

Nikɔn ne kɛ Phaal 2:16

San en ɛbɔk. Wu ɛ kɛ ne tang san ɛn ɛbɔk ka, naa ne yɛɛs dodooy ne n da itsom nɛ ninyi yɛnaa nggyɛ wo ne ivol da ne ifɛ wuusi ɛnu nge gha ifɛ re te ɛwal lo.

Nikɔn ne kɛ Phaal 2:12

Haa ɛmalɛka ne idira ninaa ne roos ne iBirigamu de nɛ te ɛ yaak nibhɛ, iBol lɛdee bɛ ne iphɛ le ɛlɔ ɛnyi gha ne ɛ bok ɛwal ninu ifaa ne ɛbhɛ re gbom mo.

Nikɔn ne kɛ Phaal 14:10

ɛbhɛ ɛ sɛ́ ne sɔ inɛn ɛnap ne njenjek ɛTaanggbey da. iNɛn ɛnap ba ne kɛ ku ryɔng hyɔrɔ ne ihwet ndɔ ɛhyihyangas ne njenjek ɛTaanggbey ya. Sɛ́ ne baasek ɛbhɛ nggbang ndɔ ne igboo ne isɔlifa ne ifɛ bok ihwet ifɛ phyin igboo ɛtuu, ɛnu ɛyisɛ ne nimalɛka ɛTaanggbey ya ne ɛNgɔn ne Pharak ka.