Nikɔn ne kɛ Phaal 19:10 - ɛWee ne ìTsɛm iHywas

¹⁰ Ne n ho ne ita ɛbhɛ te n re ɛbhɛ ntsong. Ne ɛ yaak me, “Yɛwɛy! Sɔng ˆɛ mɔn ɛlɛ wo nang! Ma nzo me ɛkpuru ɛYɛso gha te igyɛ wo nɛ nigwaa mo ninaa ne roos sa nɛ nibhɛ i naas ishɛɛda ne itin de ne ɛYɛso gha kɛ phaal lo. ɛTaanggbey ne ˆaa re ɛbhɛ ntsong ngga.” Daa ɛli ne itin de ne ɛYɛso gha kɛ phaal lo i nang ihwet ne tɔng ibol ɛTaanggbey de.

Nikɔn ne kɛ Phaal 19:10 ပူးပေါင်းရင်းမြစ်များ

ɛYohana 5:39

Ɛ phɛl ɛn ɛWee ne iBol ɛTaanggbey yo cɛcɛɛy daa ɛli ne ɛ wɛɛ ɛn te ndɔ yɛ ne aa sɛ ɛn ne iken ne inat de. iVol lɛdaa nggyɛ wo ifɛ ne bol daa ne ito nge.

iBirani 1:14

ɛTsak, gbik nimalɛka na soye ikpabyik ne ifɛ mɔn ɛTaanggbey ye ɛtomɛ, ɛTaanggbey ya ne tomos nibhɛ tɛ nibhɛ phyik ninaa nɛ nibhɛ aa say iphɔrɔt da.

Nikɔn ne kɛ Phaal 4:10

ninu nikɔɔn nzuwubɔ ifaa nɛ nibhɛ nwaas sa, ne ma hoghɛse nggbuk ɛnu ɛyisɛ ɛhaa ɛcuruu ne igbɔm ma, ne ɛ so ɛken ne ishay-ishay de, nibhɛ re ɛbhɛ ntsong. Nibhɛ ne i teesek nikɔn ne ito ne igbɔm nibhɛ na ɛnu ɛyisɛ ɛcuruu ne igbɔm ma, nibhɛ yɔngɔ:

Nikɔn ne kɛ Phaal 12:17

ɛGbaang ne izɔ wo ne te njenjek ne ɛkuk ka, ne ɛ ji phɛ ɛ yaa bhɛ ta itsom ne ɛbyin ne ihywee ɛkuk ge, nɛ ninaa nɛ nibhɛ roos ikpii ɛTaanggbey da nɛ ninaa nɛ nibhɛ kɛ kyinak gɛy ndɔ ne ishɛɛda de nɛ nibhɛ kɛ nang ne ibol ɛYɛso de.

Nikɔn ne kɛ Phaal 12:11

Nibhɛ kɛ re ɛwɛng nga ne ɛhaa ne banga ikun njwɛɛn na, lenɛ nɛ neyi ɛNgɔn ne ɛpharak ka, gbik ne ishɛɛda nɛ nibhɛ kɛ nang. Gbik ɛli ne kɛ tɔk te yaa phoo nibhɛ wo, nibhɛ ne jung nang iken nibhɛ, kɛ sim nibhɛ ku.

1 ɛYohana 5:10

Gbik ɛnyi gha ne ɛ kɛ nang ne itin nɛ ne ɛNgɔn ɛTaanggbey ya, ne ɛ bok ishɛɛda yɛdee wo ndɔ ne irway ɛbhɛ. Gbik ɛnyi gha ne ɛ kɛ ne sang nang ne itin nɛ ɛTaanggbey ya, ɛ kɛ ne bo ɛTaanggbey yegha ɛ so ɛhaa ne irywɛɛk. Daa ɛli ne ɛ kɛ sang nang ne itin nɛ ne ishɛɛda ɛTaanggbey de ne ɛ kɛ nang daa ɛNgɔn ɛbhɛ gha.

iBirani 12:25

Wɛɛ ɛn yɛnɛng, sɔng ˆɛ mbaray ɛn nyini tang tenes ɛn ɛnyi gha ne ɛ bol lo nang. Seng ɛn, ninyi na nɛ nibhɛ kɛ mbaray tang tenes ibol ɛnyi de ne ɛ kaa kpɛng nibhɛ ndɔ ɛzay ya, sɔng nibhɛ kɛ ne phɔrɔt nang. Yaa ne ji mɔn ɛlii njwɛɛn phɔrɔt to wu njwɛɛn kɛ mbaray tang tenes ɛnyi gha ne ɛ kpɛng njwɛɛn daa ne irywa woo?

ɛMacu 4:10

ɛYɛso gha ne kyii nɛ ɛ yaak ɛbhɛ, “Cwi gɔɔ ɛbɛ wo ɛShɛtan nɔɔy! Kɛ ku haa ndɔ ne ɛWee ne iBol ɛTaanggbey yo bo, ‘Re ɛDaray ɛTaanggbey mo gha ntsong, ɛbhɛ zɔng ne aa re ɛbhɛ ntsong ngga.’ ”

Nikɔn ne kɛ Phaal 14:7

Ne ɛ boote ne ɛgbaang ne izɔlɔs, ɛ yɔngɔ, “Phok ɛn ɛnik ɛTaanggbey yo, te ɛ nang ɛn ɛbhɛ ne ndiinday, daa ɛli ne nten ne bol ɛshara ɛbhɛ de kɛ tuu. Re ɛn ɛbhɛ ntsong, ɛbhɛ wo ne ɛ kɛ ryɔng irywa wo, ne ɛzay ya, ne ɛling nga, ne irong inɛn da.”

Nikɔn ne kɛ Phaal 15:4

ɛDaray, ɛhay ɛbhɛ yaa sang phok ɛnik mo woo? ɛHay ɛbhɛ aa sang nang ngɛ ne ndiinday ye? iGyɛ zɔng ɛ so kang. iGbagha wo gbik yaa ne yɛɛs, nibhɛ re yɛ ntsong, daa ɛli ne kɛ phaal ɛshara ɛcik mo gha.”

ɛTomɛ 10:43

ɛNyi yɛghaa nggyɛ wo nɛ ninabawa na gbik kɛ ne tɔng ibol lɛ wu gbik ɛnyi gha ne ɛ kɛ nang ne itin nɛ, sɛ ne hana ɛbhɛ ne ɛfɔt ɛbhɛ wo lenɛ ne irywɛɛk ɛYɛso wo.”

Nikɔn ne kɛ Phaal 1:9

Mee ɛYohana ɛgwaa mon ne ɛtaay mon ndɔ ne sɔ nggbang, ɛtaay mon ndɔ ne igbɔm ɛTaanggbey gbik ne ɛbɔk ne rop iku ne ɛYɛso gha kɛ yel-le njwɛɛn nɛ. Kaa bo me bhɛ hana me ne idɛ ikop inɛn de ne i bok iphɛ iBatamos daa ɛli ne nggɛ tɔng ibol ɛTaanggbey de n da nang ishɛɛda ɛYɛso de.

iFilibi 3:3

Njwɛɛn, njwɛɛn yang soye ninaa ne kɛ hyɛghɛ njwɛɛn icwee ne itin da. Njwɛɛn no ne njwɛɛn i re ɛTaanggbey yegha ntsong ngga lenɛ ne iKabyik Ɛbhɛ de. Njwɛɛn no ne njwɛɛn i hal ɛggyɛy ya ne ɛYɛso ɛKiriti gha. Njwɛɛn no ne njwɛɛn i sang hal ɛggyɛy ya daa ne ikpii ɛten ɛsii da ne i yaang ne irwisɛ da.

ɛLuka 24:44

Ne ɛ yaak nibhɛ, “iBol lɛdee wo ne nggaa mɔng nyini ɛli ne nggaa tɔ ne nyinɛn no: iPhɛ so nggbinggbing i shwaak nikɔn na ne kɛ haa daa ne ito nge de ndɔ iMɛmɛ ɛMuusaa da ninabawa na ma ta haa wo, i kyii ta haa ndɔ ne ɛWee ne iGhel lo.”

ɛLuka 1:19

ɛMalɛka gha ne kyii nɛ, ɛ yaak ɛbhɛ, “I bok me ɛGyɛbɛrɛl. Nzi shɛɛ ɛnu ɛyisɛ ɛTaanggbey. ɛTaanggbey ya ɛbhɛ kɛ tom me ɛlɔ mo te n tɔng ngɛ ibol iyɛnɛng ngɛdee wo.

ɛMarakus 5:22

ɛDɛ ndiinday ne itɔɔy niYahodawa na ne i bok ɛbhɛ ɛYɛrus ne ma phɛ. Kɛ ne sɛ ɛ kɛ yaang ɛYɛso yegha, ne ɛ ho ne irwa-nggburuk ɛnu ɛyisɛ ɛYɛso gha,

ɛTomɛ 13:27

Sɔng ninyi ne iYɛrushɛlɛm na nɛ nindiinday nibhɛ na kaa yɛɛ te ɛYɛso gha bhɛ so ɛhaa ne phɔt ninyi na nang. Sɔng nibhɛ ne ta seng ibol ninabawa de ne i tɔng cɛcɛɛy Nituk ne iWɛsɛ na nang. Nibhɛ kaa ne shwaak ibol de nɛ ninabawa na kaa ku bol lo nten de nɛ nibhɛ kɛ phoo ɛYɛso yegha.

1 ɛYohana 5:21

Ninɔn nge, nzi bok nyini, shɛɛ ɛn kyaam nɛ nikɔn ne hame nibhɛ soye ɛTaanggbey ne itin na.

1 iTasɔlɔnika 5:15

Wɛɛ ɛn yɛnɛng, sɔng ɛnyi tal ibebhe ne ibebhe nang. Yang yɛk ɛn irway ne mɔn nikɔn niyɛnɛng ndɔ mon no nɛ ɛbyin ninyi na cɛcɛɛy.

iFisus 5:15

iPhɛ ɛlɛy, wɛɛ ɛn ihywel mon da yɛnɛng. Sɔng ˆɛ hyel ɛn tɛ niwamang nga nang, yang hyel ɛn tɛ ninaa ne ntsɛntsɛng.

2 iKɔrɔntos 8:7

Ɛ ku so ɛn ninaa ɛyisɛ yɛ ndɔ nikɔn na gbik, ndɔ ne ìnang ne itin nɛ, ndɔ ne ivol, ndɔ ne ishweng, ndɔ ne irway ne phyik, gbik ne ishwim ne ɛ tɔɔsel ɛn njwii. iPhɛ ɛlɛy, njwii ne sim te ɛ sɛ ta so ɛn ninaa ɛyisɛ yɛ ndɔ ne izɛɛng ne ìnang ngɛdee wo.

ɛMarakus 7:25

ɛDɛ ɛKuk ka ne ɛlap ɛbhɛ bok niphoo ne ma phok ibol lɛ. ɛKuk kɛghaa nggyɛ ne phɛ ɛbhɛ ho ɛYɛso yegha ɛnu ɛyisɛ, nggbuk.

iFisus 5:33

Gbik ne iphɛ ɛlɛy, te ɛrɔngɔ sim ɛkuk ɛbhɛ ɛli ne ɛ sim ito ɛbhɛ. Te ɛkuk ka ne ma nang ɛras ne ndiinday ne mang.

Nikɔn ne kɛ Phaal 1:1

ɛWee yɛwoo wo so ɛwoo nikɔn ne ɛTaanggbey kɛ phaal ɛYɛso ɛKiriti ye, te ɛ tɔɔrek nikpuru ɛbhɛ nikɔn na nɛ nibhɛ yunga te. ɛYɛso gha kɛ ne phaal ɛkpuru ɛbhɛ ɛYohana ye ibol lɛdee wo lenɛ ne ɛmalɛka ɛbhɛ ne ɛYɛso gha kɛ tom ɛbhɛ ɛlɔ ɛYohana gha.

Nikɔn ne kɛ Phaal 19:9

ɛMalɛka gha ne yaak me, “Haa ɛbɛ: ‘Ninaa ɛwɛng ngaa nggyɛy ne kɛ mɔng nibhɛ idira ɛwɛrɛ ɛNgɔn ne Pharak ge.’ ” Ne ɛ ta yaak me, “iBol lɛdee wo so ibol ɛTaanggbey, iphɛ ne so itin nɛ.”