Nikɔn ne kɛ Phaal 18:9 - ɛWee ne ìTsɛm iHywas

⁹ Sɛ́ ne sɛ nigɔm ɛzay ya nɛ nibhɛ kɛ ra nzangas de ne ɛkuk kɛghaa nggyɛ wo, nibhɛ ta bok ihyop ne ishwɛɛ ne phok yɛnɛng ngge ne ɛbhɛ wo, kɛ yaang ngkoy ne igboo wo ne ifɛ re ɛbhɛ wo, nibhɛ ne san iku ɛbhɛ de.

Nikɔn ne kɛ Phaal 18:9 ပူးပေါင်းရင်းမြစ်များ

1 ɛTimɔti 5:11

Sɔng ne ˆɛhaa irɛɛk nikusang ngge nɛ nibhɛ tɔ niphas sa ndɔ ne irɛɛk kɛdee nggyɛ wo nang. Daa ɛli ne yaa sɛ ihyop ne ibek nibhɛ de kɛ yaa tak nibhɛ iyɔm, nibhɛ ne hosop ihywɛɛ nibhɛ daa ɛtomɛ ɛKiriti gha.

Nikɔn ne kɛ Phaal 14:11

Ngkoy ne igboo da ne i baasek nibhɛ ne nggbang ngga ne ku i waase daa ne irywa ishay-ishay. Ninyi na nɛ nibhɛ kɛ re inyam be ne izazurum ne ihywɛ da ntsong ngga, nibhɛ ta say ɛlamba ne irywɛɛk ne ihywɛ gha, sɔng iphyonka ne so nibhɛ nɛ nang, ne igbey ne ɛtuk.”

Nikɔn ne kɛ Phaal 17:2

niGɔm ɛzay ya kɛ ku ra ne ɛbhɛ, ninyi ɛzay ya i ne tes ziizii daa ne sɔ inɛn ɛnap ne nzangas ɛbhɛ de.”

Nikɔn ne kɛ Phaal 18:18

Sɛ́ ne sɛ nibhɛ kɛ yaang ngkoy ne igboo da ne ifɛ re ɛbhɛ wo. Nibhɛ sɛ ne ta ikun, nibhɛ yɔngɔ, ‘Sɔng kɛ ku sɛ ɛdɛ ɛgarang nga te ɛgarang ngɛgha wo nang.’

Nikɔn ne kɛ Phaal 18:20

Yɛk ɛn irway ihwala daa ɛbhɛ, nyinɛn ninyi ɛdaa ne irywa! Yɛk ɛn irway ihwala daa ɛbhɛ nyinɛn ne kɛ tul nyini kang, nɛ ninɔn ne tom, nɛ ninabawa! Daa ɛli ne ɛTaanggbey ya kɛ hyɛ ɛBabila wo ɛshara, daa ɛkɔn na ɛ kɛ mɔn nyini nɛ wo.”

Nikɔn ne kɛ Phaal 18:3

Daa ɛli ne igbagha ɛzay yo kɛ sɔ inɛn ɛnap ne ihyop ne nzangas ne ɛbhɛ de. Nigɔm ɛzay ya gbik kɛ ra ne ɛbhɛ. Ninaa ne iza ɛzay ya gbik kɛ yɛk iryat daa ne ihyop ne ishwɛɛ ne phok iyɛnɛng ɛbhɛ.”

Nikɔn ne kɛ Phaal 18:7

ɛLi ne ɛ kaa tɔɔk ito ɛbhɛ de ɛ sim ishwɛɛ ne phok iyɛnɛng ngge, ɛlɛy ne ˆaa ne ma bak ɛn ɛbhɛ nggbang ngga ne irway ishwii da. Daa ɛli ɛ kaa bol ndɔ ne irway ɛbhɛ da ɛ bo, ‘Nzo ɛkuk ɛgɔm, sɔng nzo me ɛkusang nang, Sɔng nzɛ ne tang yaang irywa ishwii nang.

Nikɔn ne kɛ Phaal 19:3

Nibhɛ ne ta kyii ta tɔɔk izɔlɔs de nibhɛ yɔngɔ, “Te dɛp ɛTaanggbey ye! Ngkoy ne wɔɔ ɛgarang ngɛghaa wo i tuk mpɛ phɛɛs daa ne irywa mpɛ i tuk ishay-ishay.”

Nikɔn ne kɛ Phaal 2:22

iPhɛ ɛlɛy, naa ne cwaak ɛbhɛ ɛlɔ ne laal ne isha. Gbik ninyi na nɛ nibhɛ ra nzangas de ne ɛbhɛ wo nang, naa ne bak nibhɛ ɛgbaang ne nggbang. Naa mɔn ɛlɛ wo wu nibhɛ kɛ sang san ɛbɔk daa ne ihywee ne ishwɛɛ ɛbhɛ da.