Nikɔn ne kɛ Phaal 19:11 - ɛWee ne ìTsɛm iHywas

¹¹ Ne n yaang irywa wo phere, ɛrɔghɔ sonɛ. I bok ɛsaa yɛ ɛHaa ne sɛ Kyinak ne iBol ɛbhɛ ne ɛHaa ne iTin. Ɛ ne bol ɛshara ɛbhɛ gha ne itsom ɛbhɛ de cik.

Nikɔn ne kɛ Phaal 19:11 ပူးပေါင်းရင်းမြစ်များ

ɛYohana 1:51

Ne ɛ yaak nibhɛ, “Nzi tɔng nyini itin nɛ, ɛ sɛ yaang ɛn irywa kɛ phaal le, nimalɛka ɛTaanggbey ji le ne ɛdak kɛ nibhɛ tɔmɔs nibhɛ ta i waase daa ɛNgɔn ɛNyi gha.”

ɛYohana 14:6

ɛYɛso gha ne kyii nɛ ɛ yaak ɛbhɛ, “Mee nzo ɛnkiinɛ wo ne itin de gbik ne iken de. Sɔng ɛnyi yaa phɛ ɛlɔ ɛKyɛɛ gha tang roos ɛlɔ nge gha nang.

Nikɔn ne kɛ Phaal 1:5

Ne izɛɛng ne irway ne laal ne ifɛ le ɛlɔ ɛYɛso ɛKiriti ne ɛbhɛ soye ɛshɛɛda ne sɛ kyinak daa ne ibol ɛbhɛ. Ne ɛ soye ɛngɔn ɛkɔɔn ndɔ ninaa ne yiisitsik ne ikpuu da. Ne ɛbhɛ ɛ soye ɛgɔm nigɔm ɛzay ya. Te nang ɛbhɛ ne ndiinday ne ɛbhɛ ɛ sim njwɛɛn, ɛ kɛ sɔnɔ njwɛɛn ndɔ ne ɛfɔt njwɛɛn no lenɛ nɛ neyi ɛbhɛ ne ɛ kɛ lok.

Nikɔn ne kɛ Phaal 11:19

Ne ji phaal ideng ɛTaanggbey de daa ne irywa wo, ne yaang ɛKwaati ne ìtsɛm mo ne ndɔ yɛ. ɛLɔ gha ne yaa tes derep, ɛɛ wunga, ɛɛ tɛɛ, ɛzay ya sungket, igbaang ne nkpaaling ne i hoghɛ.

Nikɔn ne kɛ Phaal 19:19

Ne n ji yaang inyam igywebhe de nɛ nigɔm ɛzay ya gbik nɛ nisooja nibhɛ, nibhɛ kɛ tumɛ en ɛlɔ ɛdaan tɛ nibhɛ ta itsom ne ɛnyi gha ne ɛ so daa ne ɛrɔghɔ wo nɛ nisooja ɛbhɛ.

Nikɔn ne kɛ Phaal 19:21

Ne ji phobho nisooja nibhɛ na ne ihywa de ne ihywɛ kɛ wuru ɛnu ɛnyi gha ne ɛ kɛ taay ne ɛrɔghɔ wo. Ninon ɛzay ya gbik ne re ikpom mɛ, ɛrɔngɔ re ɛli ne aa yɛɛ nɛ.

Nikɔn ne kɛ Phaal 3:14

Haa ɛmalɛka ne idira ninaa ne roos ne iLɔdakiya na nɛ te ɛ yaak nibhɛ, iBol lɛdee bɛ ne iphɛ lɛ ɛlɔ ɛnyi gha ne i yeres ɛbhɛ Ɛɛy ya, ɛshɛɛda gha ne ɛ so sɛ kyinak daa ne ibol ɛbhɛ de, ɛnyi gha ne ɛbhɛ ɛ bok igbɔm ba daa nikɔn na ne ɛTaanggbey ya kɛ ryɔng ngo.

Nikɔn ne kɛ Phaal 3:7

Haa ɛmalɛka ne idira ninaa ne roos ne iFiladafiya na nɛ te ɛ yaak nibhɛ, iBol lɛdee bɛ ne iphɛ le ɛlɔ ɛnyi gha ne ɛ kɛ tul le kang ɛ so ɛhaa ne itin na. ɛNyi gha ne ɛyaaya igbɔm ɛGɔm ɛDoda gha, ne i sɛ ɛ kɛ phaal ɛhak ɛnyi gha sang yɛɛ ne gangke wo, ne sɛ ɛ kɛ gangke wo ɛhak ɛnyi gha sang ta yɛɛ ne phaal lo.

Nikɔn ne kɛ Phaal 4:1

Ɛtsim nikɔn nɛnaa wo ne n ji yɛɛn, ne n yaang ɛnu ne izuk phere daa ne irywa. iZɔlɔs de ne nggɛ i phok ihywɛ kɛɛ wungare te ɛntuntuung ngo ɛyisɛ gha ne yaak me, “Wara ɛ yɛɛs daa ɛbɛ, te n tɔɔrek kɛ ɛkɔn na ne iphɛ so nggbinggbing nibhɛ te ɛtsim ne ninaa na.”

Nikɔn ne kɛ Phaal 6:2

Ne nyɛɛn, ne n yaang ɛrɔghɔ. ɛSaa yɛ bok iwan, ne nang ɛbhɛ ɛkɔn ne ito ne igbɔm, ɛ wuru te ɛnyi ne ɛ kɛ ku re itsom, ne iyɔk ne re itsom be.